عااااااااااوزة ابردنااااااااااااااااري


ازيكم جميعا........
عارفة...... ماحدش يرد رد يفرس
عارفة ان حالكم زي حالى
عارفة انكم مفروسين اكتر منى
عارفة انكم متغاظين

انا كنت ناوية اكتب فى نفس اليوم المشؤم بتاع الماتش

اللى هو يوم الاربع الحزين 18 نوفمبر
و لو ان شهرنوفمبر شهر جميل
فيه اتولدت مفروسة، و مامة مفروسة،و اخت مفروسة،.......بس ايييييييه
آآآآدي حال الدنيا يوم حلو و يوم مر
لأ..... مر ايه..... ده اسود و مهبب و مزفت بزفت درجة عالية من الوساخة

سوري فى اللفظ بس اعمل ايه؟؟!!!
بس قلت يا بت يا مفروسة بلاش الاندفاع بتاعك لأحسن تقولى كلمة كده ولا كده

استنى لما تسمعي خطاب يوم السبت
يمكن يا مقصوفة الرقبة يبرد نارك....زي مكالمةيوم الخميس .......اللى دلقت كوبايتين مية مثلجين
طفو الحريقة شوية

طبعا انتو فاهمين و عارفين خطاب مين...و مكالمة مين؟؟؟
ما انتو سيد العارفين الجو بدأ يبرد و مش وقت مارينا خااااااااااااااااالص
قوم جه يوم الخطاب..و كانت محسوبتكم مفروسة بتنضف تنضيفة العيد
و سابت الست تعك اللى تعكة علشان هيه مستنية كلام يبرد نارها
كلام يوطيلها الضغط
كلام يرفع راسها لفوووووووووووووووووق
كلام ما يخليهاش مفروسة....و لو حتى يوم واحد من عمرها

ماهو الصراحة لازم الكلام يتقال......حتى لو كان كلام بس ..ماهو اصل بالعقل يعنى
ما ينفعشي الابن يشتكي لأبوه.....و ابوه ما يعملشي حاجة

وقعدت و حياتكم امام التلفاز
هو يظهر و الله اعلم علشان مش اكون متجنية ولا مفترية
انا نمت فى نفس ذات الوقت اللى اتقال فيه الكلام اللى كنت عاوزةاسمعه
اصل مش معقول الخطبةكلها تصفيق و أعد يا ريس......
ده حتى قالهم أعد ديه تتقال لأم كلثوم....بس الغريبة انه أعد.....

مش معقول اكون سمعت بس اننا بينناو بين العرب مصالح مشتركة
و مايكونشي اتقال اننا حنقف وقفةرجالة......و نعمل حاجة للجزاير علشان قلةادبها و تجاوزاتها
و مش معقول اكون سمعت ان كرامةاي مواطن مصري من كرامة مصر
و مايكونشي اتقال انا حجبلكم حقكم يا مصريين ده انا ولادى كانو هناك

مش كده برضه ولا ايييييييييه؟؟؟
انا حشوف الخطاب ده حيتعاد فين و اسمعه من الاول
عاوزة ابرد ناااااااااااااارى
.............
النهاردة واحدة قريبة زوجي قالتلى انها تقريبا مفروسة اكتر منى
و متغااااااااااظة..كانت موجوده فى السودان مع قناة فضائية .......الحمد لله ان مجموعتها لم تتعرض لأيتها شيء.....
و اللى استغربتله انها ما كانش معاها حد زي اولاد الريس....غريبة مش كده؟؟؟؟
بتقولك و ده طبعا رأيها ...ووجههة نظرها...ان أغلب اللى راحو ممثلين....و كانو خايفين و موطيين روسهم لا يتعوروا ...و عمليات الشد و النفخ تبوظ......رأيها انها لو الطوبة اللى اترمت على مصري و أخدها و رماها على العيال الصويع الجزائريين

كانوا خافو و جريوا زي الفيران
و الله عندهاحق

وجههة نظر برضه

حالة من الصمت اللى يفرس

40 زارونى......و اتفرسوا:

donya said...

مساء الخير
النار مش هتبرد الا لما نجيب حق كل مصري اتهان سواء هناك او علي ارض السودان

تحياتي

حلم بيعافر said...

