بيااااااااااااااااااااااااان سريييييع

الى كل زوجة
و كل ست على ذمة راجل
و النبي يا اختى انتى و هيه
لو طقت فى دماغك و عاوزة تنعنشي حياتك بخناقة صغننه
وخصوصا ان رمضان على الابواب
و الاسبوعين اللى جايين مش حيخلوا من الخناقات
لزوم الياميش و اللذى منه
و بعديه العيد
و العيد ده بتاع الكحك
يعنى برضه ليه خناقة لزوم عمايل الكحك
و لزوم هدوم العيد

ابقوا خودولكم سااااتر
و خلوا فيه حيطة بينك و بين جوزك
ولا اقولك خليه شارع
يعنى ممكن تستأذنى الجيران تقفى فى شباكهم و تتخانقى مع جوزك براحتك

الدنيا مالهاش اماااان خااالص
أأٌقصد الرجالة
ما بقاش ليها امان خاااالص
لسة سامعة قصة المذيع اللميع
اللى اتخانق مع مراتة الساعة 2 فجرا
وراح طاخخها رصاصتين
ياعيني على البنية اللى راحت فى خبر كان
تلاقيكي يا حبة عيني كنتى عاوزة الياميش
ولا تلاقيكي كنتى عاوزة تدخلى الحمام و الراجل نايم جوه
ولا يا حبيبتى طقت فى دماغ جوزك تعمليلة كبدة اسكندراني
و انتى يا حبة عيني كنتى هلكانة من شغل البيت
ولا يمكن كان عاوز يتفرج على الاخبار و انتى عاوزة تتفرجي على الفيلم

أأأأأأأه
يا مفروووووووووووووسة ياني

رصاصتين؟؟؟!!!!

انا مذبهلة
و مفروسة
و محتارة
و من هنا و رايح
شكلى يا اما مش حتخانق
و ده طبعا مش اكيد
و مش مضمون
يا اما حتخانق عبر التليفون
الموبايل يعنى
اهو قفل السكة فى الوش ارحم مليون مرة
من رصاصتين فى النفوخ
العمر مش بعزقة يا اخوانا
سلام
اسيبكم بقا و اقوم انام قبل ما جوزي يجي
و يحلاله ندب خناقة
تصبحوا على خير

27 زارونى......و اتفرسوا:

promise is promise said...

تعرفى ايه اللى فرسنى بجد
حكايه واحده بتحكهالى

ان الساعه 3 الفجر جوزها بيصحيها من النوم ويقولها قومى بصى شوفى شكلك فى المرايه عامل ازاى تخيلى
اتفرس ولا لا

تخيلى الست دى
شغاله بره وجوه زى ما بيقولوا عيالها اكبر واحد فيهم رايح اولى ثانوى
يعنى مش صغيرين علىشوفى شكلك وما تشفيش

يعنى بجد الرجاله دول الواحد مش عارف يتعامل معاهم ازاى

دمتى بخير ومش مفروسه

MR.PRESIDENT said...

ههههههههه
ماشي يا حاجة
افضلوا اظلموا الرجالة كدهوا
مش يمكن قالت كلمة جامدة عنه
وقهرته
وثانيا هوا مرخص مسدس ليه اصلا
ماهو الحكومة لو ممشيا القانون علي الكل كان عبال ما جاب السكينة
كانت كتت هيا
يلا بقي انا مش متجوز فقوم اتخانق مع أمي .
يلا باي
قصدي السلام عليكو

عصـــــــــــام الــــديــن said...

ياناس حرام عليكوا
عشرين سنه مستحملين النسوان هما بيقطعوا فى الرجال ويغلفوهم فى كياس سودا واحناصابرين
ايه يعنى الراجل بدأ يسترجل ويقول لا
ايه يعنى الراجل بدأ يقول للغوله عينك حمرا

دى احنا ياولداه لينا فى كل خرابه وصندوق زباله كيس اسود فيه زوج مقتول

انتفاضة الرجاله الحمشه
يااااااااااااااااااااااع
آه ياآنى ياما
جايلك ياحفيظه

حاجات جوايا said...

