مقتطفات لبداية العام

إزيكم جميعا
ترددت كثيرا قبل الكتابة اليوم
لاني ببساطة لا اريد ان افرسكم معى فى الايام الاولى من السنة الجديدة
اللتى يأمل البعض، بل الكثيرين و منهم انا
ان تكون احسن بكثير من السنة الماضية
و لكن ما باليد حيلةمفروسة و حفضل مفروسة
@@@@@@@

جيء فى كثير من البرامج التلفزيونيةو الجرائد
ما يدار حول تطعيم طلاب المدارس و الحوامل

ضد الفايروس القاتل
و هو الوصف الذى وصفته به جريدة المصري اليوم
سبحان الله دلوقتى الانفلونزا بقت فيروس قاتل
فكرتني بالفيلم اللى كانو بيوقولوا فيه
لا تشرب الدواء انه به سم قاتل
ما علينا
الآن انقسم الاهالى الى قسمين
قسم يؤيد و مبسوط و سعيد و فرحان
ان اولادة سوف يأخذون التطعيم و حيكونوا فى الآمان
و قسم قلقان و لا ينام الليل و يتكلف اتصالات دولية لكل اللى يعرفهم
فى امريكا و اوروبا حتى فى بلاد الواء الواء
و ده لأنه اشيع ان المصل بيسبب بعض الأعراض الجانبية
مثل الشلل الرباعي و العياذ بالله
و مثل الصرع
و غيره من الاعراض....
الغريب ان وزير الصحة عندما سؤل عن حكاية الشلل
قال بمنتهى الصراحة
ايوه لابد من تواجد اعراض جانبية
لكن من سوف يصاب بها؟ لا احد يعلم
و هل هيه حتمية للكل؟؟؟؟
لأ طبعا
زي اي دوا ليه اعراض جانبيةو انت و حظك
و من جانب آخر تؤكد وزارة الصحة على السادة المواطنين
ان تثق بكلام وزارة الصحة
و ان المصل آآآآآآمن

بس على كل ولى امر ان يمضيلي
على انه موافق على تطعيم ابنه

لا تعليق بس خلاص
@@@@@@@@@@
ماشاء الله ماشاء الله
ارى ان شركات المحمول
تسعى بكل جد فى حملة لتجميل الجمهورية
فزرعت فى جميع انحائها النخل العااااااااااالى
الذى لا يطرح بلح ابداااا
و لكن يطرح ذبذبات ربما نحصد نتايجها فيما بعد

@@@@@@@@@@

نفسي اعرف آخرتنا ايه؟؟
احنا كشعب
آخرتنا ايه فى الزبالة اللى انظارنا اتعودت على رؤيتها
الذبالة اللى جيوبنا الانفية
امتلأت سواء بروايحها
او روايح حرقها
روايح و مناظر تفرس

@@@@@@@@
رسالة الى كل من يعرف مفروسة شخصيا
او بشخصيتها الاعتبارية
اعلموا انى اكن لكم كل الحب
حتى اذا لم تتوافق شخصياتنا

كفاية عليكم كده
سلام

19 زارونى......و اتفرسوا:

صيدلانيه طالعه نازله said...

انا بقى اعرف مفروسه الحقيقيه و الاعتباريه و باموت فيها و نفسى تتكرر مقابلاتنا كتير و اشهد انها شخصيه جميله قوى و تفكيرها بيعجبنا
موضوع الزباله ده يا روسه المفروض اتعودنا عليه و بطلنا ننتقده بقى و الا تبقى غاويه تفرسى نفسك

Mafrousa said...

علاااااااااااااااااااااااااا
سامعانى؟؟؟؟
صوتي واصل عندك؟؟؟
ههههههههههههههه
اسكتى يا حبيبتى الزبالة بقت للركب
انتى اخبارك ايه؟
و كل سنة و انتى طيبة و بخير
و انا برضه بموت فيكي و عمك هايبر بيسألى عليكي كل يوم
هههههههههه
تحياتي ليكي

Anonymous said...

