الطم يقولوا عليا اتجننت؟؟؟؟؟؟؟؟

فعلا ده اللى حيحصل حاااااااااااااااااالا

من شوية الاستاذ تامر امين و ضيوفه

واحد من شركة الكهربا

.و التاني من شركة البترول

خدوا بقا عندكم اللى اتقال

و قولولى اتفرس؟؟؟؟؟

ولا الطم على وشي و يقولوا مفروسة اتجننت خلااااااااااااص

و عليه العوض و منه العوض

بقا بالصلاة على النبي، انقطاع التيار ، اللى كتير مننا لاحظوه مؤخرا

و احنا يا ولداه زي الغلابة

نقول طبعا الناس مشغلة التكييفات على ودنة

و اللى مشغل مراوح البيت كله

و ده غير بقا تلفزيونات جمهورية مصر العربية كلها مفتوحة علشان المسلسلات.

اتاري يا ولداه

شركة البترول اللى كانت بتدى شركة الكهربا غاز طبيعي علشان يشغل المولدات

قوم جت قالتلك احنا بندى ولاد العم الغاز الطبيعي

و بندى الجيران و جيران الجيران.

ما هو احنا ناس كريمة برضه

و بعدين احنا حنلحق على اللى برة ولا اللى جوة

لأ احنا ندى شركة الكهربا مازوت تقوم المولدات بتاعتها

و خلينا احنا منظرنا محترم قدام الاجانب

قوم شركة الكهربا يا ولداه اخدت المازوت

و قالت الشاطرة حتغزل برجل حمار

قوم لقت الحمارة عارجة

و المازوت مغشوش

قوم المولدات بتقف و النور بيتقطع

شوفتوا الوكسة؟؟؟؟؟

شوفتوا المصيبة؟؟؟؟؟

شوفتوا الخيبة؟؟؟؟؟؟

و قال ايه فى الآخر

يقولولكم

احنا بناشد الشعب انه يرشد استهلاك الكهربا

.

قولولى بقا الطم؟؟؟؟؟؟

مش عارفة الصراحة اعمل ايه؟؟؟

الموضوع ده اكبر من انى اتفرس

ربنا ياخد اسرائيل

على اللى عايشين فى اسرائيل

على اللى بيساعدوا اسرائيل

على اللى بينوروا اسرائيل و يطفوا النور علينا

حسبى الله و نعم الوكيل

24 زارونى......و اتفرسوا:

VÖltaa said...

ثانييييييية واحدة

هه ادينى قعدت جنبك اهه

يلا نلطم سوا بقى

ههههههههههههه

Selfmeaning said...

دا نظام حب لاخيك ما لا تحبه لنفسك

يلا اهو كله بيعك

جت على ديه

Baskouta said...

نو كومنت بصراحة
ببساطة اللي يحتاجه البيت يحرم على الجامع
الجاااااااااامع
الجامع يا ناس
مش اسرائيل

حسبي الله ونعم الوكيل

انا مش هتكلم عن معاناتنا احنا من انقطاع الكهربا...هتكلم عن المستشفيات والمرضى
الناس اللي بتتكلم دي تعرف كم جهاز في كام مستشفى باظ بسبب انقطاع الكهربا دي
انا جدتي من كم يوم لغوا جلسة الغسيل الكلوي بتاعتها ورجعوها هي والمرضى اللى زيها بسبب ان الاجهزة باظت بسبب الكهربا اللي بتقطع بالشكل ده
الناس دي وغيرهم... المرضى دول اللي حياتهم وقفة على جهاز تنفس او غسيل كلوي او انعاش..او ..او
بقوا صفر على الشمال جنب اسرائيل

رحمتك يارب

شهد الكلمات said...

الموضوع ده كان عايز اعلق عليه بعد الفطار عشان اعرف اشتم فيهم على راحتي اللهم اني صايمةو حسبي الله و نعم الوكيل
لما افطر بقي ابقي اجي اشتم براحتي :)عشان لو شتمت دلوقتي يبقي حرقوا دمي في الدنيا و شيلوني ذنب في الاخرة منهم لله

تحياتي

شمس النهار said...

صباح الفرسة

انتي مستغربه ليه؟
ده لو حصل عكس ده يبقا في حاجه غلط

اومال ينكدوا علينا ازاي

دي لو في اي بلد كان الطقم كله اتشال هيله بيله

لكن عندنا هيدوهم جايزة طبعا علشان نكدوا وشحتفوا الشعب بجدارة

رمضان كريم

KEBLAWYAT said...

عاااااادى جدا

ايه الغريب ف كده ؟

جت على دى ؟؟

المفروض تتفرسى لو قالوا مثلا اننا هنحل المشكله

Anonymous said...

