فرســـــــــــــــة صغنونه وارجع للتأمل



ياااااااااانااااااااااااس ياااااااااااااااااهووووووووووووو
طب قولولى أعمل إيه؟؟؟؟؟؟؟؟؟؟؟؟؟؟
اطسيت فى نافوخى النهارده و قلت اخرج اتفسح مع جوزى...واروح السوبر ماركت
قلت يا بت يا مفروسه انتى ناقصك شوية حاجات خدى بعلك
وروحى اشتريهم....
ورحت يا سادة يا كرام السوبر ماركت
همه مش برضه قالوا انه فيه حاجات حترخص...و لا انا كنت باحلم
انا متهيألى كده...اصل بعلى شجعنى على المرواح
وقاللى ديه الحاجه زمانها رخصت...تعالى و اشترى كل اللى نفسك فيه
أنا الصراحه الحاجات اللى كنت محتاجاها مش كتيره بس اهم حاجه....ورق التواليت
طبعاً كلكم عارفينه
و اللى مش عارفه ديه البكره اللى لما تدخل اى حمام تلاقيها علشان التنشيف....تنشيف أى حاجه ...ماعلينا..
المهم انا من زمان جوزى موعينى اشترى الباكت اللى فيه 24 قال توفير...و وحياتكم 24 ولا 8 و لا 12 الورق بقى نوعه زفت و بيبوش اصلا
المهم النوع اللى كنت باجيبه كان ب 10.50 !من اول الغلاء بقى 11.50 !!
و فى ابريل اللى هوه اول امبارح كان ب 12.75
قلت ما علينا ماهو لازم لل....الحمام
قوم النهارده 3 فى الشهر و لسه كلام سيادة الريس ما بردش قوم الاقيه ب 15.5 لييييييييه؟
اتفرس انا بقى و لا ما اتفرسش..انا راضيه زمتكوا ؟طيب قلنا الكماليات ..بلاش منها ...تضامناً مع الشعب...طيب وورق التواليت..برضه بقى من الكماليات
و بعدين خدتنى النححرره و سألت المسؤل فى السوبر ماركت ..هو ورق التواليت غلى ليه ...يقوم البيه المحترم يقولك اصل الورق غلى يا مدام
نعم ياخويا...نعم ياسيدى ورق ايه اللى غلى
ماالدنيا كلها عارفه ان الورق بتاع الحمام معمول من ايه
انت بتستعبط
ده يا حصره لو دورنا وراهم حنلاقيهم عاملينه من النفايات
طب بزمتكم بقى اجيبه و لا ماجيبوش...اعمل ايه
اهو ده مش كماليات...ده فى زمنا بقى من الاساسيات
و بعدين ما هوه الواحد لازم لما يدخل الحمام يلاقى الورق ده جوه
الواحد مش عارف يعمل ايه طيب حد من اللى بيقول فيه كماليات لازم نمتنع عنها او نستعيض عنها بحاجه تانيه
طيب يقولى استعيض عن ورق التواليت بإييييه
اكيد حيقولى حطى طبق رمل فى الحمام....اهو ده ارخص حاجه
معلش اتفرست..قلت مافيش غيركو افضفض معاه و ارجع تانى لحالة التأمل
يارب أهدى شوية بدل الفارسة اللى عمال على بطال ديه...

ملحوظه:

يوجد انواع مستورده فى السوق ب 24جنيه ال4 بكرات

انوع اللى بتكلم عنه مصرىىىىىىىىىىىىى


ملحوظه اخرى متختخه حبتين*
دلوقتى مابقاش فيه كسوف انهم يعرضوا الحاجات الغاليه
الفاكهه مثلا كاتبين عنب مستورد 30 جنيه
كمثرى مستورده ...شرحه
موز مستورد 8 جنيه و حاجه
و حجات كده كتير المشكله مش فى السعر
المشكله انى لاقيت ناس بيشتروها
طيب الحكومه ممكن تعمل ايه ؟
ولاحاجه انا لو تاجر و باستورد و جت الحكومه تقولى حاجه حقولها بين الشارى و البايع بفتح الله
فى ناس يتشترى انتى زعلانه لييييه؟
ما هو ده المنطق اللى ماشيه بيه ناس زينا
المفروض اننا نقول ربنا يرحمنا من بعض
احنا اللى بنفترى على بعض
واحنا اللى بناكل فى بعض
و احنا اللى قلبنا مش على بعض
ربنا يكفينا شر بعض
************************************************

83 زارونى......و اتفرسوا:

مفقوعة مرارتي من حماتــــــــــــي said...

