هو فيه ايييييه؟؟؟؟!!!!

البوست ده كنت كتبته فى سنة 2008
و جاتلى عليه تعليقات
و خبأت ساعتها تعليقات علشان مش تولع نار
و اهى ولعت لوحدها
@@@@@@@@@@
التعليقات للمراحعة يعنى
هنا
هو فيه اييييه
---------
ايه اللى بيحصل ده.......ايه اللى بيجرى ده.......وليه؟... و علشان مين.....؟
مكانش كده.....الحال زمان...
زمان امى...و جدتى...وزمانى انا كمان... لما كنت صغيره...
.زمن دلوقتى.. بقى حاجه تانيه خالص....
زمان انا فاكره لما كنت فى المدرسه ..كانت الشطاره هى اللى بتميزنا...
عمرنا ما بصينا ..على الشكل .. و لا اللون ..ولا الديانه و ارجع اقول تانى ولا الديانه.....
انا كنت فى مدرسة راهبات....و ربونا على انه لا يوجد فرق فى الديانه...
عمرى ما حسيت انه فيه تفرقه.. بل بلعكس.. انا فاكرة انى كنت محبوبه جدا منهم.....
و فاكره كمان لما كانت اى بنت تاخد نمرة وحشه فى العربى و لا الدين ... كان بيبقى نهارها مش فايت...
مع ان المدرسه اللغه الاولى بتاعتها مش عربى ....و كنا ُجمال جدا مع بعض.. و اخوات.. الحاجه الوحيده اللى كانت تجعلنا نعيد حساباتنا من ناحيه الإبقاء على الصداقه.. هى الشخصيه نفسها...
و عمر ما كانت الديانه نقطه من النقاط....
كانت ايام جميله........حتى لما دخلت الجامعه...كنا اصحاب كتير..و الاديان مختلفه.....
.والتعامل بيننا كان زى المدرسه ...
اصلا الموضوع..لم يكن له اى محل من الاعراب فى دماغنا اصلا...ناس و بتتعامل مع بعضها...
ممكن اعرف هوه حصل ايه فى الدنيا بقى....ليه اتغيرنا؟
..اذا كانوا اجدادنا..واهالينا ... و احنا ماكانش عندنا مشكله...
ميييييييين اللى خلق المشكله اللى مالهاش معنى ديه......


ربنا سبحانه و تعالى قال...لا فرق بين عربى ولا أعجمى الا بالتقوى
التقوى يا بنى آدم التقوى يا ناس ..مش حاجه تانيه ....


ان الله لا ينظر الى صوركم و لكن ينظر الى قلوبكم............قلوبكم......لانها ملكه وحده...


الكلام واضح جداا .. سبحانه و تعالى .. و ليس به اى مجال للاجتهاد فى تفسيره...مفسر نفسه


اتصلت بى صديقتى اليوم .. و كلها فــرسه.. و غيظ.....و حكتلى قصه...قلت بعدها ربنا يستر

ملخصها........ ابنها عنده 6 سنين و بقاله فتره كل لما يشوف حد فى تلفزيون‘ فى شارع ‘فى محيط الاصدقاء‘ يسأل على ديانته..
و فى كل مره كان الرد عاوز تعرف ليه.. الانسان مش بديانته .. بمعاملته لك.. و يسكت الولد.

.و هى ياعينى بسزاجه..ونيه صافيه.. فاكره ان الموضوع خلص
..يرجع يسأل تانى ..فى يوم تانى.. .....و الاجابه.. تقريبا نفسها.. ان المهم الاخلاق.. و ياعينى عامله زى الاسطوانه المشروخه...و تكرر الكلام نفسه.. المهم اننا مانكذبش.. و مانقولش كلام وحش.. و مانزعلش حد.. و نحترم الناس كلها..و نقول من فضلك و لو سمحت.. حتى لو لزميل ليك فى الفصل.....