اوعى يكون حد منكو اتولد يوم 18 ههههه
هو الاربع الحزين ده بقى عيد قومى ولا ايه؟

اقصوصه said...

صباح المفروسين :)

يوميات شاب منوفى said...

لن تخمد النار فى صدورنا الا بعودة كرامتنا الى اهينت من احقر ناس
بربر لايعرفون عن الحضارة والتحضر اى شى
كلاب ابناء عاهرات فرنسا

ňįĝŗő said...

بصي يا مفروسة هانم
بالنسبة لموضوع تبريد النار ده
فأنا عندي اقتراح
شوب ميه ساقعة متلجة
و أربع معالق سكر صغيرين
و تعصري عليهم لمونتين كبار حلوين كده ببذرهم
و لازم ببذرهم
علشان البذر مفيد
هو انا ماعرفش هو مفيد فيه إيه بالظبط
بس أمي بتقولي كده
هو أنا يعني هأعرف أكتر من أمي
أنا بأقول تعصريهم
اوعي تضربيهم في الخلاط
علشان بيبقى طعمهم مش حلو
و تشربي بالراحة خالص
شفطة شفطة
كأنك مثلا خايفة الكوباية تخلص
كل ده و انت بتتفرجي على فيلم
Dances With Wolves
طبعا الفيلم داخل في بتاع 3 ساعات
فانت هتلافي نفسك نمتي و انت بتتفرجي
هتقومي الصبح زي الفل

أي خدمة


يلا سلام

فاتيما said...

يا
نيجرووووووووو
اقولك انا البذر مفيد ليه
عشان فيه زيوت يا بنى
مفيدة للجسم
و الشعر
و وحشتنا يا أبو قلب دهب
و ربنا يعيد عليك الأيام بخير
و العيد الجاى تكون بتحتفل بيه وسطنا و معاك العرووووووسة
و يا فروستى
يا حبيبتى
انتى لسه عندك امل فى العالم دى
انا بقى بطلت اسمع خطابات من زماااان
انا ممكن اسمعلك غيبا
و من قبلها إيه اللى هيتقال فيها
كله شبه بعضه
و زى بعضه
و على بعضه
و واضح إن النية فى عدم التصعيد
من ناحيتنا قرار رسمى شبه نهائى
و الجزاير استحالة تعتذر
يا ناس
لأن اى كلمة أسف معناها
اعتراف بجرمهم و التخلف عن الذهاب لكاس العالم اللى هما كانوا عاوزين يعملوها مجزرة لو مكنوش كسبوا الماتش و صعدوا
العيب مش عليهم لوحدهم
العيب على رد الفعل البطىء القاتل اللى عندنا اللى خلى الشباب يروح يحاصر السفارة و يكسر فى الفتارين
و نفسى تبطلى تنتظرى خير
فترتاحى من الفرسة
عارفة الامام الشافعى قال hيه؟؟
حكمة عبقرية
قالك
لا ترجو السماحة من بخيل
فما فى النار للظمآن ماء
و قالك برضو
يا مستنى السمنة من بطن النملة
عمرك ما تقلى
و متسمعيش الخطابات تانى ..
اعملى زيى و اقريها مكتوبة فى الجرايد احسن عشان القراية بتكون بمؤاثراتك
انتى الخاصة ...
و الضغط يرتفع بهدوء و تروى
خالص حبى ليكى و عيد سعيد عليكى
رغم كل الفرسات اللى ف الدنيا

واحدة مفروسة said...

Donya
------
مساء النور على البنور
طيب ماتيجي معايا نروح نجيب حقنا
انا مش ناقصة فرسة
قلتى اييييييييه؟؟؟؟


حلم بيعافر
------------
:(
لأ ده يوم حزين
بس حوالية يعنى
طبعا يوم النكد العالمي انت مش معانا ولا ايه
نورت


اقصوصة
-----------
مساء المقصوصين
:))))))

يوميات شاب منوفي
---------------
والنبي انا محروقة زيك كده تماااااااام
و عاوزة اقول كلام اكتر من اللى انت بتقوله
و النار شكلها مش حتخمد ابداااااااا
ربك يستر
دول العرب شكلهم حيتحدوا فجأة ويبقوا ضد مصر
استرها يارب
نورتنى بالزيارة

