هري ثم هري ثم هري

مؤتمر الشباب
حدث فرس ناس كتيرة
شايفة دخان طالع من ودان البعض
:) موتوا بغيظكم

#سحب_قلادة_النيل_من_البرادعى
#سحب_الجنسية_المصرية_من _البرادعى

#مصر_بتنضف

لما بيتك يبقا محتاج يتنضف تنضيفة جامدة
و تحسه ان بياضه مش عاجبك و مش مناسب للمرحلة
و العفش كمان
و الحمام سباكته بايظة و بتنقط
بتتوكل على الله و تنكت البيت نكته من فوقه لتحته
بتفور الحمام و بتجيب عفش جديد و بتبيض
كل ده بيكون مكلف جداااااا
و لكن بعد شوية صبر بيتك بيكون فى ثوب جديد يليق بيك
#مصر_بتنضف
اى و الله
اصبروا

اللهم احمى مصر

و انصر جيشها فى حربه على الارهاب فى سيناء

اهرى يا مهرى

ارى الهرى على ودنه بعد خطاب الرئيس بالامس
ناس فى قلوبها جمرة نار

عاوزة تحرق اللى حواليها
و لكنها لا تعلم انها حتتحرق قبل ما تحرق حد
ناس فى قلوبها غل و بتتصيد الكلمات لتعمل عليها حفلة
احب اقولهم موتوا بغيظكم
اى و الله موتوا بغيظكم
اهروا كمان و كمان علشان تتعرفوا و تصبحوا منبوذين من المجتمع
و احب اقولهم كمان يا ننوس عين امك
و با ننوسة عين ابوكى ان كان مش عاجبكم الكلام
ولا عاجباكم مصر ولا ما آلت اليه
عندكم سوريا ، او العراق او ليبيا او تركيا و امريكا
روحوا عيشوا هناك منعمين
و سيبونا احنا مع مصر
جتكم القرف ريحتكم فاحت

الغنتخابات

و ها هى الانتخابات على الابواب
غدا على طول
صوتك آمانة
اوع تنخدع مرة تانية من الحثالة و الدقنجية
و اللى بيتكلموا باسم الدين
اعطى صوتك للشخص اللى انت متأكد منه و احساسك بيقولك انه ممكن يعمل للدايرة مش باصص على مصلحته
بالتوفيق
#تحيا_مصر

اياااااااام

السلام عليكم و رحمة الله
ياااااه مرت ايام و شهور و يمكن سنين
و انا هاجرة  مدينة التدوين
ما هيه مدينة فعلا
بالظبط بالظبط من ايام وكسة 25 يناير و يمكن قبلها كمان
يمكن اكون كتبتلى بوست او اثنين
لكن لا كنت بزور حد ولا بقرأ لأحد
ليه لانى حسيت ان مدينة التدوين حصل فيها هيه كمان ثورة
و الناس خرجت تخبط مش فاهمة بتقول ايه ولا عارفة فيه ايه
و اكتشفت ان اغلب اللى كانوا موجودين كانوا اخوان مدسوسين
ما هم ظهروا على حقيقتهم و بقا وشهم مكشوف

و انا الصراحة عندى حساسية مفرطة ضد الاخوان بيجيبولى ارتيكاريا
فقفلت الدكان و مشيت قلت اكيد حيجيلهم يوم زى مرسيهم و مرشدهم
و حيتحكم عليهم بلاعدام لخيانتهم العظمى
اولا لينا احنا اللى كنا فاكرينهم اصدقاء
و ثانيا للمجتمع اللى بيلفظهم شكلا و موضوعا
ما علينا
لما دخلت النهاردة اكتشفت ان اللى كانوا اخوان
او المحبين
او المؤيدين ليهم بقالهم يجي سنة و شوية ما كتبوش كلمة
و ده فى حد ذاته تأكيد انهم كانوا معانا لغرض ما فقط لاغير
ليس حبا لبعضنا البعض ولا حبا فى التدوين
يالله سكة اللى يروح
الكتابة فى حد ذاتها حتى لو كانت اى كلام زى اللى فوق ده
مريحة جدااا نفسيا
يالله فوتكم بالعافية كفاية كده

