يوجا


ازيكم جميعا
اولا كل سنة و انتم طيبين بمناسبة عيد الحب المصري
و ثانيا كل سنة و انتم طيبين بمناسبة عيد الأضحى اللى قرب خلاص
ومش تاكلو لحمة كتير علشان مش تتعبوا
المهم انا بقالى فترة زي ما انتو عارفين انى مقلة جدااا سواء فى التعليقات او فى الزيارات او الكتابة
و ده لحالتى النفسية اللى من كتر الفرسة بقت ارض ارض
المهم بالصدفة الباحتة قابلت حد مش شوفته من يجي كام سنة كده
و مش حقول كام علشان الناصح فيكم ما يفرسنيش
المهم الكلام جاب بعضة و عرفت انه بيدرس يوجا
قلت يعنى التعليم اللى اهالينا علموهولنا و الصرف اللى صرفوه و تعب القلب و تيجي فى الآخر تبقى مدرس يوجا
المهم بدأ يشرحلى ايه هيه اليوجا ديه
قلتله ياعم يوجا ايه بس
دول ناس بتغمض عنيها و تنام و خلاص
اتاري بقا انها علم و علم مفيد كمان و بيعالج كثير من الامراض
و اصل اليوجا ديه الهند و بالأخص الهيمالايا
و الغرض الاساسي منها ان الانسان يتحكم فى عقلة
و لما فشلت محاولات التدريب على التحكم فى العقل
اتجهوا للتحكم فى الجسم و التحكم فى عضلات الجسم
و بعد طبعا تدريبات كتيرة الواحد بيقدر يتحكم فى جسمة و بالتالى التحكم فى العقل بيكون بالتبعية
و الغريب ان اليوجا قايمة اولا على تنظيم النفس
يعنى الواحد ياخد نفسة و يطلعه بطريقة معينة
يعنى ياخد النفس بالراحة و ياخده عميييييق و يبدأ فى انه يخرجه بالراااااااحة جداااااا
و ده طبعا مع تغميض العين مش علشان الواحد ينام لأ علشان الواحد مش يركز غير فى النفس اللى بيدخل
و يمر لغاية ما يملأ الرئتين
و يركز فى خروجه واحدة واحدة و يتخيل فى الدخول و الخروج مسار الهوا
تصدقوا انا لما عملت الموضوع ده حسيت بفرق و الله
بس طبعا لغوشت على الأخ الصديق و سبته و مشيت
و قررت بيني و بين نفسي انى اقرأ اكتر عن اليوجاا بس فى سري

طبعا بتسألوا ليه انا سبته و مشيت ؟
الصراحة؟؟؟
خوفت اتعالج من الفرسة و مش ابقى مفروسة تاني
و اوهمت نفسي ان فيه ناس حتوحشها مفروسة
فقلت لأ بلاها علاج
خليني مفروسة احسن

تحياتي ليكم جميعا و كل سنة و انتم كلكم طيبين و بخير و سعادة


15 زارونى......و اتفرسوا:

Somaya Kamal El Din said...

اسالى مجرب بس مش مجرب يوجا لا مجرب فرررررررررررررررسة واكتئااااااااااااااااب

بس تصدقى هجربها
لان واضح ان الفرسة على المدى البعيد هتحيب مشاكل اكتر ما انا جبت لنفسى مشاكل
ههههههههههه

Mafrousa said...

كتر خيرك و الله يا اخت سومية
عبرتيني ربنا يكرمك و يشفيكى من الفرسة
بس تصدقى فعلا بتنفع
تحياتى و شكرا لمرورك

donya said...

مساء الخير
كل سنه وانت طيبه
ويبعد عنك الحاجات اللي فرساكي
لكن اليوجا دي جميله وكتير ناس بتتعالج من امراض نفسيه بيها

*تحياتي

funky girl said...

بجد اليوجا دي حلوة اوي و ممكن تعالج الفرسة فعلا :):)
:)
الحمد لله انك قريي بس احنا عايزين مفروسة معانا على ك
طوول :):):)

safa7_karmooz said...

يوجا

كنت بلعبها زمان

بس مملة

عاوز لعبه فيها ضرب ورزع ودم

عشان الشحنة تطلع

ههههههههههههههههه

مفروسة هانم ليكى تاج عندى منى ليكى

^_^

شفـقــة و إحســــان said...

لا لا يا مفروسة اوعى تبطلى فرسة لحسن المدونة تقع منك
احنا اتعودنا ندخل هنا نتفرس متخليش اليوجا تغيرك انا بقولك اهو
بس لما تقرى عن اليوجا ابقى قوليلى اخر الاخبار
شفقة

Asmaa mahaba said...

بزمتك عرفتى تعمليها وعيالك موجودين عارفه عشان العب يوجا يتطلب انى اخنق اخواتى او انيمهم ساعتين تلاته بمنوم
الحاجه اللى اتفرست منها هى عيد الحب :))

Anonymous said...

السلام عليكم
انا اقدر جدا اللى يبقى مصر على حاجه
وخاصه كمان انه يبقى مفروس
على فكره نصيحه
حتى ولو حاولتى تبطلى تتفرسي
فبصراحه مش متاكد ان كانت الظروف الحاليه الموجوده هاتساعدك انك تتعالجي براحتك

بس بالنسبه لليوجا فمع احترامى طبعا ليكي وللى تعرفيه
فانا مش من الناس المحبذه لليوجا
ومش شايف فيها حاجه جامده
مهما قالوا عنها

عموما ده رايي
والخلاف فى اليوجا لا يفسد للكوره قضيه
وخصوصا يعنى احنا داخلين على اخر مباراه فى التصفيات ان شاء الله
يارب نكسب ومنتفرسش فى اليوم ده
ههههههههههههههههه
سلام

دكتور بهــدوء said...

بصي يا حاجه هوه قرص اسبرين وتفقعيها نومه لحد الصبح ودمتم

بس جاي اهني وابارك
ربنا يتوب علينا م الامتحانات اللي قفلت علينا الميه والنور

Ehab said...

يوجاااااا

ايوه الواحد هيحتاج اليوجا قوي خصوصا بعد الصداع بتاع تجهيز الشقه والتوضيبات والعك ده كله

علشان الواحد يتجوز وهو قلبه نضيف
وسلمني نضيف اسلمك نضيف

سلااااااااااااااااااااام
اخوكي ايهاب

غني يابهيه said...

انا جييت

كل سنه وانتى طيبه وعقبال
51428764321586
سنه

رحــــيـل said...

ههههههههههه

طيب المهم اليوجا دى بتعالج الاكتئاب والقرف والذى منه
ولا للمفروسين فقط

لو وصلتى لحاجه مفيدة افيدينا احنا اخوات فى التدوين يابنتى
وهنيالك يافاعل الخير وكده يعنى
:))

نعكشة said...

حضرتك تعرفي سنترز طيب بتدرب يوجا؟؟؟

.......

وحضرتك طيبة

.....

سلام عليكِ

أحــوال الهـوي said...

كل سنة و انتي طيبة

و ان شاء الله تتحقق كل احلامك و امانيك

تحياتي

حنين القلب said...

كل سنه وانتى طيبه يا حبيبتى
وعقبال مليون سنه فى صحه وهنا

وحشتينى