واحدة مفروسة said...

nigrooooooo
-----------
اخويا ابن الرايق و فرنسا
ازيك يا نيجرو فينك و فين ايامك
و الله كانت ايام جميلة ايام الضاحكون
هههههههههه
انا حجرب الوصفة و البذر حخليه مش حرمية
بس ممكن اتفرج على فيلم تاني؟؟؟
عاوزة فيلم رررررعب......انا بحب الرعب
ولا اقولك ...توم و جيري
:)))))))))) حديها من مشروبك على توم و جيري 3 مرات قبل الاكل كل يوم
ههههههههههه
نورت

واحدة مفروسة said...

فاتيماااااا
-------------
و الله يا طمطم لسة عندى امل..

عدم تصعيد ايه يا فاتيما
همه بيصعدوااااا و الصحافة بتاعتهم مولعاها
يا بنتى ده اللى اتعمل كله اعلامهم بيقول احنا اللى عملناه
و اللى ينقطك بقا و يفرسك
انوا اللى بيقروا مصدقين و هاتك يا شتيمة

انا معاكلى ان رد فعلنا بطيييييييييييييييييييء موت
و ده فى حد ذاته تهاون فى الحق
انا مش مبسوطة يا طمطم و الله
و انتى عارفاني انا ماليش فى الجرايد اصلا
لازم انتظر الخير لأنه اكيد حييجى

ههههههههه
حلو السمنة من بطن النملة ديه ههههههه
ربنا يسعدك يا طمطم و يلم شملك على يوسف
و عيد سعيد عليكي يارب
من غير فرسات
تحياتي ليكي

Dr Ibrahim said...

والله ربنا يبرد نارك يا سيدة مفروسة ونارنا ماهو السنة اللى فاتت بتوع السعودية والسنادى بتوع الجزائر وياعالم السنة الجاية هيبقوا مين؟!

فاتيما said...

يا فروستى يا حبيبتى
منا قصدى إن الموقف الرسمى عندنا
خد قرار خلاص بعدم التصعيد
و قالوا يسيبوا الشعب يجعجع
و يبعبع فى الفضائيات
و يخرج الشحنات و خلاص
لكن موقف حاسم و قوى
من الدولة
مفيش مش هيحصل
مش بس عشان الاداء المترهل فى العادة
لأ عشان حاجة أهم
عشان مينفعش الناس تطالب بحاجة
و هما ينفذوها
و يستجيبوا
و إلا تبقى ميغة بقى
و كل ما الشعب الادب سيس دا
ميعجبوش حاجة يعلى صوته
و يقول مش عاجبنا
فيضطروا يستجيبوا
و يبقى دلع مرىء
و ميعرفوش يلموه تانى
ميرسى على التهنئات
و الدعوات الحلوة
خصوصاً بتاعة لم الشمل دى
بحبك قوى

amirelhob said...

عاجبنى اوى حديثك التلقائى مع نفسك وعاجبنى انك كانك بتكلمى نفسك يعنى مع احترامى حاله من الجنان والحزن ودا والله م تريقه دى جميله جدا وعاجبنى اوى واسف لو التعبير خانى ومن قلبى بجد بتمنلك كل خير وسعاده صوحه وتوفيق وفرح وابتسامه تدوم يا رب طول العمر

واحدة مفروسة said...

Dr Ibrahim
------------
ازيك يا دكتور
اخبار المراحيم اللى فى التلاجة ايه؟؟؟
ايون و الله الدكاترة السنة اللى فاتت فى السعودية
و السنة ديه الجزاير
و ربك يستر بقا
لأن العرب كلهم قايمين على مصر علشان فلسطين
شوفت النصيبة السودا المهببه بهباب اسود؟؟؟؟
فضيلي يا دكتور مكان عندك فى التلاجة الله يكرمك
قاععدة التلاجة احسن من القاعدة قدام النت و التلفزيون
تحياتي و كل سنة و انت طيب و بخير يارب

واحدة مفروسة said...