أنا شايف إن قطع النور ده خير... وأهو الناس تاخد فسحة من غزو التمثيليات والبرامج الرمضانية الفاشلة في التليفزيون، وبكده يوفروا في فاتورة الكهربا من ناحية ويدوا فرصة لضغط دمهم ينزل شويتين... وبعدين مالها الشموع والبطاريات؟؟


كل سنة وإنت طيبة

Mafrousa said...

voltaa
------
هههههههههههههه
يالا
اهو ونس برضه

Mafrousa said...

Selfmeaning
-------------
و الله حاجة تفرس بجد

حب لاخيك ايه بس
ربنا ياخدهم و يشتتهم و يقطع عليهم النور و يولع فى الغاز اللى بياخدوه مننا

Kiara said...

طيب عارفه ان في البنك عندنا فيه جهاز باكتر من 3 مليون جنيه باظ بسبب انقطاع الكهريا والصيانه تيجي ومقدمه تقرير زي الزفت

غير انه بيقطع وقت الصلاه ومرات وقت الفطار

حاجه تخنق بجد

مؤنس فرحان said...

مفروسة انتى ممكن ترشحى نفسك فى الانتخابات الرئاسية الجايا والنجاح مضمون ... لأن الشعب كله بيتفرس يوميا .. وبسلامتهم مفيش عند اللى جابوهم شوية من الأحمر
-----------
قرارات غبية بياخدوها
ردود و تبريرات غبية بيقولوها
حلول أغبى لكل مشكلة يقابلوها

ربنا يرحمنا

شوكولاتة said...

وايش عرفك انتي بالايثاااااااااااااااار

Mahmood البطراوى said...

ممكن توسعولى مكان شويه

تمام كده
ألطم انا كمان بقى
:D

Mafrousa said...

Baskouta
-------------
اااااه يا بسكوتة
فعلا لما توصل لأجهزة المستشفيات تبقا مصيبة
و يا لهوى لو بقا فيه عملية
منهم لله بجد
و ربنا يرحمنا

Sarah Sobhi said...

ااااااااااااااااااااااميـــــــــــن

المدفعجي said...

صاحب موقع هنا السناهره
بصراحه موضوه جاااااااامد

noooo comment

Hanan Elshafey said...

كل سنه وانتي بالف خير
ده اولا
ثانيا بقي
نلطم سوااااااااااااااااااااااااااا
طب يعملوا حساب الشركات اللي هتفلس بسبب الكهرربا اللي بتبوظ المكن
ماااااااااااعلينا

мαησηα said...

هههههههههههه والله العظيم بخاف عليكى

بحس انى المفروض امسكك كده واقولك اهدى يا اوختى اهدى

انا بعلو حسى اهو بقول امييييييييييييييييييين

وبعدين مش جديدة يا اوختى ده بقه شئ متوقع

شوية وهتلاقيهم جايين يقولوك لا عربيتك دى اسرائيل اولى بيها اه هنهرج ولا ايه ؟

حسبى الله ونعم الوكيل

سواحة said...

و الله يا مفروسة مش عارفة اقولك ايه
كويس انك اتفرست علشان ظهرت ؟؟ و لا بعد الشر عليك الفرس و اللطم و خصوصا فى رمضان

بصى بقى
انا حفرسك اكثر و اقولك

كل سنة و انت طيبة و رمضان منور معاكى شموع الاسترخاء
عارفاها ايوه بتاعت كورسات التامل و الاسترخاء و اليوجا
الشمعة الى بتقف عليكى كده ب 500 جنية :-)

اجرى اخذلى ساتر بقى
اصلك بدل ما تلطمى حتحدفى

غني يابهيه said...

اهدى بس وصلي على النبي كده
انا بس حبيت اقوول
ان انا لسا عايش
كل سنه وانتى طيبه

سلام

بنت الغربة said...

حبيبتى مفروووسه
واحشانى قوى
كل سنه وانت طيبه وعيد سعييد عليك ياقمر
ويارب يعدى من غير فرسه
تحياتى

ميرام said...

(:
حسبي الله ونعم الوكيل ..

شمس النهار said...

ازيك
انتي مختفيه ليه وفين
يارب يكون خير

سلامي

فلاشه اربعه جيجا said...

جرى ايه يا جدعان...انتو من قطع كهربا هتعملو دا كله...امال لما الكهربا و الميه و الغاز يتقطعو و التعليم يبقى مش مجانى .

لا و ايه كمان
داهما ناويين يغلو الكهربا و الميه كمان...
داحنا هتيجى علينا ايام ما يعلم بيها الا ربنا