حبيبتى يا مصر

بكابورت فيكي انفجر
طلع ارهابيين و مرتزقة و فاشيين و خونة
و تم انقاذك من ابنك البار المحب لكل حبة تراب من ترابك

*********************************




اما هذا المعتوه فمصيره لحبل المشنقة لا محال
بزمتكم ده منظر واحد يحكم مصر ام الدنيا
اللى بيقول يحكم
يبقا مش عارف قيمة بلده

نصف ليمونة و ملح خشن

زمااااان و انا صغيرة كان فى بيت جدتى واحدة بتساعدها فى شغل البيت اسمها ( ام فيفي)،
الست ديه  مش افتكر شكلها بس كنت اسمع جدتى تقول ام فيفي عملت... ام فيفي سوت... ام فيفي جت...ام فيفي راحت...كده يعنى الكلام العادى بين جدتى و بنتها اللى هى امى ربنا يخليها  عن ام فيفى
حوار عادى بيحصل فى كل البيوت المصرية..و بين الصديقات فى النوادى
اسكتى مش الزفته لاقيتها ما بتلمعشي تحت التلفزيون...ولا الشوك لاقيتهم ناقصين اكيد الزفته رمتهم فى الزبالة
...كده يعنى
بس للحق جدتى عمرها ما شتمتها على حد سمعى.....اصل محسوبتكم من صغرها تحب تقعد تسمع الحكايات من اولها و لو فاتتها كلمه تخليهم يعيدو من مكان ما فاتها
المهم مش ده موضوعنا
موضوعنا بقا ان  انا لا أتذكر ام فيفي لكن اتذكر بنتها (فيفي)
بنتها فى العشرين من عمرها يمكن اقل او اكتر....سنى لم يكن يسمح ان استنتج السن جيداااااا
المهم كانت فيفي بعد ما بتخلص شغلها فى بيت جدتى كانت تقعد على الارض و جنبها طبق فيه ملح خشن و فى ايدها نص ليمونه... بس ليمونه من بتوع زمان...اللى ريحتها تفحفح فى البيت كله أول لما تقطعها....المهم كانت فيفي الله يمسيها بالخير ان كانت عايشة او الله يرحمها بقا لو ماتت- كانت تغمس نصف الليمونة فى الملح الخشن و تبدأ فى دعك ايديها من اول الكوع الى أطراف الأصابع.....و من الركبة مرورا بالكعبين و صولا الى اطراف اصابع القدم
و كان الملفت للنظر ان ركبها  رغم ركوعها على الارض لمسح الارضيات كانت بيضاء و ناعمة
هيه  ايديها و رجليها الصراحة كانت ناعمة جدااااا
المهم مرت الأيام و السنين و كبرت البنت الصغيرة اللى هو انا
و من حوالى شهر او اقل كنت بعمل مانيكور و بدى كور
(manicure-pedicure)
و يشاء القدير ان البنت اللى كانت بتقوم بالاهتمام بى....قالتلى يا مدام حقولك على نصيحة
تخلى ضوافرك جميلة و مش محتاجة تعمليهم
قلتلها هاتى ما عندك...انا أساسا باجى مرة فى السنة
قالتلى عليكي بنص ليمونه و ملح خشن و ادعكى بيهم ايدك و خصوصا العقلة اللى فيها الظفر
حتشيل الجلد الميت حوالين الظفر و تنعمه و تضيف بريق على ضوافرك و صحة
ولا داعى لشطف ايديكى...لان الليمون مش بيلزق و الملح نفضيه من ايدك و خلاص
و لو عاوزة نصيحتى اعملى نفس الشىء على ركبك،، كوعك،، كعب رجلك...و ادعيلي
ان جيتو للحق اول لما البنت قالتلى الموضوع ده افتكرت فيفي
شوفتوا النصايح المفيدة تتوارثها الأجيال و تنتشر انتشار واسع
او يمكن البنت حفيدة فيفي...انا نسيت اسألها الصراحة
المهم انا جربت النصيحة
بس خلاص انا قلت اقولكم نصيحة مفيدة
جربوها و ادعولى...بس المهم المواظبة