السلام عليكم
ايه ياستى المواضيع اللى تحزن دي
انتى شكلك مش بتابعى الاعلام الحكومى
الدنيا حلوه ومفيش مشاكل غير ان الشعب باه مش عاجبه حاجه رغم ان الحكومه قايده صوابعها العشره شمع
بس احنا اللى مش بنقدر الجمايل

هم قالوا هايطعموا العيال
بس انا بصراحه مش متاكد قوى ان الكلام ده هايتنفذ
بس فعلا على مستوى العالم فيه قلق على المصل
فيه ناس بتقول امن وناس بتقول لا
وللاسف الشركات الكبيره بره مش دايما باثق فيها لان فيه حالات بتكون تتحرك عشان المصلحه بس بغض النظر عن حاجات تانيه
فالناس تحاول تتاكد اكثر

اما شركات المحمول فالمفروض ان فيه معاملات امان عالميه للمواضيع اللى زي دي
فهل هى بتلتزم بده
الله اعلم
اتمنى ذلك

اما الزباله اللى ماليه الشوارع وبكل بساطه هى ممكن تكون موطن لاوبئه احنا مش ناقصينها
لكنها دليل كبير على انجازات الحكومه اللى بتاخذ فلوس الزباله دي من زمااااااااااااان
ربنا يرحمنا
ربنا يكرمك ويسعدك

Dr. Ibrahim said...

ماهو ان كان آمن مكنش مضى حد على إقرار يبقى آمن ازاى؟!!

Anonymous said...

السلام عليكم
كل سنة وأنت طيبة

بالنسبة للمصل الذي تعطيه الوزارة فهو آمن تماماً وتم تجربته في دول كثيرة قبل مصر ولفترة طويلة وكل ما يُثار عنه أراه بلا مبرر
المصل له أعراض جانبيه لبعض وليس الكل والأعراض الجانبية بسيطة وعادية جداً كتورم طفيف مكان الحقن ..أو سخونية بسيطة .. أعراض عادية مصاحبة لكافة الأمصال الأخرى
أنا والدي طبيب ومسؤول في قطاع الصحة وتناول التطعيم منذ أيام وهو على يقين تام بعدم وجود ضرر
لو لاحظتي أن الحوامل هم أصحاب النسبة الأكبر من الإصابة وهذا بالطبع معروف أسبابه ولهم تطعيم خاص على فكرة حالياً

===============

الزبالة مشكلتها مشكلة
آه لو كل قيادات مصر تكون زي عادل لبيب .. عمل من قنا جنة وقت ما مسكها والمواطن هناك اللي كان بيرمي ورقة كان بيدفع غرامة عليها وهو ما أتى بالإيجاب على سلوك المواطنين

الحمد لله مش حاسس أوي بمشكلة الزبالة في مدينة كفر الشيخ

دمتِ بود

سواحة said...

بصى هو التطعيم
انا شايفة انه يفيد الناس الى معرضين له بشكل مستمر زى الاطباء و التممريض
انما مش الكل يعنى
و بعدين مهواش الفيروس القاتل هو فيروس بيهد و ساعات الناس ساعات بتفيص من الهد ده

الزبالة اقول ايه
لو بلدنا تخططلها شوية
و تبنى محرقة زبالة صح
علشان الاجيال الجاية
احنا خلاص اجسمنا باظت منها

المحمول
حنعرف اثاره كمان 10 سنين و ساعتها حنكون بتعرض لالعن منه
:-)

مفروسة متتفرسيش قوى كده من البداية
ابتدى الفرسة براحة علشان تكملى لاخر السنة
وكل سنة و انت طيبة و مش مفروسة :-) انشاء الله

-_- said...

ما تطعموش

Anonymous said...

