الفاتحه على روح جد الست ســـــو

الحا جه ســــو البارة جدا باهلها
راسها و الف..........قال ايه عاوزه تزور العلمين
اشمعنا يا حاجه العلمين .. طيب مافيه الاقصر ... اسوان
ماشى بس قبل ما ارجع بلدى عاوزه اروح العلمين
قلنا ماشى .. راحت الاقصر... و اسوان
رجعت عاوزه اروح العلمين.......كانت بتقولها كانها بتقول عاوزه اروح لما ما
وفيييييييييييييييييين ...اعترفت الاخت ســـــو عاوزه تروح العلمين......ليه
جدها مدفون هناك من وقت الحرب العالميه التانية
يانهار مش فايت ...هو انتى توعى ان شاء الله لجدك ده
قال ايه الكدابه تقول لا طبعا ...بس بينى و بينكم شكلها يجيب الحرب العالميه الاولى مش التانيه
قال بقى الاجداد بيحكوا للاحفاد.....قصص و روايات عن الجنود المبجلين اللى مدفونين فى العلمين
من ايام الحرب العالميه التانيه
والله فيكى الخير يا حاجه ...الست ضاربه مشوار سقع من قارة استراليا
لقارة افريقيا علشان تزور قبر جدها....ده كان الغرض الاساسى للزيارة
و بعدين سياحة.....
ان جيتوا للحق انا فى نصف هدومى...لا ربع هدومى.....
ابويا الله يرحمه مدفون من 20سنه فى طنطا و انا مكلفتش نفسى
اروح ازوره و قا ل ايه...الفاتحه حتوصله لو قرأتها من هنا
الله يرحمك يا والدى ..الفاتحه على روحك
ماتنسوش تقروا الفاتحه بعد كده على روح جد الست ســـــــــــــو
********************************************

17 زارونى......و اتفرسوا:

wanna b a physician said...

فتحة اية وضمة اية علمين طيب كان كفاية عليها علم واحد بس نقول اية الطمع بقا
يلا الله يرحم الجميع الفاتحة يا جدعان
صدق الله العظيم

Foxology said...

الله يرحم امواتنا واموات المسلمين

الفاتحة اوكى بس ميمنعش ان الدعاء اهم ويوصل والله لطنطا وابعد من طنطا كمان :)

هتوحشنا الحاجة سو والله :))

Mafrousa said...

wanna b a physician
------------------
ولا علم واحد حتى



foxology
--------
لو حتوحشك اقولها تاخدك معاها
انا شخصيا........

la3lahakhier said...

فيها الخير

Mafrousa said...

la3lahakhier
------------
مش كده و النبى

بطوط حبوب said...

الحرب العالميه التانيه؟؟!!
طب الله يرحمه

DayDreaming said...

فيها الخير والله
يلا البقاء لله
لما اروح ادور في البوستات اللي فاتت عشان اعرف مين الست سو

Mafrousa said...

بطوط
-----
اولا يا ترى وصلك ال e mail علشان عيد ميلادك؟ تصدق الحرب العالميه التانيه..الله يرحمه فعلا

daydreaming
-----------
اهلا وسهلا....المدونه نورت...

Mafrousa said...

بطوط
ارسلت لك تورته فى عيد ميلادك وصلت؟؟؟؟

FaceMoon said...

ياااااة هيا لسة فاكرة طيب كويس ان مش جالها زهايمر مبكر فيها الخير والله
الله يرحمة بقى كان طيب

snohe said...

شفتى الست باره بجدها ازاى ياريت كلنا نتعلم منها .
بس العلمين بعيده جدا
ربنا معاكم

Mafrousa said...

snohe
-----
اه مش كده..........

Mafrousa said...

facemoon
------------
لسه فاكره..........ربنا يرحمنا جميعا

إبـراهيم ... said...

طيب هوا إحنا بنقرا الفاتحة ف الموت، ولا ف الجواز ؟؟؟؟
.
.
تحيااااتي يا مفروووسة

**************
كتابي نازل الجمعة الجاية
وحفل توقيعه ف عمر ستور يوميها
يسعدنا تشريفكم :)

ayar said...

والنبى الست سو دى رايقة وفشارة كمان وهى املة يعنى ان جدودها ماتوا فى الحرب العالمية ... يامرارتى يانىىىىىىىىىىىى !!

Mafrousa said...
This comment has been removed by the author.
Mafrousa said...

ayar
=====
مش كده و النبى هو انا مفروسه من شويه


ابراهيم
=======
الف مبروك على الكتاب