ما قدرتتتتتتتتتتتتتتش


ماقدرتش افضل من غير ما اتفرس
شكلى مش بتاعة احلام ولا احزنون
شكلى بتاع فرسة و فرسات و بس

النهاردة و انا قاعدة و فى حالة استجمام و كوب النسكافيه فى ايدي
قلت يا مفروسة العبي فى الدش شوية
دوري على قنوات جديدة
و بالفعل
و اذا بي اتكعبل فى قناة تركية ناطقة بالعربي
و ركنت عتدها شوية
و ركزت مع مسلسلاتها و برامجها و اعلاناتها
قولوا ساعة اتنين مش فاكرة الصراحة
المهم يا جماعة انا عاوزة اقولكم
ان البلد ديه بتظهر كل ما هو جميل فى مسلسلاتها
و برامجها
ومعالم البلد الجميلة
و سلوكيات الناس اللى بتخر ادب و اخلاق

مع انى يعنى انا سافرت تركيا
و عارفه ان فيها الوحش برضه
بس الناس بتلمع فى بلدها
و بتلمع فى ناسها
قوم الناس تتكسف و تبقى كويسة و تخاف تطلع عكس اللى اتقال عليها


حتقولولى طيب يا مفروسة ما كل حاجة حلوة اهو
مفروسة ليه؟
حقولكم غيرانة على بلدى و على اهل بلدى المصرين
اللى مافيش برنامج الا و يظهر اوحش ما فيهم
الا مافيش فيلم
و خصوصا خالد يوسف
الا ما يظهر اوحش حاجة
الا ما فيه برنامج لمع المصريين و لا لمع مصر
الا كله شتيمة شتيمة
ابقو قابلوني لو اتغيرنا

طبعا شعب يكون محبط و ما عندوش ثقة بنفسه
ما دام عمالين نطلع اوحش ما فيه
و طبعا بنطلع صورتها مزبلة(هيه صحيح كده)
بس مش مفروض ننشر غسيلنا اللى مش نضيف قدام الناس

مش مفروض نشجع الناس على المظاهرات و التهليل و قلة القيمة
لازم افكر بقا بعقل
لازم الشخص يكون مميز علشان يتسمع
و التميز يجي من اتقانه لعمله
و تفوقه فى دراسته
و دول لوحدهم كفيلين بعمل تغير

مش يطالب بالتغير و هو من افسد الفاسدين
انا حزينة اوي على بلدى
وحزينة على المصريين
و حزينة على التقليل من قيمتهم و الاستهانة بيهم

شكلى حيفضل معاكم كام يوم لغاية لما داليا قوس قزح تجيب النقاشين
و بتوع الديكور و تخلص التشطيب
العتبة الجديدة حلوة برضه تغيير
و لو انى حاسة انى حسيبها لوحدها هناك
و حفضل انا معاكم
افرسكم و تفرسوني
تحياتي ليكم

12 زارونى......و اتفرسوا:

Mahmoud Ahmed said...

خليكي قاعده هنا
مفيش احلي من الفرسه
الى يخرج من داره يتقل مقداره
^_^

Mahmoud Ahmed said...

بالنسبه بقي لكلامك
فابسط رد عليه هو الىعمله مرتضي منصور و شوبير في القناه الفقضائيه الحكوميه
الى كل الناس بتشوفها
فيه اكثر من كده اساءه للشعب المصري :(

....

احنا بنتفن في ازاي نبوظ شكلنا قدام الناس و قدام العالم

و اكبر دليل علىكده البرامج الحواريه

الى بتنفخ في البلاوي

ضررها اكثر من نفعها

:(

Mahmoud Ahmed said...

اول و تاني و ثالث تعليق كمان

^_^

Mafrousa said...

سبايدرمان
---------------
تصدق فعلا
انا مالياش غير الفرسة
:D

Mafrousa said...

سبايدرمان
--------------
انا الحمد لله مش اتفرجت على المهزلة ديه
حكولي
بس ؤبك بيلطف برضه
انا لو كنت اتفرجت كان زماني جالى سكتة فرسية
وفعلا القنوات الفضائية و البرامج الحوارية
مستغلة اسوأ استغلال
غير انهم بيشوهوا
بيدوا الفرصه برضه للغير انه يشوه
ويقولولك شفافية
شفافشة ايه بس
ده احنا بقينا ملط و الله قدام العالم

ياسيدى خد راحتك
البيت بيتك

صيدلانيه طالعه نازله said...

انتى لسه متغاظه من خالد يوسف لغايه دلوقت
ده انتى قلبك اسود قوىىىىىىى

بس بصراحه هو فعلا زودها شويه و بقى بيتفنن انه يظهر اسوا ما فى بلدنا و يبالغ فيه
سواء فى الالفاظ و لا الملابس المقطعه اللى بيطلع الناس بيها
و لا المشاهد الاوفر
بس اقولك حاجه لو دورتى بجد حتلاقى ان معظم مصرنا بقت كده

بس فعلا قدام الاجانب نتجمل شويه

well said...

معاكى حق ... اتفرسى يا بنتى ..

شوفى سعات الصورة بتبهت على الاصل
يعنى لو الصورة حلوة ..الاصل هيكون احلى

مع ان الصورة اصلها من الاصل

تحياتى

Mafrousa said...

صيدلانيه طالعه نازله
-----------------------
الفكرة انك لو اتبعتى الطب النفسي
حتلاقي انك لو قلتى لواحد انت قمر انت جميل
انت كل حاجه فيك حلوة
العقل الباطن بيقنع الشخص انه كده فعلا
وبيرسم لنفسه صورة مخالفة للواقع
و مع الايام بيغير من الواقع بتاعه للصورة الجميله اللى هو راسمها
و بتلاقيه فعلا بقا كويس و ثقته بنفسه زادت
و العكس صحيح
تقدري تقوليلي من ساعة ما بدأت الافلام اللى بتتكلم عن الحاجات الوحشة اللى فينا حصل ايه؟؟؟؟؟
حصل ان الحاجات الوحشةزادت بزيادة
مش اختفت
و خالد يوسف و غيره
حسابهم عند ربنا
تحياتي

باحث عن حب said...

الان
كلنا مفرووووووووسون
معتصمون
متظاهرون
مخنوقون
تعبانين
مش على الوزن
ابتسم انت فى مصر ذالك هو شعار المرحله دى
واللى بعدها
يارب
سترك
كلمات جميله
ومدونه
اجمل

همس الاحباب said...

متفق معاكى جدا
واول مرة احس ان الفرسة على حق
مع الاسف احنا فعلا صورة غير مشرفة لمصر بافعالنا وبرامجنا وافلامنا
تحياتى

شمس النهار said...

ازيك
يارب تكوني بخير

بوست ميه ميه
بس واضح انك مفروسة من خالد يوسف
من يوم مادخلتي فيلمه اللي فرسك
كلمني شكرا
صح

:))

Kiara said...

والله معاكي حق

وبكره اللي بيطلع صورتنا كدا

معالمنا جميله

روحنا يشتاق ليها اي حد

خفة دم

ليه نبوظ دا موش عارفه