شاركوني فرستى

ازيكم جميعا ، كلكم على بعضكم واحد واحد و واحده واحده
انا وصلنى الايميل ده النهارده
على قد ما هو فيه كلام جميل على قد ما اتفرست من اللى بعته و طبعا مش اعرف مين الشخص الاولاني اللى بعته اصلا ولا اللى كتيه
الاول حوريكم الميل
@@@@@@@@@@@@@@@

أجمل أيميل ستقرؤه بحياتك

بسم الله الرحمن الرحيم

والحمد لله رب العالمين

والصلاة والسلام على اشرف المرسلين محمد صلى الله عليه وسلم وال بيته و أصحابه أجمعين

يا رب، لك الحمد كما ينبغي لجلال وجهك ولعظيم سلطانك

سبحان الله وبحمده، عدد خلقه، ورضى نفسه ، وزنة عرشه ، ومداد كلماته ..

اقسم بالله العظيم اني سأقرا هذا الايميل وسأرسله لمعارفي

أنت حلفت ولازم تقرأه

هو مش طويل...

المهم ...

قول معاي

سبحان الله


سبحان الله


سبحان الله


سبحان الله


سبحان الله


سبحان الله


سبحان الله


سبحان الله


سبحان الله


سبحان الله

خسرت حاجه ؟؟؟؟


والآن مره ثانيه قول


استغفر الله العظيم


استغفر الله العظيم


استغفر الله العظيم


استغفر الله العظيم


استغفر الله العظيم


استغفر الله العظيم


استغفر الله العظيم


استغفر الله العظيم


استغفر الله العظيم


استغفر الله العظيم

أبشر أخي الطيب...

فإن الله يفرح بتوبة عبده...........

اذا دعنا معا نتوب اليه قبل فوات الاوان .....

شكرا لك ..............ولقرائتك لهذه الرساله ,...

ولا تنسى انك حلفت ..

انك سترسلها لمعارفك...........

ولا تنسوني بالدعاء

لا اله الا الله محمد رسول الله

قلها باخلاص

ربما تنجح في الحصول على شفاعة الرسول لك

اذا كان نشرها سيرهقك فلا تنشرها

فلن تستحق اخذ ثوابها لان ثوابها عظيم

الله لا إلَه إلا هُو الحَيُّ القَيّومُ يعز من يشاء ويذل من يشاء وهو على

كل شيئ قدير

تخيل أنك عندما قرأتها حصلت على 580 حسنة وحصلت أنا كذلك على 580حسنة

أليس من السهل الحصول على هذا الأجر العظيم!

اعمل للرسالة Forwardبس وأنت تحصل على الثواب الكبير بأمر الله

@@@@@@@@@@@@

الايميل فى حد ذاته مش مضايقني بل بالعكس

يوشكر الراسل على انه بيذكرنا بالإستغفار

و ثوابه و فضل ذكر الله فى العموم

لكن اللى يفرس انه خلاك و انت بتقرا بحسن نية ان تقسم بالله انك حترسله

و كأنه فى عقل باله

بيضحك و يقولك هأو يا فالح وضحكت عليك و خليتك تقسم انك حتقراه و حتنشره

و الحاجة التانية اللى فرستنى بقا اكتر

انه بيقولك يعنى لو اتغظت منى و مش حتبعته

فلن تستحق أخذ ثوابها

هو انت مين ان شاء الله اللى قالك حاخد ثواب ولا لأ

انت مالك

ديه حاجه بين العبد و ربه

و بعدين ياللى باعت الرسالةانت اكيد من اللى بيقولوا قاطعوا و اضربوا و خلافه

انت عارف ان كل ضربة حرف على الكمبيوتر و ارساله بتعود بالملاين على الشركات الأجنبية؟

و بعدين تذكيرك لينا بالمدوامة على الاستغفار و ذكر الله شيء جميل

بس ليه لازم كل كلام جميل يتخلله بعض من السلوكيات الدنياوية

اللى تفرس

لأ

و بعد الجمله انك لن تستحق ثوابها

اعقبها ان الله يذل من يشاء و يعز من يشاء

يعنى عاوز يقول ان ربنا حيذلك و قادر عليك لو مش نشرتها بيخوفنا علشان نقوم بسرعة ناشرين الرسالة