هههههههههههههه
اثبتى يا مفروسة
هما هيثبتونا ولا ايه ؟؟
لو الست متخانقتش مع جوزها هتتخانق مع مين يا اختشى
هههههههههههههههه

الرجالة مين يوم ما طلعت استفتاء ان الستات المصريات اكتر ستات بيضربوا اجوازهم وهما مش على بعضهم

يعنى الصحفى ده ايه اللى يخليه يرخص مسدس الا اذا كانت النية مبيتة من زماااااااااان

وقتل عمد مع سابق الارصادا والترصدا

ربنا يقوينا
وما نيل المطالب بالتمنى
ولكن تؤخذ الحقوق بالساطورا
ههههههههههههههههه


حمدا لله عالسلامة يا قمر

واحدة مفروسة said...

promise is promise
------------------------
اتفرست من القصة
:(

واحدة مفروسة said...

MR.PRESIDENT
------------------
:D
و انصحك ما تتجوزشي
ده مشروع فااااشل
يؤدى للموت
ليك و ليها
هيه رميا بالرصاص
و انت اعدام

واحدة مفروسة said...

عصـــــــــــام الــــديــن
-------------------
هههههههههههههههههههه
ايون روح لحفيظة
ههههههههههههه
و سلملى عليها

واحدة مفروسة said...

عصـــــــــــام الــــديــن
-------------------
هههههههههههههههههههه
ايون روح لحفيظة
ههههههههههههه
و سلملى عليها

واحدة مفروسة said...

حاجات جوايا
--------------
ههههههههههههههه
لا ساطورا ايه؟؟؟؟
انا اسلحتى اقوى من السواطير
هيه فرسة صغنونة تجنن الفيل
و تمخول الاسد
هههههههههههههه
سامعاني؟؟؟؟
اصلى موطيا صوتي للأسد يسمعنى
ههههههههههههههه

فاتيما said...

للأسف يا فروسة

الناس اتجننت خلاص

مبقاش ليها دعوة بتعليم و لا طبقة اجتماعية
و لا اقتصادية و لا أى حاجة

فيه حالة ضغط رهيبة ع الأعصاب
بشكل لا يحتمله الأسوياء حتى
مش اللى دماغهم طاقة من بدرى


لحد دلوقتى مبقدرش اتخيل
ازاى كم الغضب يوصل بشخص
لأنه يقتل ام اولاده
و لا يعى لثوانى قبل ما يضغط ع الزناد
انه كدا بيضيع ولاده

بس اصله التفكير وقتها بمنطق
بيتلغى تماما للأسف


اللى مؤلم بجد

ايه اللى حصل عشان
يوصل شخص للحظة دى
اللى يلغى فيها عقله ؟!!


ربنا يستر على الجميع

و انتى يا فروستى اللى زيك
متعرفش تتخانق يا ماما
انتى متهيألى حتى و انتى بتزعقى
هيبقى دمك خفيف و شيك و ليدى
و هتروحى قايلة كام لفظة فرنساوى كدا
تخلى جوزك يضحححححححك
بدل ما يتنرفز زيادة

آه و النبى
انتى هذهها السخصية اللطيفة

خالص ودى يا فروستى

الحب الجميل said...

دعوه عامه للتجمع فى الاسكندريه

ودعوه خاصه ليكى
البوست موجود فى المدونه
الحب الجميل

الفقيرة إلى الله أم البنات said...

المشكله يا مفروسه ...وطبعا كلنا مفروسين بدرجات
ان ساعات الخناق بيكون الخناق واجب
خلاص هنتخانق يعنى هنتخانق
قومتى اتوضيتى او حتى غيرتى المكان بعد ما غيرتى دمك
كل ده بيحصل
وفى الاخر كل حد بيروح الى مكانه فى قطعة البازل وتنتهى المشكله والصورة تكمل