بركاتك ياعلاوة

واحدة مفروسة said...

و مين سمعك يا اختى...

wanna b a physician said...

بصى يا حاجة مفروسة احنا نعملها اضراب عن الحياة
عارفه اية المشكلة اننا بنشتم الحكومة ونقول بتعمل
والمشكلة ان الناس كمان بتنيل اكتر زى ما شوفتى كدا كل يوم يغلوا عارفه ده اسمه غش ليه بقا
لان المفروض ان الخامه لما تغلى الانتاج الجديد يغلى مش اللى عندهم فى المخزن
نعم انه زمن الاحتكار بلا رادع ولا يوجد حمار يوقف المهزله لان الحمير لا مؤاخذة اندبحت

واحدة مفروسة said...

wanna b a physician
--------------------
والله الواحد فعلا مش عارف يعمل ايه الناس بقت عندها شراهه للفلوس
وعندك حق الناس اسهل حاجه ترمى على الحكومه...بس الحكومه تعمل ايه مع الناس اللى زى دول ..وحيتقالك ما هيه عرض و طلب...مدام اتسابت للعرض و الطلب....يبقى عمرها ما حتتحل

FaceMoon said...

ههههههههه
اة عارفة حكاية ورق التواليت دى كل حاجة اصلا زادت وقال اية فيه علاوة اللى حياخدوة حيصرفوة دة اللى فى ابتدائى حيفهمها يعنى
انا عارفة حيقوللنا فى الاخر نعمل اضراب عن دخول الحمام من اساسة كدة حيريح الدولة من حاجات كتير
متغبيش فى التأمل بقى

وجهة نظري said...

لا هوا إنتي صدقتي إن في حاجه حترخص؟؟ دي بقي مشكلتك إنك لسه بتصدقي الكلام دا

وبعدين دا أقل واجب حيتعمل مع الشعب دا علشان يحرموا يطلبوا علاوه تاني، أهو تلاتييييين في الميه، أدي دقني أهي لو حد جرؤ يطلب حاجه السنه الجايه، دا يمكن كمان يبوسوا رجله علشان يخفض المرتبات

رامى اشرف said...

لا صراحه هنا وقفه كبيرة كله الا ورق التواليت
اهم شىء سيبك من الزيت والسكر ورغيف العيش والكلام العجوة دا وان شاء الله من مطالبنا فى الاضراب الجاى ان احنا ننزل ورق التواليت على البطاقه التموينيه لان كرامه الواحد فى الحمااااام اهم شىء سيبك من اى حاجه تانيه

واحدة مفروسة said...

face moon
-----------
والله المشكله مشكلة ناس زي و زيك...انا دلوقتى كل شويه بتأكد ان الحكومه مالهاش دعوه

واحدة مفروسة said...

وجهة نظرى
-----------
لا مصدقة ان الحاجات اللى فى ايد الحكومه حترخص
بس هوه ايه اللى فى ايدها؟
حاجات بسيطه جدا...اما اغلب الحاجات فى ايدين ناس زي وزيك...و مش هاين عليهم الناس تشم نفسها

واحدة مفروسة said...

رامى شرف
---------
ده بقى فيه كمان انواع المستورد و المحلى و المستورد بالشىء الفلانى......والمصيبه بقى ان المستورد بيتباع ...

appy said...

طي بمش قولنا هنتهد ونتأمل
اها انا عرفت انتى كنتى بتأخدى اجازة علشان تتأملى الاسعار هههههههههخخخخخخخ
فهمت خلاص

المهم انا عملت زيك ورحت عند كارفور يا اوختى وكانت حوسه وكوسه كل حاجه بقت نار يا حبيبى نار
معلش بس مش عارفه تتعوض ازاى وده شئ لا يمكن الاستغناء عنه عااااااااا

يوميات فنانه مفروسه جداا said...

