لمصلحة مين؟؟؟؟؟

لمصلحة مين اللى بيحصل ده؟؟؟
لمصلحة مين الاشاعات الفظيعة اللى بتتقال عن الجزائريين و اللى بيحصل لهم
و لا اللى بيحصل منهم؟؟؟؟
لمصلحة مين التصعيد الفظيع اللى بيحصل من كل من الطرفين؟؟؟؟
لمصلحة مين ان الجزائريين يوستفزوا بأقاويل غير صحيحة عن وجود قتلى منهم
لمصلحة مين ان لما يوستفزوا يروحوا يكسروا فى مكتب مصر الطيران هناك
و لا يعملوا شغب مع مصريين هناك فى بلدهم؟؟؟
لمصلحة مين
حد يفهمنى بس
انا مفروسة بزيادة
ديه حتة كورة لا راحة ولا جت
مونديال ايه ده اللى حيخلى اخ يقتل اخوه
ولا حيخلى العرب تولع فى بعضها


انا من رأي عدم تداول موضوع الاحداث ديه
سواء اكانت صحيحة او خطأ
و عدم المزايدة
اللى يشوف حاجة بعينه يتكلم
لكن انا النهاردة عندى يقين ان كل الصحافة بأنواعها
حتى الالكترونية
لا يمكن الوثوق فيما يقال فيها
فبالله عليكم
لا تتفاعلوا مع اي كلام ولا اي اشاعات
ولا تدوا ودانكم لاي حد يلعب فيها
مش عاوزين مصايب
خلونا احنا بكل الاحوال الاحسن
ما تفرسونيش

15 زارونى......و اتفرسوا:

خواطر شابة said...

أنا معك ان الامور زادت عن حدها ومن كلا الطرفين
تعلمين في كل مايجري ليس هناك رابح الكل خاسر
لكن اقول لك نحن نجني الان ثمار مازرعه الاعلام في كلا البلدين طوال الشهر الماضي كل الشحن الدي حصل هدا هو حصاده الان
مع تحياتي

donya said...

مساء الخير
مساء الفرسه
انا من امبارح مش مصدقه لاعينيه والا وداني معقول الكلام ده
ليهم حق العالم يبصوا لنا علي اننا اغبياء وعالم تالت
معقول دي كوووووووره
وياريت اللي هيوصل لكاس العلم هيصمد والا يستني لدور التمنيه حتي
ده كله 16 واقلب
مش مصدقه ان دم عربي للعربي مرهونه بكوره
حسبي الله ونعم الوكيل في من اشعل الفتنه
وياريت نترحم علي القوميه العربيه

تحياتي
بالتعزيتي في الروح الرياضيه والعربيه

فاتيما said...

أزيك يا فروستى
و كل سنة و انتى طيبة يا حبيبتى
اللى حاصل
انا مش مستغرباه بصراحة
الشحن الأعلامى كان على اوجه قبل المبارة بشهر و زيادة
و الشعب الجزائرى
مع إحترامى ليهم فيهم صبغة عنف
و دا من زمان و مش معانا احنا بس
دول مع بعض حتى و فترة التسعينيات عندهم تشهد بذلك
ضيفى على ذلك
أستضعاف المصرى عموما فى كل بلاد الدنيا شرقها و غربها
لأنه ملوش سعر عند بلده
و وزارة خارجيته الضعيفة
ضيفى على ذلك بقى
الحب الجارف
و التشجيع الخرافى اللى الشعب دا اظهره وقت
و ما قبل
و ما بعد الماتش
و الكفيل بإثارة غضب
و حقد أى شعب تانى على وجه الارض
كل دى أسباب تخلى الدنيا
بايظة كدا
و ربنا يستر
إن شاء الله خالص حبى ليكى يا حبيبتى
و بعد البؤجة
هنخلى قوس قزح تعمل لقاء حريمى
عشان تنوريناااااااا
بوسة و حضونة يا فروستى
يا حبيبتى

Z_Diva said...
This comment has been removed by the author.
Z_Diva said...