اما اللى بتنتهى بطعن زى الست الالمانيه اللى قتلت جوزها علشان اللاب توب
ولا الاخ المذيع اللى مفروض واخد مخدرات يعنى دماغه هاديه ومش متوتر زى ما بيقولو
ليه يكون رد الاهانه القتل؟ طيب انا كنت فاكره مسيحى ومش هيعرف يطلقها علشان الشريعه عندهم مفيش طلاق
طيب لما انت مسلم وممكن تطلق بتقتل ليه
اظن بكرة هيبان انه كان شارب حاجه تانيه غير المخدرات خليته يقول انا جدع ويقتلها

بشكل عام العنف فبقى سيد الموقف فى مصر وفى لدنيا كلها


بخصوص أول تعليق...مش عارفه ليه كان نفسى اكون مراته علشان اصورة وهو نايم أو وهو مش حالق دقنه
يمكن ساعتها هيعرف شكله عامل ازى

بجد حاجه تفرس جدا"

واحدة مفروسة said...

فاتيما
-----------
حبيبتى تيما
الناس بقت خلاص يا بنتى مخها ضارب على الآخر بعيد عنك
ههههههه
انا عنى
فأنا بفرس للأسف الشديد
و ده افظع من الخناق
بس وحياتك انا لامة الدور اليومين دول
ههههههه
العمر واحد
وحشتيني و الله

واحدة مفروسة said...

الحب الجميل
-----------
و الله كان نفسي
خصوصا انى من عشاق الاسكندرية
تحياتي ليكم و سلمولى على البحر

واحدة مفروسة said...

الفقيرة إلى الله أم البنات
-------------------------
حبيبة قلبي
شوفتى بقا اننا فى زمن يفرس
و بين ناس تفرس و تصرفاتها تفرس

Shaimaa said...

ايه يا بنتى فينك من زمان
حمد الله على السلامة

عايزة أقولك برده ان زى ما فى رجالة مفترية... فى ستات كتير يتفتلها بلاد
والست دى شكلها كدة كانت مفترية... بس برده الله أعلم
متغيبيش تانى

شوكولاتة said...

المهم ان الراجل ده كان شكله وديع خالص وطلع بلوة في الاخر

بصي علشان فرستك تخف شوية شوفي البوست ده

بوست جديد مهم عاوزين كل مدون معانا يساعدنا في مشروع مهم التفاصيل عندي في المدونة

http://chocolatah.blogspot.com/2010/07/blog-post_26.html

معانا ولا.......

حلم بيعافر said...

صيام وحر مع بعض

مشاكل مش هتخلص وبيانات بتهدى النفوس

babosha said...

والله عندك حق الرجالة دول يفرسوا ويخلوا الوحدة تطق تموت اسلوبك حلو ما شاء الله ياريت تبقى تشرفى مدونتى بالزيارة وربنا يوفقك ويقدرك على الخناقات هههههههههههه

شفـقــة و إحســــان said...

تعرفى انتى معاكى حق الرجالة ملهمش امان خالص
بس تعرفى المذيع ده راجل ندل وما وقليل الاصل
ربنا يرحم مراته ويغفر لها اهى استريحت منه

مها البنا said...

ربنا يلطف بينا

الجواز و سنينه said...

كل سنه و انتى طيببه يا سكر و عودا احمدا

حنان الشافعي said...

كل سنه وانتي طيبه
رمضان كريم:)

قوس قزح said...

أقر الله عينك فى رمضان
بلذة الأسحار وصحبة الاخيار
ورحمة الغفار وجنة الأبرار


رمضان كريم

المحطة الجاية said...

مجلة جديدة تفتح المجال للتقدم اذا كنت من هواة الكتابة و الاعلام باسلوب شبابي في( السياسة الاخبار التحقيقات قضايا المراة الرياضة الصحة و غير ذلك) ارسل سيرتك الذاتية علي ma7ata@gmail.com

شمس النهار said...

كل سنه وانتي طيبه وبخير وسعادة

والطيب احسن
بلاش خناق
:))

سلامي

عمدة كفر المظاليم said...

ربنا يبعدنا عن الخناق
اللهم آمين
هم كده كده بيتخانقوا
:-)
بس كده حيجيبوها عندك انت
تحياتي