للدرجة ديه تقليد اعمى؟؟؟؟

سبحان الله
و تشاء الأقدار انها تكون نفس الحركة
لا تعليق

طلعت بعمل فتنة :((((

صباح الخير عليكم جميعا
انا داخلة النهاردة افضفض ليس الا
يعنى ولا عاوزة اتكلم عن اليومين اللى فاتوا ولا حاجة
ولا عاوزة اتكلم عن الاتحادية و الاحداث اللى حصلت فيها أقصد اللى اتهيألنا انها حصلت ولا حاجة
ولا عاوزة اتكلم عن حمادة و اللى حصله لانه ما حصلهوش ولا حاجة
انا داخلة اتكلم عن حاجة حصلتلى النهاردة
صديق عزيز كان كاتب على صفحته فى الفيس بوك صباح الخير
و دخل اغلب الاصدقاء يردون هذا الصباح الجميل اللذى اعتاد ان يصاحبه بموسيقى جميلة و باقة ورد
و اذا ب صديق له لعله من المقربين اليه
رد عليه الصباح بصباح الخير يا مسيحي
رايت هذا الرد و استأت جداااااا و قلت يا بت اتهدى شوية استنى لما صاحب الصفحة حيقول ايه
لاقيته بيرد عليه الصباح و قاله كنت افضل ان تقول لى يا مصري
قام التاني رد عليه انت مصري غصب عن الكل انا بهرج
انا الدم غلى فى عروقى و نافوخي الصراحة كان حينفجر من الفرسة
مسكت نفسي على قد ما اقدر و رجعت تاني اعلق
بدأته بالاعتذار على تدخلى(الصراحة ما كانش له لازمة انى اتنيل اتدخل خالص)
و قلت بمنتهى البساطة نوع التهريج ده يكون ان بوكس احسن
لاننا فى زمن منيل بستين نيلة
زمن الفتن و القرف ،ونوهت اني حشيل تعليقى بعد شوية يعنى بعد ما تقروه و خلاص
و بس يا سادة يا كرام
و شلت التعليق بعدها فعلا
:(
بس لحقته واحدة عابرة سبيل من ام لسان 7 متر اللى زي الكرباج
و قالت ما سكتتش
و ان اللى يهرج يهرج زي ما هو عاوز و يقول اللى هو عاوزة
و كلام من اللى يفرس
بلاش منه علشان برستيجي قدامكم بس
المهم انا فعلا شلت التعليق
و ارسلت لصاحب الصفحة اعتذاري على تدخلى


بس انا بسأل سؤال مش ممكن النوع ده من التهريج يقلب بغم؟؟؟؟
انا ما بحبش التهريج من النوع ده لانه مليون فى المية حيخلق حزازيات(مش هيه بيقولوها كده)
حتفضل تتراكم الى ان تنفجر
الناس بتهرج تهريج تقيل و تزعل لما اللى قداممها يزعل منها
طيب ليه ما احترمشي حالى من الاول؟؟
(سؤال عجيب صح
المهم انا بحكى بس الموقف
انا فعلا غلطانة انى تدخلت
.....................و على راي المثل ياللى داخل بين البصلة و قشرتها
و بعدين انا بحكى لانى اتفرست اكتر من تعليق عابرة السبيل اللى اخدت الامر ببساطة و طلعتنى انا الغلطانة و انى انا اللى بعمل فتنة

حو انا فعلا زودتها؟؟؟
هو فعلا التهريج اللى بالمنظر ده ما بقاش يضايق و انا اللى حساسة زيادة عن اللزوم؟؟؟
مش عارفة
يالله شكل الواحد كبر و عجز
و شكل البلد اتلخفن حالها القانون لا يحترم
و المحاكم لا تحترم
و الانسان لا يحترم
والكلمة لا تحترم
اييييييييييييييييه زمن قلة كل شىء
صباحكم فل....