lelasaf elklam kolo 7a2ee2y.. goz sa7bty kan mafroud ygy mn hnak elnharda, howa byshta3'al hnak, we mesh 3arf ygy 3shan 5ayfen yrkbohm eltyarat elgza2ry elly kano gayeen feha, we fe3lan masr leltyran afla hnak 3shan hma kasarouha, we mesh 3arfen yla2olhm tyarat agnbya ygy 3alyha, we elbnt mar3ouba 3la gozha gedan, specialy she just had her 1st baby, fa she's goin crazy bgad :S.. bas elwad3 mo2sef bsra7a, wala ka2n fe 7arb ben elbaladen :S

Z_Diva said...

sorry nset amasy walla asba7 keda weda5lt ymen fe shmal do3'ry, bas bsara7a, asl ana knt lesa mklma elbnt 3al3asr we sotha kan y7ram worried awy fana medy2alha :S
elmohm, kol sana wenty tayba el3eed arab, we isa hnksbhm brdo yom elarba3, we nrou7 kas el3alm, we feha eh law tl3na mel 16, bas esmna l3bna hnak :D, bas felawel we fela5er... de koraaa... it's a gaaaaaaame, welly reactions elly 7asla de swa2 hna walla hnak, sba7 elhals y3ny wallahy 3eb :S

blue-wave said...

والله حرام اللى حصل وبيحصل دا
دى لو توصل نلغى كاس الزفت دا اللى هايموت الناس
حاجه تقرف

شفـقــة و إحســــان said...

انا قلت زيك كده برضوا معقول كل الحقد والكره والبلاوى اللى بتحصل دى علشان كوره؟؟
بجد حاجة تحزن وفعلا تفرس وتنقط ... الواحد مش مصدق اللى بيحصل ولا كاننا يهود وبنحارب بعض
ربنا يهديهم ويهدينا

صبرني يارب said...

نففففففففس الكلمه يا مفروسه يا اختي خطرت على بالي

وقلتها كمان اول ما سمعت الى حصل
لمصلحة مييييييين

والله ما انا عارفه

اما عن الصحافه والاعلام عموما

فده اصلا رايي فيهم من زمان

nody said...

طالعى عناوين الصخف الاسرائليه
وانتى تعرفى لمصلحه مين العرب يموتوا فى بعض

Asmaa mahaba said...

شوفى اللى اتنشر فى جرايد اسرائيل وانتى تعرفى لمصلحه مين
يوم الماتش مقبوض على واحد اسرائيل لابس علم جزائرى وداخل الماتش ابقى اساليه رايح يعمل ايه
كاتبين فى الجرايد بتاعتهم عقبال فتح وحماس زى مصر والجزائر
عرفتى لمصلحه مين

حنين القلب said...

لمصلحه مين ؟؟
لمصلحه اللى عايز يولع بينا وبينهم واهه العرب يخلصوا على بعض

لمصلحه اللى عايز يشغلنا فى كورة ومونديال وكلام فارغ علشان ننسى المشاكل الاساسية اللى احنا فيها

والصحافة والاعلام ده دورهم من زمان
ايه الجديد فى كده؟

عاشقه الرومانسيه said...

والله هى فعلا حاجه تفرس

funky girl said...

معاكي حق لمصلحة مين
امنا حاسة ان احنا بائينا اغبى خلق الله
يعني ناس تضرب في بعض و تقتل في بعض و تشتم في بعض و كلو بيكره بعضو
و دلوائتي انا اما اشوف كومنتات
المصريين كتير جدا يقولوا والله انا لو شفت جزائري في مصر اقتلوا
و الجزائريين خلاص ابتدو معانا في السودان و بيقولو نفس الكلام
و قربنا على حرب
كل داه عشان قماشة مليانة كورة
مين فاكر العشرة الاوائل من ذي الحجة الزي العشرة الاواخر من رمضان ولااااااااااااا اي حد

لا حول و لا قوة الا بالله
ربنا يهدينا

اقصوصه said...

لمصلحتكم طبعا

عشان تنشغلوا بهالامور

وتنسوا البلاوي اللي بتعملها الحكومه

وبدل ما يطلع غيظكم داخليا

يتحول مسار الغيظ الى الخارج

وتنسوا مشاكلكم الاساسيه :)