فاتيما
------
حبيبة قلبي
انا شايفة ان ديه حاجة و ديه حاجة
يعنى مطالبتنا برد اعتبارنا و كرامتنا
مش زي الجعحعة التانية بتاعة المعارضين و الجعجعة بتاعة الغلاء
ولا الجعجعة بتاعة الناس اللى بتسرقنا عيني عينك
ولا جعجعة الناس اللى مش عاجبها النظام
بصراحة لو فكروا زي ما انتى بتقولى كده
يبقى على البركة يا اوختى تعالى ندور على جزيرة فاضية و نقعد فيها انا و انتى و يوسف روح قلب ماما
و داليا قوس قزح وولادها... و ......و ...... هههههه الجزيرة حتتزحم
خلينا احنا هنا و همه الوحشين بقا بروحوا هناك
هههههههههههه ديه حاجة تفرس بصحيح
انا كمان بحبك اكتر شويتين

واحدة مفروسة said...

amirelhob
-------------
ربنا يخليك يارب
و مرسي على الزيارة
و يارب مش تكون الاخيرة
الزيارة التانية حيكون فيه عيش و لحمة
ربنا يكرمك يارب و يعملك انت كمان الخير كله
كل سنة و انت طيب و بخير

Hina wi Hinak said...

كل سنة ومفروسة ومامتها وأختها طيبين

همس الاحباب said...

كل سنة وانتى طيبة
وعيد سعيد عليكى
وسلامتك من الفرسة يا ستى
ربنا يصلح ذات البين
تحياتى

واحدة مفروسة said...

Hina Wi Hinak
---------------------
آآآآآآآآآآهلاااااااااااااااااااااا
خطوة عزيزة
حمدا لله على السلامة
و انت طيب و بخير يارب
و كل سنة و انت طيب علشان العيد و كل عيلتك طيبة

بس استنى هنا انت مس علقت على الموضوع بتاع الجزاير ليه؟؟؟؟
انا يهمنى اعرف وجههة نظرك على الموضوع ده
تحياتي

واحدة مفروسة said...

همس الاحباب
--------------
ازيك يا خالد
و انت طيب و بخير و الاطفال بخير يارب
سلامتى من الفرسة؟؟؟؟؟
ديه جمهورية مصر العربية كلهاااااااااااااا مفروسة
بزمتك انت مش مفروس؟؟؟؟؟؟

م/محمود فوزى said...

السلام عليكم
معلش يا استاذه مفروسه انا ليا رأى مختلف شويه

بس ياريت بس محدش يقول عليا خاين وعميل
انا طبعا مع اننا لازم نتحرك لحمايه المصريين فى الجزائر والسودان وانه يتم عقاب اللى عملوا كده
وده يتم عن طريق السفاره والحكومه
وان كان من حق الناس طبعا انهم يتظاهروا مثلا لاظهار الاعتراض على ما فعله بعض المشجعين الجزائريين
لكن يكون بشكل حضاري مفهوش ضرب وحرق ولا محاولة اقتحام

كمان اللى قاعدين يشتموا فى الجزائر واللى فيها نفر نفر دول غلطانين
مش عشان شويه غلطوا يبقى نغلط زيهم
ممكن نرد بس مش بالمنظر ده

كمان يعنى مش كان المفروض نفوز على زامبيا هنا حتى مع هزيمتنا من الجزائر هناك كنا نصعد برضه باذن الله

معلش ارائى ممكن تكون صادمه

واحدة مفروسة said...

م/محمد فوزى
اولا كل سنة و انت طيب و بخير
بس ليه صادم ؟؟؟؟
رأيك صح
مش معناه ان بعض من المشجعين الجزائرين انهم قاموا بأعمال شغب...و بعض من الصحف الواقعة "اللى زي عندنا تمام" شتمت و قلبت الدنيا على بعضها و روجت بعض الشائعات"زي عندنا بالظبط"
اننا نعمل زيهم و نتظاهر و المصيبة بقا اننا نكسر فى ممتلكاتنا احنا شوفت الوكسة
لأ طبعا انا معاك...بس ماليش فى الكورة و لا عاوزة يكون ليا اصلا
تحياتي

norahaty said...

سيبك منهم
ومن الفرسة
الايام المفترجة
دى وخليكى فى العيد
والللللللللللللللللللحمة:)
الحاجات المغذية والمفرحة كمان:)

خواطر شابة said...