كل سنة و انتم طيبين

كل سنة و انتم طيبين يا بلوجرية
عدت سنة 2012 و كان نفسي اكسر وراها 60 زير
سنة كانت تقيلة على قلبى و على معدتي
كانت واقفة فى زوري وقفة سودة كانت حتخنقنى
مع انها كانت خفيفة على قلوب البعض و على معدة البعض
سنة حدثت فيها احداث كثيرة جدااااا
ماتت ناس علشان بتقول كلمة حق
اتحرقت قلوب امهاتهم
مات شباب بريء جميل كل ذنبه انه عاوز مصر تبقا احسن
ان اهلهم و اهل اصحابهم يكون حالهم افضل
شباب  ما يهموش لا اخوان ولا سلف ولا حازمون ولا ظباط شرطة ولا جيش
شباب رايد الخير و بس
موتهم حرق قلب  الكثيرين
و كان دمهم بارد على قلوب الكثيرين ايضا
و ناس انتهزت موتهم علشان توصل لاغراضها

سنة شالت اقنعة عن وشوش كتيرة جداااا
ناس كنت بتحترمها من قبل الثورة و هيه بتتكلم
و بعد الثورة بقيت تستغرب طريقة كلامهم
و اخيرا لاقيتهم بيدعوا اليهود للعودة الى مصر
كلام يخلى الشعر يشيب
يعنى الشباب كان عامل ثورة و بيموت علشان فى الآخر اليهود ترجع مصر؟؟؟

سنة  عملنا فيها استفتاء قلنا اخيرا مافيش تزوير
تقوم تلاقى الناس نفسها اللى كانت بترفع قضايا على مبارك و اعوانه علشان بيزوروا
تلاقيهم همه همه بيزوروا.....

ناس كانت بترفع صوتها تهاجم الفساد
لاقيتهم همه الفاسدين و المصيبة انهم مش شايفين نفسهم فاسدين
لانهم بيصلوا و بيقرأوا القرآن
و ديه الطامة الكبرى
انهم يزجون بالدين و آيات القرآن الكريم ليبرروا افعالهم الدنيئة
الظالمة...الفاسدة

ناس صرخت علشان  الاجانب تسيء لرسولنا الكريم
و هم بأفعالهم يسيؤن اليه اكتر و اكتر

انا لوفضلت اتكلم عن 2012 مش حسكت
من الآخر كانت سنة سودة الصراحة
يالله غارت
اتمنى من الله  ان ينقذ مصر

صدفة بنت بعضشي

كله صدفة و حياتكم انتم صدفة
صدفة ان الفيلم الخايب اللى قامت عليه الدنيا و قعدت يُعلن عنه قبل يومين من يوم 11 سبتمبر....صدفة
و صدفة برضه ان واحد من الالتراس يقر و يعترف  فى مداخلة تليفونية يوم 10 سبتمبر على قناة الاوربت فى برنامج اسمه (اليوم) و  الضيف كان واحد من الاخوان...ان الاخوان و خصيصا الشاطر همه من يمولون الالتراس من اول لما بدأت
و عندها اندهش المذيع و كادت الذبابة اللتى كانت تحوم فى الاستوديو تدخل فمه المفتوح
و سأله :طيب بيقولولكم تعملو ايه...بتنفذوا اوامرهم يعنى
قاله:ايون و همه عارفين مصلحة مصر اكتر مننا فأللى بيقولوا عليه بنفذه
استدار المذيع اللذى ارستمت على وجههة علامة استفهام يصحبها بلاههة و جحوظ فى العينين الى
ضيفة الاخوانى( و هو بالمناسبة قيادى فى الجماعة)منتظر منه تعليق
فإذا به يرد رد خايب ينم على صدق كلام المداخل
اذا كان عنده مستند ان الجماعة بتموله يروح يقدمه للنائب العام
(لا و النبي صحيح)
و صدفة برضه ان المظاهرة اللى تتعمل عند السفارة الامريكية تكون يو 11 سبتمبر
و صدفة ان الالتراس يشاركون فيها بقوة و بغباء و ببلطجتهم المعتادة
و صدفة ينزلوا العلم الامريكي و  يدوروا على علم مصر ما لقوش
قوم فى نفس ذات اللحظة واحد من بتوع القاعدة ماشي و معاه صندوق مليان اعلام قالك استرزق على الهبل اللى واقفين دول قوم يبيعلهم الاعلام علشان بفلوسها يعرف يسافر على بلدهم
قوم صدفة الناس تاخد علم منهم و ترفعه بدل العلم الامريكي

