صدفة بنت بعضشي

كله صدفة و حياتكم انتم صدفة
صدفة ان الفيلم الخايب اللى قامت عليه الدنيا و قعدت يُعلن عنه قبل يومين من يوم 11 سبتمبر....صدفة
و صدفة برضه ان واحد من الالتراس يقر و يعترف  فى مداخلة تليفونية يوم 10 سبتمبر على قناة الاوربت فى برنامج اسمه (اليوم) و  الضيف كان واحد من الاخوان...ان الاخوان و خصيصا الشاطر همه من يمولون الالتراس من اول لما بدأت
و عندها اندهش المذيع و كادت الذبابة اللتى كانت تحوم فى الاستوديو تدخل فمه المفتوح
و سأله :طيب بيقولولكم تعملو ايه...بتنفذوا اوامرهم يعنى
قاله:ايون و همه عارفين مصلحة مصر اكتر مننا فأللى بيقولوا عليه بنفذه
استدار المذيع اللذى ارستمت على وجههة علامة استفهام يصحبها بلاههة و جحوظ فى العينين الى
ضيفة الاخوانى( و هو بالمناسبة قيادى فى الجماعة)منتظر منه تعليق
فإذا به يرد رد خايب ينم على صدق كلام المداخل
اذا كان عنده مستند ان الجماعة بتموله يروح يقدمه للنائب العام
(لا و النبي صحيح)
و صدفة برضه ان المظاهرة اللى تتعمل عند السفارة الامريكية تكون يو 11 سبتمبر
و صدفة ان الالتراس يشاركون فيها بقوة و بغباء و ببلطجتهم المعتادة
و صدفة ينزلوا العلم الامريكي و  يدوروا على علم مصر ما لقوش
قوم فى نفس ذات اللحظة واحد من بتوع القاعدة ماشي و معاه صندوق مليان اعلام قالك استرزق على الهبل اللى واقفين دول قوم يبيعلهم الاعلام علشان بفلوسها يعرف يسافر على بلدهم
قوم صدفة الناس تاخد علم منهم و ترفعه بدل العلم الامريكي
و الهتيفة هييييييييييييييييييه الله اكبر و عاوزين يلوحوا فرحاني
قوم برضه صدفة ما يلاقوش غير الاعلام اللى باعهالهم الراجل بتاع القاعدة
قوم يرفعوها مهللين و هبل برضه
صدفة..كله صدفة
قال و ايه تطلع اشاعة صدفة برضه انهم بيحرقوا الانجيل عند السفارة
صدفة صدفة صدفة
تكونشي ديه صدفة بنت بعضيشى اللى بتسرق الفانلة ؟

5 زارونى......و اتفرسوا:

شمس النهار said...

فكرتيني بأغنية صدفة لعبحليم
:)
ولسه احنا لسه شوفنا حاجة
ده شغل يهود
خبط المصرين في بعض وخبط الاقباط في بعض
وبعدين خبط المسلمين في المسحين
وخبط الاتنين في اقباط المهجر
واطلع وعلي وجهك ابتسامة جي ار فكراه بتاع فالكون كريست

L.G. said...

تصدقي بالله
انا كل ما احس بالفرسة افتكرك وافتكر صورة البنت الصغيرة المفروسة وبجد مفروسة من الناس ومن الحكام ومن اللي بيحصل وبقول لو انت عنوانك مفروسة يبقى اكيد حالك اصعب من حالي افتكرك تاني واقول ربنا يصلح الحال عشان تبقى سعيدة بدل مفروسة

kochia said...

هي بعضشي بس من غير صدفة
ماهو خلاص محدش بقي فاهم او كله فاهم وبيستهبل او مش بيستهبل بس مش عارفة يعمل حاجة .. او عارف يعمل حاجة بس خايف .... وهكذا دواليك لحد ما هنبكي بالدموع والدم علي حال البلد دي
يللا

mahasen saber said...

تصدقى يا مفروسه انا اتفرست
دى صدفه مدروسه ومترتبلها مع سبق الاصرار والعمد

ده احنا داخلين على ايام مهلبيه

مذكرات موززه عانس said...

صدفه طبعا :)