.متربيه شويه كتير صحبتى .. مش كده...؟
ماتعرفش يا حبة عينى .. ان الولد..فى حد بيلعب فى ودانه فى المدرسة.....(بيلعب مش بمعناه الصحيح طبعا)

قو م ...فى يوم فى جلسة الاعتراف يتاعة كل الامهات..مع ابناءهم.. و همه يا عينى جايين من المدرسه جعانين .. و ملهوفين على طبق مكرونه.. ولا حته فراخ فيليه..و شوية رز و خضار.....مش عاوزه اقولكم اللحظه ديه بالزات

و هو وشه فى الطبق.. و بياكل .. الام بتعرف اخبار المدرسه كلها.. من ساعة لما ركبته الباص.... الى ان رجعلها بالسلامه.....جربوها الطريقه ديه سرها باتع......وعلى فكره انا معنديش و لاد.....

بس مجرباها مع ابنى الكبير اللى هو جوزى..
ماعلينا.. خلينا فى الاهم.. فى الخيبه الاويه اللى جايه.......
قال ايه ..النهارده لما سمعت القرآن فى المدرسه .. سديت و دانى.....
ليه يا حبيبى عملت كده؟
صاحبى قالى كده...
بس كده ربنا يزعل مننا..لانه كلام ربنا.. انت تحب لما حد يسع الصلاه..فى الكنيسه يسد ودانه.....
لا ....طيب انت بتعمل كده ليه؟
بس (......)قالى مش حلعب معاك بعد ما كنا اصحاب علشان انت مش مسلم..

و انا زعلت..و سمعت كلام (...) و عملنا كده
و بدات صديقتى.. رحلتها اليوميه مع .. دليت للمعلومات اللغلط...و استبدالها بمعلومات تانيه.. مستعيته بالبراهين..و الادله...ان اصحاب باباه..واصحاب مامته اللى هو احنا ..مجموعه لا باس بها.......

و التعامل بيننا عادى ...كاننا اخوات وا كتر..

و اصحاب تيته... و اصحاب جدو...
و ياعينى عليكى يابنتى ديه التربيه صعبه.........فى زمن اصعب


انا بقى عاوزه اعرف.. اطفال ..لسه على الفطره..جابو الكلام ده منين.....
و اللى حط الكلام ده فى دماغهم...اهلهم بقى .. و لا الشغالين.. و لا التلفزيون .. اللى بعض الاهالى ما بتعملش رقابه على اللى العيال بتشوفه...


هو ده الجيل اللى بنامل فيه يكون احسن مننا ... منين .انشاء الله

ولا هوه ده الجيل اللى عاوزين ..نزرع فيه الحب من الصغر...ازاى؟


يا ناس يا هو ...........لو فينا ناس مش قادره تحب بعضها... تسيب عيالها يحبوا بعضهم
و لو فيه ناس مش قادرة تتعايش مع بعضها...تعطى لاولادها الفرصه...للتعايش.....

و ما تنسوش فى الاخر ان ربنا هو اللى بيحاسب..و هو اللى خلقنا شعوبا و قبائل لتتعارفوا..لتتعارفوا..
و هو القادر على ان يجعلنا....على ديانه واحده...و جنس واحد...و لكن لحكمته سبحانه و تعالى جعلنا مختلفين..علشان نتعلم من بعض..و نعلم بعض...الصفات الحميده..مش الدين..الاديان لله وحده...

و كفايه بقى لحسن انا شعرى و قع من كتر الفرسه.....

ربنا يعين كل ام بتحاول تغرز...معلومه صح فى جيل صعب

و ربنا يحافظ..على الجيل الجميل..و يحميه...من ال

virus

بتاع اليومين دول أ صل بعيد عنكم لما بيدخل الدماغ..بيعمل

delete..

.لكل المعلومات و ما بيفرقش

******************************************************

10 زارونى......و اتفرسوا:

قوس قزح said...

طيب اسمعى دى

مرة بنتى و احنا راجعين من المدرسة بتقول اخوها ..صاحبك ده اسمه مينا ؟؟ يعنى مسيحى ؟؟ طيب لازم يا كريم تقنعه انه يبقى مسلم علشان مش يخش النار بدام بتحبه كده

انا طبعا اتسرعت من تفكيرها كده
وكلمتها كتير فى الموضوع ده علشان تفهم ان دخلوا الجنة و النار ده برحمة ربنا اولا و محدش يعلم حتى المسلمين نفسهم مين ممكن يدخل الجنة و مين النار ..و ان زى ما هى متحبش حد يقولها غيرى دينك لازم كمان تحترم ده فى الناس اللى حواليها