مفروسه
********
ازيك يا ختشيييييييييي يا مفروسه زيي
حتي ورق التواليت
استغفر الله العظيم
طب نعمل ايه طيب
مكونتيش قولتي علي حل الرمله
هيعرفو هيغلوها هيا كمان عجبك كده
وهيعملوها باكتات يبيعوها في السوبر ماركت
يلا بقي ربنا يرحمنا برحته يا مفروسه
وسمعني سلام
ولا ليك صوره عالرمله كانت عالشط في موانيها
تحياتي يا مفروسه

واحدة مفروسة said...

appy
-----
هيه ديه المشكله
انه دلوقتى فيه حاجات ماتقدريش تستغنى عنها و ده اللى بيدى التاجر كل الحريه فى ان يرفع سعرها...اه فيه كماليات مالهاش لزمه فى حياتنا بس المشكله اللى بيشترى

واحدة مفروسة said...

مفروسه
--------
هيه الرمله لسه ما غليتشى؟؟

Mohamed Hamdy said...

لا منتى لو ناويه تعيشى فى البلد دى لازم تتعودى تبقى مفروسه كده علطول .. يعنى لازم يكون دوا الضغط والسكر والذبحه زى الاسبرين كده
وبعدين ورق التواليت اصبح فى دولتنا سلعه كماليه جدا .. امال.. انتى فكرك احنا بنشترى جرايد حكومى عشان نقراها ؟ ده كان زمااااااااااااااااان

بنت مصريه said...

ههههههههههههههههههههه
مش عارفه بصراحه اقولك ايه
بس مش لازم ورق تواليت يعنى
مش فيه ميه ف الحمام ولا تلاقيها غليت هيه كمان وحطوا عليها تسعيره
النقطه بجنيه
هههههههههههههههه احييكى

واحدة مفروسة said...

mohamed hamdy
-------------
هههههههههههههههههههههه
طيب تعمل ايه فى اللى ما بقتش تجيب جرايد علشان تخفف الفرسه شويه
هههههههههههههههه

واحدة مفروسة said...

بنت مصريه
----------
الميه غليت من زماااااااااااااان
بس الورق ده لزوم التنشيف.......زههههههه

رئـــــيسـة حزب الأحلام said...

السلام عليكم
غلاء الاسعار ربنا موجود ويحل المشكلة والحكومة مستنية عدل ربنا

cenotaph said...

ربنه يخليك يا محسن طبعا عارفين مين محسن :D:D:D:D:D:D:d

واحدة مفروسة said...

رئيسة حزب الاحلام
---------------
أهلااا يا رااااايقه
والله انتى هدوئك ده بيفرسنى اكتر....بس تصدقى بجد انتى راااااااااايقه على الاخر......هههههههههه

واحدة مفروسة said...

cenotaph
----------
لا والله معرفوش...ده مين ان شاء الله؟

دكتور بهــدوء said...

صحتك ياختي مش كده
اهدي اهدي
هوه مش الافندي بتاعك واخد 30فالميه بتوع عيد العمال

دكتور بهــدوء said...

صحتك ياختي مش كده
اهدي اهدي
هوه مش الافندي بتاعك واخد 30فالميه بتوع عيد العمال

واحدة مفروسة said...

دكتور بهدوء
-----------
يعنى هوه يا إما الراجل يصرفها على ورق التواليت
يا إما يصرفها على علاجى من الفرسه
ارحمنى يارب
(قل أعوذ برب الفلق....)

وجهة نظري said...

بلاها ورق التواليت، هيا حبكت علي رأي مش عارف مين في فيلم الزوجه التانيه

بهزر، أنا قصدي أقول إنها مجاتش علي ورق التواليت، هوا في إيه بنشتريه مغليش، والشعب والحكومه عاملين زي إلي خدوا 1000 قفا علي سهوه، أبسط حاجه مفيش بلد في العالم بتقرب منها هيا العيش، يا متلاقيهوش يا تقفي في الطابور، يا تشتريه بـ 50 قرش.... وولاد التفاكشي باشا العسل ولا هما هنا

واحدة مفروسة said...

وجهة نظرى
----------
ولاد التفكشى....واحنا اولاد بعضشى....هههههه
العيشاللى انت بتتكلم عنه ب 50 ده دقيق حر و المصيبه انه ما عليهوش رقابه يعنى من كام شهر قبل ما الدقيق يغلى كان الرغيف اللى ب 50 يأكل العيله بحالها....دلوقتى يأكل واحد يقوم جعان

Human said...