يا دي اللي مفروسة على طول دي

بصي،، التطعيم اظن ان بابا مش هيرضى يطعمهم
ثانيا انا لو مكانه هبقى فعلا قلقانة جدا واشط اني هطعمهم
ده الضنا يا مفروسة
الضنا
وتقوليها كده وانتي مخنفة،، هي بتتقال بالخنفان على فكرة
:)

مفروستي.. كل سنة واحنا مستحملين مصر
^_^

مها ميهوووو

شهد الكلمات said...

ازيك يا مزمزيل مفروسة و الله وحشني قلمك بقالي كتير مش بزورك معلش حقك عليا

شوفي يا ستي بما اني بشتغل في مستشفي طويلة عريضة عظيمة عريقة عقيمة عتيقة الي اخره
احب احكيلك موقف حصل قصاد عيني ..ترارااااااا في كل مكان
جات ياعيني ممرضة عندنا قالت تسال دكتور محترم عريق هو كمان في المستشفي عن ولادها اللي هايخدوا التطعيم
قام سيادة جناب حاضرة الداكتورررررررررر قالها و الله يا بنتي انا ماقدرش اقولك خديه او ماتخدهوش
اقولك خديه يجي الواد ياخده و مايجلوش انفلونزا الهباب و بعد عشر سنين يجيله عجز جنسي و شلل تقولي ربنا ينتقم منك انتا السبب و شورت عليا اخده
و ماقدرش اقولك ماتخدهوش يقوم الواد يلعب مع الخنازير و يتعدي و تقوليلي ربنا يخدك انتا السبب و قولتلي مايخدوش
طبعا الممرضة مافهمتش تعمل اية طب تدي الواد ولا ماتديش ...ماتفهميش ولا احنا فاهمين ولا اي حد مننا فاهم
بس و الله يا ست مافروسة يا ختي انا لو عندي عيال و حتى لو قالولي تخدي التطعيم ولا تكتبي تعهد هاكتب تعهد
اية يعني يجيلي انفلونزا و اخف او اموت
احسن ما اطعم و ياعالم يجيلي اية في المستقبل عقم و لا شلل و لا البربري و لا الجويجوي او اية اللي هايظهر من امراض بعد خمس دقايق

خلاصة الكلام غضب ربنا عمال بيقوا من جمرة لسارس لطيور لخنازير لمعيز و لسة
و المشكلة ان ماحدش واخد بالله

طولت عليكي معلش

و صحيح نسيت اقولك كل سنةو انتي طيبة و سنة سعيدة عليكي و علينا و على كل المصريين

تحياتي

Unknown said...

لمّا بتسأل عن التطعيم
بفضل عدم التطعيم
للشك الواضح فى
نسبة نجاحة
ولأضراره
المحتملة جداً

Migo Mishmish said...

وانتى طيبه ياستى
ميرسي عالمعايده الجميله ..يارب يارب يارب ..بحق الايام المفترجه ..تجعل السنه الجديده حلوة علينا وكلنا مصريييييين بجد مش اى حد ...يارب احفظ مصر وشعبها بناسها الطيبين ..بناسها المخلصين ..احفظها يارب سما وارض وطين ..ونتجمع كلنا سوا فى القدس فى فلسطين ..نذكر اسمك نسبحك..مش مهم باى طريقه ..مش مهم ازاى ..المهم نكون ..على اسمك متجمعين ..امين
تحياااااتى
ويارب السنه الجايه متكونيش مفروسه ..تكونى مبسوطه
ميجوووو وزوجته مشمش وابنتهم ساندو

Tears said...

وزيرة الصحة الفنلندية ليها تسجيل مترجم على يوتيوب من برنامج تلفزيونى و قالت ان بلادها ترفض هذا التطعيم و ترى ان له تاثيرات سلبية على المدى الطويل مقصود بيها تقليل اعداد سكان الارض

Unknown said...

كافية ان رئيس الحكومة
اسمه نظيف فهم ضمانوا ان مصر نظيفة
بالقدر الكافى الذى لا يحتمل الزيادة

بحبك يامصر said...