بعد فترة جات قالت لى تصدقى يا مامى انك فعلا صح و ان المسيحين مش وحشين ..اصل ميس ايزيس بتاعت الموسيقى النهارده بمناسبة عيد الحب كانت بتغنى لنا و بتتمنى الحب يملى الدنيا كلها

انا مش فاهمة طفلة كان عمرها 6 سنين ..جابت منين الافكار دى ؟
و لو مش لها ام تفهمها ان كلنا واحد .. ممكن تعمل ايه لو صدفت صديقة مسيحية ؟ ..كان ممكن اوى تجرحها بكلمة و تقولها مش عايزة اعرفك انتى وحشة ..و تتربى العقد بين البنتين اللى هم اصلا امهات بكرة

الموضوع مش مقتصر على الدين بس
المشكلة اننا مش عارفين نتعامل مع بعض كبنى ادمين مختلفين
لازم نتعلم ازاى نحترم اختلافنا و نحترم راى الاخرين

Mafrousa said...

قوس قزح
-----------
حبيبتى بنتك لقت ام تفهمها
الرك على الاهل و البيت
صاحبتى ابنها اللى كان عمرة 6 سنين النهارده عمرة 8 ماشاء الله
و هيه لازالت على مبدأها معاه فى التربية
بعد الاحداث الاخيرة الولد نطق
قالها كفاية تقولى انهم اخواتنا و الكلام ده
دول موتوا الناس و هيه بتصلى
مع العلم انها حجبت عنه كل الاخبار المرئية
بس هو رجعلها بكل المعلومات من المدرسة و الحمد لله
هيه بتفكر خلاص تعلمه من منازلهم
حاجة تفرس

الطائر الحزين said...

فرق كبير بين بين خلاف الاعتقاد واختلاف المعاملة

نحن مطالبون بالمعاملة السمحة

لكن الاعتقاد مفيش فيه كلام

يعنى لا يعقل ان ياتى احد يقول ان الكافر مش هيدخل النار وهيدخل الجنه لان ده امر مرجعة لله

اى شىء مرجعة لله

و هو سبحانة الذى قال
ان الذين كفروا وماتوا وهم كفار اولئك عليهم لعنة الله والملائكة والناس اجمعين
خالدين فيها لا يخفف عنها العذاب ولا هم ينظرون

فاتيما said...

نشرتيه ف وقته يا فروستى
ومش عارفة اقول ايه
بس الحاصل نتاج الأفكار الغلط
اللى شغالة ف الناحيتين للأسف
ومتعرفيش مين بيبتدى فيخلق حالة الكششان عند التانى
والخوف منه او حتى التحفز ليه والعنف


موقف ولاد قوس قزج فكرنى بيوسف
وبالقصص اللى كنت بقعد
احكيهاله
عشان ميتعرض للموقف دا
معرفش ليه حاسة دلوقتى
ان كل اللى قولتهوله
ممكن يكون اتسمح بأفكار متشددة
وناس مخها متربس على فكرة
ومبتغيرهاش



الخوف ف محله اظن
وربنا يستر


صباح الخير عليكى

فافى said...

على فكره حكايه ان الاطفال يهتموا بالديانه دى عاديه جدا فى سن فعلا الاطفال بتبدا تسال فيه الاسئله من النوع ده وده عادى بس عاسز تفهم من اب وام يجاوبوا على الاسئله دى بعقل واجابه تتناسب مع عقلية الطفل

Unknown said...

مش موضوع اسلام ومسيحيه

هو ارهاب
دوله كبيره

بيعمل رد فعل فردى من افراد مهما كان دايانتهم
بس فاهمين غلط

وبس

عاشقة القمر said...

سلام عليكم
شئ مؤسفه لغايه حصل في مصر
بس اكيد وراء حادث ناس عايزه يحصل فتنه بين المسلمين والمسحين

MaNoO said...