انا عندي اقتراح جامد جدا ...إنت عرفه الجرايد الحكوميه
أخبار ..أأهرام
جمهوريه ..كله شغال
وحطي حبه منهم بدل ...المناديل ...وهاتنفع وهاتبقى جامده جدا
.........
ههههههههه
أنا بهزر طبعا

واحدة مفروسة said...

human
-------
يافندم انا مقاطعه الجرايد من زمااااااااااااااااان
فماليش غير ورق التواليت

إنـســـانـة said...

يلا كل تلاتين فى المية وانتى طيبة

بلا هم ياشيخة

Desert cat said...

انا قولت لكو هتتعوض العلاوة من جيوبنا وجيوب اللى جابونا ولا لاء
اهو حصل ولسه بيحصل وياما هيحصل
فعلا احنا اللى قلبنا مش على بعض والله لو نتكاتف ونقاطع الحاجه الغالية عمرى الافترى ما هيبقى كدا
لكن فى ناس معاها تقولك وانا مالى باللى مش معاه
حس على دمك بالناس يا اخى ده انتوا عالم شم عندكو دم
قصدى اللى معاهم يعنى

بنوته مصرية said...

هههههههههههههههه


خلص بلاش تدخلي التواليت هههههههه

طيب سؤال انتي رحتي بلعربية مع جوزك ولا مواصلات علشان لو بلعربية المرا الجاية هتخديها موتورجل هههههه

أسعار البنزين و السولار و المازوت زادت 25% شوفتي الهنا اللي احنا فيه

بصي كل شئ بقي نار ياحبيبي نار ومش هينزل ده الريس زود العلاوات يبقي لازم تزيد علاوات السوبر ماركت

ربنا يرحمنا برحمته
اهدي كدا واشربي ليمون بس خليه معلقة سكر وحده بس

السكر غالي خدي بالك

هههههههههههههه

Hina wi Hinak said...

كويس إنك نبهتيني... أصل أنا بعمل ليستة بالحاجات اللي المفروض آخدها معايا من هنا وأنا نازل هناك... عيش علشان أزمته، ولحمة تجنبا لأكل الحمير، وورق تواليت تجنبا للإحراج

david santos said...

Excellent post.
Thank you

واحدة مفروسة said...

انسانه
-------
تلا طين فى الميه و انتى الصادقه

واحدة مفروسة said...

desrt cat
-----------
يا ريتنا ما اخدناها

واحدة مفروسة said...

هنا و هناك
-------------
و النبى ينوبك في ثواب و ربنا يكرمك يارب و يجعلك فى كل خطوه سلامه و ينصرك و يوقفلك و لاد الحلال
انا عوزه 24 بكره و جالون بنزين و 10كيلو لحمه و 40رغيف مش حاكلهم كلهم حشيلهم فى الفريزر..وقد 3 كيلو فراخ فيليه اصلها بقت ب40 جنيه الكيلو..و
بقرة حلوب اشرب لبنها اصل اللبن بقى ب 7.50 العلب البايظ ده....و.....كفايه عليك المره ديه و المره اكون فكرت براحتى
طبعا بعد الزياره ديه مش حنشوفك تانى و حتفضل هناك و احنا هنا

واحدة مفروسة said...

david santos
------------
you are welcom

واحدة مفروسة said...

بنوته مصريه رودى
-----------------
انا معجبه بيكى جدا
وربنا يرحمنا ...و لما ضاقت حلاقتها فرجت و كنت اظنها لا تفرج...ياااااااااااااااارب....

Bongo said...

لأ ارجعي للتأمل احسن علشان مش هتوصلي لحاجه و هتفضلي مفروووسة هههههه

مش احباط بس واقع

و ربنا معانا كلنا
:)

بنوته مصرية said...
This comment has been removed by a blog administrator.
حاول تفتكرنى said...