و الهتيفة هييييييييييييييييييه الله اكبر و عاوزين يلوحوا فرحاني
قوم برضه صدفة ما يلاقوش غير الاعلام اللى باعهالهم الراجل بتاع القاعدة
قوم يرفعوها مهللين و هبل برضه
صدفة..كله صدفة
قال و ايه تطلع اشاعة صدفة برضه انهم بيحرقوا الانجيل عند السفارة
صدفة صدفة صدفة
تكونشي ديه صدفة بنت بعضيشى اللى بتسرق الفانلة ؟

كل سنة و انتم طيبين............انا بحب الراجل ده

تحديث
الموضوع ده كتبته فى ديسمبر 2008

@@@@@@@@@@@@@@@@@@@@@@@@@@@@@@@@@@@@

@@@@@@@@@@@@@@@@@@@@@

اولا كل سنة و انتم طيبين
رضيتم ام ابيتم
احب هذا الرجل
احب دماغه جدااااا
احب طريقته فى تناول الامور
احبه لما بيشرح المواضيع بوضوح للناس

بتعلم منه الدبلوماسية
و الرزانة و الحكمة
نعم الرجل فى هذا الزمان اللى ندرت فيه النوعية ديه من الرجال

ارسل اليك برقية معايدة
كل سنة وانت طيب و بخير
كل سنة و انت فى وسطينا فى اي مكان
كل سنة وانت اكثر حكمة
كل سنة و انت طيب و بخير
و ربنا يعينك يارب

و ديه معلومات عنه فى الويكيبيديا

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@

كنت مفتقدة الكتابة،و الحمد لله كتبت...بس لسة مفروسة

السلام عليكم جميعا

ياااااه قد ايه و حشتنى المدونة
قد إيه مفتقدة للكتابة فيها و افضفض لها
تمتص كل الفرسة اللى جوايا و تشيل عنى شوية
يااااه
انا من زمان ما كتبتش ،و لا كان ليا نفس اصلا انى اكتب
دخلت الفيس البوك ولا قيت ان اغلب اصحابي هناك
اكتب حاجة بيعلقوا عليها على طول،يا اما يتخانقوا معايا يا يتفقوا معايا
و ما اغلب الخناق و طبعا من بعد الاحداث اللى بنمر بيها بقالنا سنة اهة
ايوه سنة ماحدش عاوز يسمع للتاني
سنة ماحدش عاوز يفهم وجههة نظر التاني
سنة اخدت من الواحد مجهود جبار فى شرح وجهة النظر و الآخر لا يسمع ولا يحاول يفهم اصلا
سنة كانت خانقاني ،فرساني،ولازالت على فكرة
، اللى طلعت منها ان اغلب الناس اللى بتحسوها انها مختلفة و بتتخانق
هيه فى الاصل متفقة، صدقوني
يعنى انا من اول الثورة و انا كنت بتهاجم هجوم فظيع
و اتهموني انى كنت زعلانة على مبارك
و انى ضد الثوار
لكن الموضوع مش كده خااالص
النهاردة بعد سنة اقولكم،بس ياريت من غير شتيمة
انا مع التظاهر السلمي المتحضر
و انى بما انى بتظاهر سلمى يبقا لازم اكون واعية ان فيه حد حينتهز الفرصة
و يندس علشان يولعها
الشعب ده كله مش ملايكة على فكرة
و الفقر بيخلى الناس تعمل بلاوي فى سبيل انها تاخد فلوس و خلاص
من اناس فى قلبها حقد و كره لأي شيء و اي حد سوى ذاتها
بتفكر فى نفسها و بس
عارفين الجملة بتاعة (فيها لاخفيها) همه كده
اول لما ابتدت الثورة يوم 25 يناير 2011
هيه ما كانتش ثورة، كان اعتراض على الأوضاع،و الفساد اللى بقا عيني عينك
بيستفز كل الناس، كأن المسؤلين السابقين كانوا مش شايفين الشعب اصلا
كانوا بيتصرفوا كأنهم لوحدهم فى الوطن
و بعدين لما قلبت ثورة انا مافهمتش القلبة ديه
انا قلت ان فيه مؤامرة ، انتهزت و جود الناس و اندست لتوليعها
و بعدين بدأت صورة مبارك توضح امامى،بعد الكام خطاب اللى هل علينا بيهم
بان قد ايه هو ضعيف و منفوخ على الفاضى
لكن ده مش معناه انى اشتمه،، ده مش معناه انى اذلة
الهتافات فى التحرير كانت شتايم و قلة ادب بجانب الهتافات التانية
و ده اللى ما كانشي عاجبنى
انا مش مثالية،ولا بدور على المثالية،ولا شايفة الدنيا من برج عالى
لأ انا بس كنت فاكرة ان الناس الكويسة حتقدر تسيطر على الناس اللى ما تعرفشي فى ثورتها غير انها تشتم
ايوه فى ناس الشتيمة عندها حاجة كووول، و فيه ناس ما بتقدرشي تسيطر على انفعالاتها فى حالة الغضب و بتشتم
و انا فى كل الحالات بشوف ان الشتيمة ضعف شديد