وهى الفرسه اللى عندك وعندنا جت من شئ شويه اكيد هموت مالفرسه مش من الفيروس
بصى الناس المسؤلين بتوعنا بياخدو كورسات ازاى يتعالملو معانا ازاى يقولوا الحاجه عكسها هما تقريبا هدفهم فرستنا يارب تجلهم فرسه توجع بطنهم

Mina said...

الاستاذة مفروسة
متشكر قووووووووووووي علي المعايدة الجميلة جدا
فرحتي قوي بجد
كتر خيرك
وكل سنة وانت طيبة

الجواز و سنينه said...

فى اوربا و الدول المتقدمه بيصارحوا الشعب بكل حاجه
لكن احنا مش شعب من الشعوب دى
حتى على مصر مش بنششوفه إلا فى ماتشات الكوره
هو ده الانتماء كما نعرفه

اما الزباله فأيه الجدي و اما النخل اللى مش بيطرح ابدا فاليه نزع نخله تطرح بلح و يكون حتى عندنا ثروه من البلح
المهم يكون عندنا ثروه من الذباب و الناموس اللى هايهرونا من النخل الغريب ده
مش فرستك خالص اهه

SAMS-1990 said...

موضوع التطعيم ده أنا سمعت من دكتور محترم إن الماده الحافظه للتطعيم هى المشكله
و إنها رخيصه و بنت حلال و بتسبب مشاكل

بالتالى لم أتطعم أنا و العيال
وربنا يسترها مع الغلابه

ظل السماء said...

السلامُ عليكم و رحمةُ الله و بركاتُه

أنا ضد التطعيم و يا ريييييت ما حدا يعطيه لأطفالُه و لو حتى أعطوكم شهادات و إثباتات عن أهميته و سلامته!

من فترة وصلتني رسالة بالبريد العادي بتحذر تحذير شديييييد من إعطاء المصل هادا لأي شخص مش بس للأطفال و طبعاً هون بأمريكا متل ما شُفت بالتعليقات فوق فعلاً بيصارحوا الشعب بكل شي فالبتالي بيكون مُخير و ليس مُجبر على شيء
المهم فتحت الرسالة و بدأت أقرأ عن أضرار الطُعم هادا و مخاطره المستقبليه و بيحذروا من عدم إعطاؤه لأي أحد
إتصلت فوراً على طبيب إبني هو مصري :) و سألتُه عن التطعيم
فرفض رفضاً تاماً إني أعطيه لأبني و رفض كمان تطعيم الإنفلونزا العادية الموسمية لأنو بكل بساطة قَللي باللهجة المصرية اللي بموت فيها:) : بُصي يا بنتي هو الموضوع ده مش باين لسه أضراره و منافعُه الحقيقية فلييييييه ناخدُه من الأساس?? و كمان طالما جسم الإنسان ربنا مديه مناعة طبيعية ليه نبوظه?? و كمان عليكي بالوقاية!
هو مش مرض خطييييير زي ما الإعلام بيقول دي كُلها مُحاولات فاشلة بس عشان يروجو للدوا و يستفيدو من أرباحُه الناس اللي أصابهم المرض و ماتوا دول ناس سكتوا على أعراضُه من الحُمى و ارتفاع درجة الحرارة بشكل كبير فبالتالي هُم ما اهتموش بنفسُهم و ماتوا!
أما في حالات كتيييرة اوي بتصيبها المرض و بيتعالجوا منه من غير المصل دة!!!
و ان شاء الله عليكُم و علينا بالصحة و العافية على طول يا رب
دُمتي بخير و يا ريت ما كُنتش فرستك و زهقتك بتعليقي الطويييييييييل :))

سلامي...

طوبه فضه وطوبه دهب said...

والله ما بقيتى انتى لوحدك المفروسه الدنيا كلها بقت تفرس كل عام وانتى بالف خير وصحه وسعاده