ورق الحمام وفهمناه
أنما يعنى ايه كمثري

تعالي نقول الحق
ونرجع لنظرية الدخل والاستهلاك اللى بيمشى عليها اصحاب المجمعات الكبيرة
بالإضافة الى حمي الشراء التي تمتلكنا فى حالة الذهاب للتسوق أو يكون عندنا فلوس

فى البلد اللى عايش فيها بروج الجمعية عشان اشتري ماكينة حلاق على سبيل المثال فقط
لاقى عرض على المعجون ، اقول ميضرش ، ياااااه والله ده مفيش فى البيت صابون وأدوت نظافة وأنا عايش لوحدى
وهكذا يجذب الشراء اصبعي ، فكفي ، فيدي ، فزراعي ولا اتوقف حتى تنفذ نقودي
مع أني ذهبت لاشتري بما قيمته ربع دينار فتصير اربعين دينار

المشكلة مش فى الحاجة الغالية
المشكلة فى اسلوبنا الاستهلاكي
مش بس فى الكماليات
بل فى الضروريات

يجب أن نعتاد أن نشتري من كل شىء منحاجه (كماليات او ضروريات) شىء واحد فقط ولس دستها لأنها ارخص
وقتها ستتكدس البضائع ويقل ثمنها

هو ده السوق
تحياتي

واحدة مفروسة said...

bongo
-------
مش كده و النبى
و بعد الغلاء الفحش ده حروح اتأمل احسنلى ده انا جالى الضغط

واحدة مفروسة said...

حاول تفتكرنى
-------------
والله عين العقل احنا معندناش ثقافة الشراء ...و ده فعلا و حقيقى...و كلامك مظبوط...فبلاش نبكى
و نرفع اصواتنا فى هتافات مالهاش لزمه...عندك حق مليون فى الميه...

بت خيخة وأى كلام said...

وحياتك يا مفروسة
احنا لسة ماشفناش العوا اللى على اصله
اصبرى كمان كام يوم
وهتشوفى ايه اللى هيحصلنا
كلنا ولا مؤاخذة هنتخزوق

تحياتى ليكى
وسمعينى سلام
ماشربتش من نيلها
طب ماتخزوقتش فيها
ولا ليك صورة على الحيطة ومكتوب
wanted
تحتيها

سنووايت said...

الاول بس هو مين اللي قال ان في حاجات هترخص؟؟
البنزين الحمدلله غلي امبارح وغيره حاجات كتير
انا ما بقتش اصدق ان في حاجة ممكن ترخص الا البني ادمين!!

موضوع الفاكهة الغالية , بصي هو في اي مكان في العالم هتلاقي الحاجة فيه منها كذا نوع بكذا سعر واللي عايز يشتري يشتري , يعني لو انا واحد ربنا فاتحخها عليه ومعايا فلوس مفيهاش حاجة لما اجرب الموز المستورد ولا اي حاجة مستوردة , اللي بيشتري الحاجات دي مش عارف اكيد انه هياذي غيره من غيرقصد, بجد البلد وضعها بقي غريب
بصي انا بروح اماكن مستوياتها مختلفة بحس بفارق رهييييييييب ناس تعبانة اوي ومطحونة اوي اوي وناس مش حاسة بأي حاجة اوي اوي , وناس قليلة اوي في النص بتحاول تمشي امورها
مش عارفة اخرة الثقب الطبقي دا ايه و دا بقي اكبر من ثقب الاوزون
ربنا يستر

وما تزعليش علي ورق التواليت اللي زاد 3 جنيه في اقل من شهر يمكن الشهر الجاي تلاقيه بقي ب 24 زي المستورد :$

david santos said...

وأنا أتكلم واكتب العربية ، ولكن جهاز الكمبيوتر لم carecteres حتى أستطيع ان أكتب. انا اعشق اللغة العربية.

Dr-hema said...

حسبى الله ونعم الوكيل
وكفى
هذه الكلمة
د/هيما

واحدة مفروسة said...

خيخه
--------
هههههههههههههههههههههه
انا ياختى مش عاوزه يتحطلى صوره على حيطتها
wanted
ههههههههههه

حـــــدوتـــــة said...

السلام عليكم
دى اول زيارة ليا وانشاء الله مش الاخيرة
شوفى يا سيتى مع احترامى لاهمية المنتج ده بالنسبة ليكى
فى ناس كتيرة جدا فى بلدنا مبتستخدمش المناديل دى
لاننا فى مصر اصبح عندنا اكثر من نصف الشعب فقراء
وحاجة ذى دى مش تعتبر كماليات وبس دى تعتبر طرف وتبزير كمان
بس دة ميمنعش ان ذيادة سعرية غير مبررة فى اى سلعة مهما كانت هو شىء مستفذ جدا

سلالالالالالالالالالالالالالالالالالام

واحدة مفروسة said...