نرجع لموضوعنا،،
المهم ان انا كنت شايفة ان يوجد مؤامرة و فيه من يريدون الفرصة المناسبة لتنفيذها
و حسيت ان بصورة او باخري تم استغلال غضب الناس من الاوضاع،ولعبوا على الونجين
يمكن تكون رؤيتي غلط و ده وارد جدااااا
و كل يوم بيمر يا بيوضح الصورة يا بيلخبطنى بزيادة
ما علينا
المهم انى شايفة من ساعتها ان فيه ناس عاوزة تكسب بونط على حساب ناس
و ناس بتسوق ناس
و ناس بتلعب بعقول ناس
و ناس بتنتهز الفرصة لعمل ما بدالها، ما هو مولد و صاحبه غايب
و لما آجى اقول انا مش مع المخالف
الاقى الطوب بيتحدف عليا من كل جانب
و يتهموني بالغباء
يمكن اكون غبية زي ما بيقولوا..و انى عاطفية،و انى خايفة،يمكن
لكن الغباء اللى همه بيتهموني بيه انا شايفاه فى الناس اللى بتتظاهر
الصراحة
زي ما كانوا عاملين لجان شعبية عند البيوت
كانوا عملوا لجان شعبية عند الاعتصامات
من باب حمايتها، و ردها عن اي افعال تؤخذ عليها
و تدى الشرطة العسكرية او الداخلية التدخل بعنف
لازم كانوا ياخدوا بالهم ان الناس الدخيلة اى فعل غلط بيعملوه حيتلزق فى الكل
ولازم كانوا يعملوا على ابقاء صورتهم نقية طاهرة
و ده كان يتم لو احتضنوا الباقى...اللى كان من السهل جدااا استخدامهم استخدام سليم
لكن ايه اللى حصل
كل واحد جري يشوف انتخابات مجلس الشعب و عمل حزب
و ساب فصيل من المجتمع لواحده
بيتصرف باسلوبة،بيتصرف بالطريقة اللى هو متعود عليها
حدف الطوب و الشتيمة الخارجة
و ده غير ان فيه البعض منهم تم استغلالهم
ولعبوا فى دماغهم
همه على فكرة مش شايفين انهم خونة،او عملاء،او عاوزين الوقيعة
لأ
همه شايفين نفسهم وطنيين جدااااااا
و ان من يعطيهم المال اليومي فانه بيساعدة على المعيشة
لأنه يا إما بدون عمل،او مرتبة ضعيف،او اتقفل المصنع او الورشة اللى كان بيعمل فيها
بس همه اتسابوا لناس تدخل فى دماغهم ان المؤسسات لازم تتهد علشان تتبنى من جديد
و مع كل هد تسيل دماء ،ودموع
و ده انا شايفاه مش ذنبهم
ده ذنب الناس المتعلمة اللى لمت نفسها عن طريق الفيس بوك و نزلت
و انضم ليهم نخبة من المثقفين
ده ذنب الناس الكبيرة اللى جريت ورا كرسي مجلس الشعب او الرياسة
ما نظموش صفوفهم
ما خدوش احتياطاتهم
ان يوجد من يلبد فى الدرة لانتهاز الفرص
ما وزعوش المهام،
و الكل بيتحرك بعشوائية
و الكل بيخبط فى بعضه
و اللى بيشغل مخه و بيدبر و بيخطط
هو الوحيد الكسبان
كل واحدفى البلد ديه شايف الصورة بمنظور مختلف
زى الصورة السريالية كل واحد بيشوف فيها حاجة التاني مش شايفها
بيفسر الخطوط لترسم شيء مختلف