كل سنة وانت طيبة وبخير
عيد سعيد اتمناه لك ولكل من تحبين
تحياتي

منى said...

فكرتيني باللي عاوزة أنساه بس أنسي اللي حصل إزاي.
اللي كان ينفع للحكاية دي هو السادات الله يرحمه رغم إني أختلفت كتير حول سياسته بس كان حافظ للمصري كرامته ومكنش بيهمه حد الله يرحمه بئه.
سيبك من ده كله وخلينا نقولك كل سنة وانتي طيبة مش مفروسة

يوميات شاب منوفى said...

كل سنة وحضرتك طيبة ويارب تكون فرستك خلصت

رئـــــيسـة حزب الأحلام said...

صباح الفل يامفروسة
وكل سنة وانتى طيبة وبخير
بصة احنا مالعبش مع الجزائر تانى بلا قرف
وربنا مايعيده يوم دة ماتش ولا بهدلة بس سيبك انتى الماتش دة ياريت يصحى الحكومة اللى زلانا وفاكراها شطارة لازم يعرفوا ان كرامة المصرى هتبدأ من بلده
والا هنتذل برا وجوة
تحياتى لكى

Migo Mishmish said...

كل سنه وانتى طيبه ..عيد سعيد
اخواتك فى البشريه والادميه
ميجو ومشمش
من البلكونه

Migo Mishmish said...

كل سنه وانتى طيبه ..عيد سعيد
اخواتك فى البشريه والادميه
ميجو ومشمش
من البلكونه

well said...

كل عام وانتى طيبة وعيد مبارك عليكى وعلى الامة الاسلامية يا رب
تحياتى

عاشقه الرومانسيه said...

كل سنه وانتى طيبه يامفروسه هانم
والخطاب ده نزل على اليوتيوب
وانا شفته
بس مش هانصحك تشوفيه تانى
علشان الفرسه مش تزيد
خليكى كده فاكره نفسك نمتى وقتها
هههههههههه

واحدة مفروسة said...

norahaty
---------
ازيك يا نورا
كل سنة و انتى طيبة و بخير يارب
ماشي يا قمرة حسيبنى من الفرسة
هههههههههه
و حخليني فى اللحمة

واحدة مفروسة said...

خواطر شابة
----------
و انتى طيبة و بخير
و عيد سعيد عليكي انتى كمان و على عيلتك يارب و كل اللى بتحبيه
شكرا على المعايدة


منى
----
و الله انتى عندك حق فعلا
انا برضه قلت كدة
فين ايامك يا سادات
انت الوحيد اللى تنفع فى المواقف ديه
الله يرحمه بقا

و انتى طيبة و بخير

واحدة مفروسة said...

يوميات شاب منوفي
--------------------
و انت طيب و بخير


رئيسة حزب الاحلام
---------------------
ازيك يا ريسة؟؟؟
كل سنة و انتى طيبة و بخير
يسمع من بقك ربنا ياريت تصحى الحكومة و الشعب كله
تحياتي
و كل سنة و انتى طيبة

واحدة مفروسة said...

Migo MishMish
-------------------
مرسي و انتم طيبين و بخير

واحدة مفروسة said...

well
-------
و انت طيب و بخير يارب

واحدة مفروسة said...

عاشقة الرومانسية
-----------------
مش تقولييييييلي
مش عاوزة ادور و اتفرس

كل سنة و انتى طيبة و بخير يارب

Sonnet said...

عيد سعيد عليك و على كل زوارك

م/محمود فوزى said...

كل سنه وانتى طيبه ويارب دايما فى صحه وسعاده
واتمنى لكى امنيه مش عارف هاتسعدك ولا لأ
هههههههههههههههه
نفسي انك تبقى مبسوطه على طول ومتلاقيش حاجه تفرسك
هههههههههههههه
لان اصلا دي امنيه باتمناها للناس كلها
ربنا يوفقك ويكرمك دايما ويكون عيد سعيد للامه كلها

blue-wave said...

اهى صاحبتك دى جابت من الأخر
ربنا يرحمنا

BaTresYa said...

كل سنه وانتي طيبه ....وبلاش بس الفرسه دي كلها الضغط يا حبيبتي