سنووايت
---------
انا عارفه انه فيه ناس يا حرام تعبانين قوى جدا خالص...وانا لما اتكلمت عن الورق كان قصدى انه لا حياة لمن تنادى فى البلد...ولسه بكره كل حاجه حتزيد تانى علشان البنزين
و بعدين مشكلة الحاجه المستورده انه لما التاجر بيشوف الناس بتشتريها بيغلى المحلى ...ويقولك ماهمه بيشترو الغالى...مافيش مشكله اغلى شويه....
و هيه ديه المشكله....التجار مش بيفرقوا بين طبقات الشعب الختلفه
و انتى بتقولى فيها النهارده لقيت الرز ب 5.15
يعنى الناس الغلبانه اللى بتاكل كشرى كيلو رز +كيلوعدس+بصل+طماطم...ممكن يقفلوا 20 جنيه فى اكله ....ولوقلنا بياكلو ه كل يوم 20*30=600 جنيه فى الشهر من غير ولا مره لحمه و لا لبس و لا اجرة مواصلات و اجرة بيت...
ربنا يتولاهم برحمته
و يتولانا معاهم

واحدة مفروسة said...

david santos
-----------
اهلا وسلا بيك
و جميل انك تحب اللغه العربيه
وهذا يدل على انك تريد ان تفهم العرب

واحدة مفروسة said...

dr hema
----------
حسبى الله و نعم الوكيل على اللى كتبته
ولا علي
ولا على ورق التواليت اللى غلى
ولا على الحال اللى احنا وصلناله
ولا على ايه

عاليا حليم said...

حد برده يعمل عملتك دى يا مفروسة تاخدى الراجل و تنزله تعمل شوبنج ؟ يا شيخة حرام عليكى

tamer.sala7 said...

مش كنتي بتقولي قل اعوذ برب الفلق علشان الـ 30% خدي عندك بقي مش حيصرفها علي ورق التواليت ده حيصرفها علي علاج الضغط بعد غلو البنزين والجاز
سؤال رفيع قفاكي عامل ايه بعد العلاوة اللي اختيها عليه ؟؟

لسه بعقلى said...

السعار ناااااااااااااااار

مافيش غير كده

تعالى زورينى بقى

واحدة مفروسة said...

لسه بعقلى
---------
زرتك

واحدة مفروسة said...

تامر صلاح
-------------
اه شفت
انا اللى حسدت روحى
على فكره الضربه جت على نفوخى مش على قفايا
ومن ساعتها و انا مصدعه جداااا

واحدة مفروسة said...

عاليا حليم
-----------
ما هو لازم يا اختشى من حين الى آخر انى آخد الباشمهندس علشان يبقى عارف الاسعار عامله ازاى
...بس توبه من دى النوبه اهو جه على دماغى فضل متنرفز من الفاتوره...و جت العلاوه ضحك و ضحكت معاه و تانى يوم بكينا سويااااااااااا
إهئ إهئ إهئ
اصلى انا بعيط برئه

ياأبت...إني رأيت said...

مدونتك جميلة
أيتها المفروسة

انين الحزن said...

مدونتك جميله وفرستك اجمل يووووووووه قصدي اسلوبك اجمل


اوي عجبني صوره الكلب اللي بيدخل ويطلع ده

نستحمل بقه ونقول ايه ايووووون

ربنا علي القوي والمفتري

سلاموووووووووز
وزة

snohe said...

صديقتى المفروسه
الناس لسه معاها فلوس تشترى ورق تواليت ؟

Soooo said...

العنب المستورد بقى بتلاتين جنيه؟؟؟
دي مهزله؟؟
دي سرقه
انا لسه شايفه قبل العلاوه كان بتسعه وعشرين ونص
البلد جرى فيها ايه
لا حول ولا قوة الا بالله

ماتعرفيش السيمون فيميه بكام دلوقتي؟؟؟؟

اصل انا ماعرفش اعيش من غير السيمون فيميه ده خالص
حياتي حياتيحياتي سيمون
اخر اغنية ليها فزيعه فزيعه فزيعه





سلاموووووووووووز

الربان said...