المهم علشان انا طولت...بس كنت مرتاحة و انا بكتب بجد
هناك مؤامرة على مصر
اه
هناك من يريد السوء بالبلد و شعبها
اه
يمكن من دول عربية و يمكن من دول غربية و يمكن من الزفتة اسرائيل
ويمكن و ده الاكيد بالنسبة ليا انا
انهم الثلاثة مجتمعين
فيه ناس بتحب البلد بجد
اه
فيه ناس بتبص على المناصب و بس
اه
فيه ناس لازالت من الزمن السابق تعبث فسادا
اه
فيه ناس معمول لها غسيل مخ و مفهمينها غلط
اه
فيه خيانة
اه
فيه عملاء
اه
فيه ناس بتتكلم صح و عاوزة تعمل حاجة بس مش عارفة
اه
فيه ناس عاوزة تلحق تطول حاجة مش من حقها فى الزحمة
اه
فيه ناس بتدور على مصلحتها و تولع البلد
اه
فيه كل دول
وفوق كل دول و دول فيه
الله
الله المتطلع على كل شيء
اللى عارف يفرق بين دول و دول
و يعلم بنواية دول و دول
و هو العليم القدير
أسأل الله العليم القدير
ان يحمينا من كل دول
و ان يضرب الظالمين بالظالمين و يخرجنا من بينهم سالمين
و يخرج مصر من بينهم سالمة من كل سوء

كل سنة و انتم طيبين

كل سنة و انتم طيبين
و من الكحك واكلين
و من الفتنة محفوظين
و من الاخبار الكاذبة معصومين
وحشتوني جداااااا
بس الاحداث العامة كانت مخلياني مفروسة بزيادة
رمضان هداني شوية
بس لسة الشعب المصري محتاج يتغير
يغير سلوكياته اللى ازدات سوءا
ربنا يهديني و يهديكم ويهدى المصريين كولهم
و يهدى الامة العربية كلها
تحياتي ليكم

ياااارب كن معنا

السلام عليكم جميعا السلام و الآمان ان شاء الله انا من قبل 25 يناير و من بعدها لم اكتب اي شيء ولكن بعد الخطاب الاخير لمبارك استشعرت ان الفترة القادمة محتاجة تريث من الشعب المصري اللذي يأمل فى تغيير مصر للأحسن محتاجة الحكمة محتاجة لضبط النفس اكتر محتاجة العقل و التعقل نحن بدأنا بعد هذا الخطاب فترة حرجة جداااااا و امتحان شديد الصعوبة للشعب المصري هل سوف ينجح الشعب المصري فى الامتحان؟؟؟ هل تم مذاكرة كل ما حدث من يوم 25 امتحان صعب اتمنى ان ينجح الشعب فى هذا الامتحان نجاح الشعب سوف يجعل مصر و شعبها يعبروا لبر الآمان و يحطموا خط بارليف سابقا..ومبارك و اعضاء الحزب الوطني حاليا يارب كن معنا