احنا نهدى وبلاش ننفعل والاول نعترف ان اللى حصل دلوقتى ملوش علاقه اوى بالبوست لا اللى حصل ارهاب واضح جدا جدا انه عايزنا نولع فى بعض ونفكر بالطريقه دى
اما بالنسبه للاختلاف فعلا بقى موجود غير زمان ودا طبيعى باختلاف الاجيال اللى علينا نفهمه مش نقول هما ليه بيفكروا لانه لسه لغايه الان فى ناس من اجيالنا كدا وزينا مبيسالوش ولا بيهتموا والكل فى الاول والاخر راجع للبيت وفى عيب فى مناهجنا كمان
بس دا كله نفكر فيه بعد ما الفتره دى تعدى على خير يارب امين
تقبلى زيارتى واحترمى

مجداوية said...


السلام عليكم

مش عارفة حتنشري كلامي المرة دي ولا حتجبيه زي المرة اللي فاتت ولكن على كل الأحوال سأقوله لوجه الله

الخلل الموجود في حالة الأقباط وعلاقتنا بيهم أو علاقتهم بينا هو النفاق فاختلاف العقيدة أمر واقع واختلاف المعبود أمر واقع ولأنهم يكفرونا من وراء الحوائط وأصبحوا الآن يجاهرون بها هو أمر واقع وتكفير عقيدتهم في قرآننا أمر واقع لا نستطيع أن نمحوه من أجل إن ابن أختنا قوس قزح يلعب مع مينا

لكن مع كل هذا الإختلاف الجذري بين العقيدتين هذا لا يمنع أبدا أن يلعب ابن أختنا قوس قزح مع مينا ولكن شروط هذا الوئام المفقود هو المصارحة بأن لكل منا عقيدة مختلفة وايمان مختلف لأننا لو كنا بمايؤمنوا مكنش بقى فيه أى مشكلة والكفر هنا وصف للحالة وليس اقامة حد لقتلهم أو الإعتداء عليهم أو الإعتداء علينا أو تجاوز الخطوط الحمراء كما فعل كهنتهم والتعدي على القرآن وسيرة رسول الله صلى الله عليه وسلم
من سينقذنا من الإقتتال والإنفصال هي هذه المكاشفة لأن شيوخنا وكهنتهم يعلمون علم اليقين أن لا أرضية مشتركة بين عقيدتنا وعقيدتهم سوى في الأخلاق لأن هذا ما تبقى لديهم من رسالة السيد المسيح كنبي فلنركز على الأخلاق والرحمة والعدل وليكف كهنتهم عن مؤازرة حكومة تظلمهم وتسلبهم حقوقهم ثم ينفثون غضبهم علينا وليكف المتطرفون المسلمون عن محاولة جعل مصر مثل المدينة ومكة خالية من الأقباط لأن هذا مستحيل فمصر سيظل بها أقباط ولو شاء الله لجعلنا كلنا مسلمين وليعبد كل دينه في أمان ولتكف الأقلام المنافقة عن اتهام السلفيين والوهابين والإخوان ولتنظر لأصل المشكلة وهي لي الحقائق في العقيدة بالعافية عشان نبقى بالعافية الهلال مع الصليب , مينفعش كعقيدة لكن ينفع كأفراد بالعدل والرحمة و بدون شعارات
لا تعارض أبدا بين كوننا متمسكين كل بعقيدته وثوابتها وبين أن يحترم كل منا الآخر وخاصة منهم لأنهم أقلية شاءوا أم أبوا ولسنا ضيوف ولسنا غزاة وأظن أن الكف عن ترديد هذا العبث منهم سيكون له أكبر الأثر في إصلاح الأمور

ولو قام الأقباط بعمل حصر لقتلاهم على مدار 1400 سنة منذ فتح مصر فسيجدوا أن لا مقارنة أبدا بحوادث الثأر في الصعيد أو حوادث الطرق أو حتى عدد شهداء العبارة
في ليلة فساد واحدة فلا يعميهم حزنهم وغضبهم عن ملايين ملايين المسلمين تعايشوا معهم بكل الود بل نلوم عليهم للإفراط في هذا الود والتفريط في ثوابت عقيدة لا يعلمون عنها الكثير
هاااا
كلامي فيه حاجة تمنع النشر يا رئيس التحرير ؟!!
:)

شمس النهار said...

بتسألي هو في ايه؟؟
في هبل مستشري في البلد سيؤدي لكارثه
شوية معتيه من الجانبين بيلعبوا بالنار
وهمه مش قدها اصلا
واهلي اتجننوا
بس خلاص