تحياتي

بما ان حضرتك ضربتي مثل للغلاء بورق التواليت...هاقول لحضرتك نكته يمكن تخفف
عن الجميع احتقان ارتفاع الاسعار:

صبي بقال..ساله زبون عندك و رق تواليت
قال له لأ....

صاحب البقالة سمعه...شتم الصبي و قال له لازم تتعلم فن البيع يا غبي...الزبون سألك عن و رق التواليت
قله غير موجود لكن موجود ورق صنفره...

تحياتي و تقديري

Dr-hema said...

حسبى الله ونعم الوكيل
فى الظالم طبعاً اللى أدى بنا لكده

اهو ده عيبه said...

بصى يا ستى بعد الشر عليكى من الفرسة علشان ورق الحمام
مفيش قدامنا غير نعمل زى صبحى فى مسرحية تخاريف ونجيب واحده زى دى فى الحمام

والله ده استهبال علنى منهم لما الحاجة تغلا فى خلال ايام مرة واتنين

توب علينا بقى يارب م العيشة واللى عايشينها ومن دخول الحمام كمان طالما العملية بقت مكلفة كده

samourai 4 ever said...

جت الحزينه تفرح ملاقتليهاش مطرح
و ان بردوه مش فاهمه
المواصلات كمان سعرها زاد
يعنى بدل ما كنت بدفع مثلا زمان اوى بقيت بدفع جنيه دة داخل البلد
دلوقتى مثلا عشان اركب من فكتوريا لحد سيدى جابر
ب جنيه و ربع
عشان ايه ان شاء الله
دة انا اخدها مشى احسن

ربنا يرحمنا من بعض فعلا

و دمتـــــــــــــــــــــم

Miss. Sosa said...

ياستي ياستي بالراحة علي نفسك ده المثل بيقول ... اللي اتفرسوا ماتوا ... ولا ايه وبعدين اقولك بله ورق
التواليت ماله ورق الجرايد
التقشف والقشف مطلوب برده

واحدة مفروسة said...

يا أبت انى رأين
---------------
ربنا يكرمكم ...و تشرفنا بالزياره

*******************
أنين الحزن
--------
تشرفنا بالزياره الكريمه...بس انا عندى سؤال ليه بتدخل الموز فى السلام
مش خايف يتفعص...هههههههه

******************************
سنوهى
--------
صديقى العزيز ...لأطبعاً بتستلف

*****************************
سوووووووو
--------------
يا هلا يا هلا
طبعاً ليك حق تسأل على السيمون فيميه.......اذا كنت اصلا بتستعمل الموز ابو 8 جنيه المستورد الطويل اللى قد صباعين محلى فى السلام....
الناس مقامات.....و النبى يا شيخ بدل ما تستعمل الموز فى السلام اديهونى اكله....
*******************************

الربان
----------
هههههههههه
هههههههههههههه

**********************
د\هيما
-------
انا فاهمه طبعاً و كنت بضحك
......
بس الشيخ خالد الجندى امبارح فى البيت بيتك ...قال حيروحوا النار هههههههههه

*********************
اهو ده عيبه
-----------

هههههههههههه
ربنا يتوب علينا من دخول الحمام هههههههههههه
لا انا متهيألى الناس كلها حتفضل البنت اللى كانت فى مسريحية محمد صبحى......هههههههههههههه
بس انا مش حقول الحل ده لجوزى ليشبط
************************
************************
samourai 4 ever
---------------
اسكندرية...يااااسلااام
هوه فى احسن من الكرنيش...و شم الهواء النقى....اكيد الشباك كان مفتوح و التعليق ده بيتكتب...اصلى شميت ريحة البحر....ممكن تدورولى على اوضه فوق السطوح ...بس تكون على البحر و انا موافقه على الزيادات كلها و حتكتم و مش حتكلم....واوعدكم مش حستعمل ورق التواليت...هههه

************************
*************************
miss sossa
----------
المدونه نورت يا فندم
جرايد ايه قلبك ابيض انا مش بقرأ غير ميكى......و الا ميكى...عض كلبى و لا تأخذ منى ميكى

أميــــــر القلــــوب said...

ربنا ياخدهم كلهم ويريحنا منهم دا أنا بدعى عليهم ليل نهار احنا بعد كده هنشحت والله.
فى يوم بليلة ( مش بليلة اللى بناكلها) كل حاجة ولعت نار.
الله ياخدهم كمان مرة ويريح الناس الغلابة منهم أل علاوة أل.

amirelqloup.blogspot.com

فاتيما said...

يا غدغود أنتى موش واخدة بالك
أصلا أصلا كلها شوية و منلقيش ناكل
فبالتالى موضوع الحمام دا هيكون فى المواسم كدا
و تنتفى الحاجة الى ورق التواليت من أصله
و أى خدمة

snohe said...

حاضر
انا لغييت نافذة التعليق

Foxology said...

فعلا اللى يفرس ان الحاجات غالية وفى ناس بتشترى وهو ده سبب المشكلة اللى احنا عايشين فيها

سؤال لا مؤاخذة .. يعنى ايه حمام :))

تحياتى :))

واحدة مفروسة said...

امير القلوب
-----------
ما هو كده كده ربنا حياخدنا جميعاً
لكل اجل كتاب......كلنا حنموت...
ربنا يصبرنا

واحدة مفروسة said...

اهلا فاتيما
-----------
معا كى اختك مفروسه
ربنا يتولانا برحمته

واحدة مفروسة said...

سنوهى
--------
يحضرلك الخير اروح الم البلوجريه اللى امكانيتهم على قدهم علشان يجو يزوروك بقى

واحدة مفروسة said...

foxology
--------
ياااهلاااا
الحمام ده له معانى كثيرة افتح الوكيبيديا و انت تعرف

اما بالنسبه للشراء...المصيبه الكبرى ان الناس بتشترى عادى....طيب بتشترى ...بتشتكى ليه...
حاجه تفرس صحيح....ليا حق اتفرس و جوزى يتفرس منى كمان

.:.-=- ELGaZaLy-=-.:. said...

هههههههههههههههههههه

ولسة...

بس على فكرة موضوع ورق الحمام دة مش مهزلة على قد ما الفواكة المستوردة هي الى مسخرة

عنب مستورد اية يا بلد يا ولاد...


بصى انا بستورد وبصدر حجات وكدة...كويس

ليا واحد صاحبى شغال فى الفواكة والخضار..

لا فهمتى غلط مش بيستورد بيصدر

ايوة صح كدة تنحو ...يا اخوة الفواكة المصرية والخضروات اجمل مما تتخيلو


لو فيكو حد برة مصر يبقى اكيد سمع عن البطاطس الحمرا المصرية

ايوة صحيح مش بتشوفها بس دى حقيقة ...دى حاجة اسمها منتجات تصدير بتيجى من محطات فرز طيب اية رايك يا اخت مفروسة ان فى عنب بيخرج بقطر معين..

لدول كتير اوى من مزارعنا فى مصر

ولو نزلت السوق المحلى هاتكسر الدنيا

اه يا بلد عايزة ولد بس انا مش فاضى

bastokka طهقانة said...

يا ستي بلاش تنشفي هههههه
مش عارفة لسة اية تاني حيغلى

على فكرة انا برد على اللي بيعلقوا بس عندهم
يعني ازورك مثلا بعد تعليقك عندي و اعلق على موضوعك
و ده لان اغلب التعليقات بتقول هايل و جميل و زي العسل و كده و مش معقول امسك تعليق تعليق اقوله ميرسي ربنا يخليك بحس اني افضل اني ارد الزيارة و يا ستي كل واحد ليه طريقته في الرد
و يجعله عامر
اوروفوار

واحدة مفروسة said...

الغزالى
-------
ماتقولشى الكلام الخطير ده لحد

واحدة مفروسة said...

حدوته
-----------
طيب ورق التوليت تبزير ماشى
حنجاول نغيره......وطيب الباقى بقى دلوقتى ديه البطيخه يا محترم جبتها ب 20جنيه

واحدة مفروسة said...

طهقانه فكره جهنميه
فكره نميسه
فكرهسوبر سوبر سوبر كيلوباترا ههههه

قلب صغير said...

انا من وجهة نظري المتواضعه يا اخت مفروسه لحل ازمة ورق التواليت
الناس تعمل اضراب عن دخول الحمام اصلا