انا بتفرس يا جماعة بجد من الاسلوب ده

لأ و بيقولك ادعولى

طيب يا سيدي حدعيلك

ربنا يهديك و يصلح حالك و ينور بصيرتك و يلهمك حسن التفكير قبل الكلام و الكتابة


على العموم انا مفروسة صحيح بس اذكى منك

كتبت رسالتك على البلوج و كبستك و فرستك

سلام

ملحوظة

الكلام ده على فكره دليل على ان الناس بتردد الكلام بدون تفكير زي البغبغنات

مادام الكلام فيه آيات من القرآن يبقى خلاص

ناسيين ان فيه بيننا ناس بتزج بكلام الله فى جمل لو فكرت فى الجمله شوية تلاقى تركيبها فيه حاجه غلط

ياعالم فكروا قبل ما تطلعوا الكلمه

احسبوها و شوفوها رايحه فين

زمان كانو بيقولو عدوا لغاية 10 قبل ما تتكلموا

و انا عرفت دلوقتي ليه

علشان ندى نفسنا الفرصه فى التفكير فى اللى بنقوله

سلام

28 زارونى......و اتفرسوا:

قوس قزح said...

ههههههههههههه

فعلا انتى اذكى منه
انا عموما مش بهتم بالايميلات من النوع ده لان بحس كده ان فيها اجبار على الدين
و احنا ديننا مش كده
احنا اه فكر الناس بذكر الله و طاعاته و بس
و بعدين هو يعنى لما واحد مش مسلم و يقرا جملة اشهد ان لا اله الا الله و ان محمد رسول الله يبقى كده خلال امن بالله و رسوله ؟

اللى باعت الايميل ناسى حاجةمهمة و هى النية علشان يخلى حد يقسم بجد لازم يكون جوه القاسم ده نية القسم .. ده كده نصب .. بيخلى المسلم يبان انه بيدعو لتذكرى بنظام التلاتة ورقات

و مش هرد على كلمة متستهالش ثوابها دى
بس هسأل الراسل .. هى دى سماحة الاسلام ؟


فرستينا معاكى
تحياتى

واحدة مفروسة said...

يادودو مرسي على مرورك فعلا و كلامك مظبوط

Me7'o said...

أنا وصلى الإيميل ده
وأول حاجة عملتها أول ما حلفت هى إنى دورت على زرار الديليت
لإنى محبش الأسلوب ده نهائى

وجالى كمان إيميل

بيقولى
قال إيه
مين ابن مين ابن أم مين
جاله الرسول فى المنام وأتكلم معاه عن شئون الأمة وقاله إنت لو أرسلت الرسالة دى لـ 13 من البشر حاشفعلك وهاشفيلك أقرب الناس ليك من أى مرض
ولو مابعتهوش هاتخش النار

شوفتى فرسة أكتر من كده

آآآآآآآآآه يا أمة ضحكت من جهلها الأمم

تحياتى

Foxology said...

الأيميلات اللى من النوع ده الأسلام منها برئ لأنه مش اكراه وبجد حاجة تفقع وتفرس

تحياتى

صبرني يارب said...

دول ناس يا مفروسه ما يعرفوش اي حاجه عن الدين اصلا

ده هبل وعبط وما بيفهموش

اولا كونك قريتى القسم ما يخلكيش وقعتي فى القسم
لازم تنطقيه وبنية القسم كمان
هو هبل ؟

وثانيا عمر ما كان التذكره بذكره الله

والاستغفار بالشكل ده

انا بابقي حاسه انه هايقول عليك واحد يا حدق

مسخره وناس تفتقد لروح الدين والله
طبعا انا بانفض للناس دي كلها اساسا

وكل كووووووووووم والاميلات الى ميخو بيقول عليها دي كوم تاني
اصحاب الاميلات دي بقى عايزين يتحرقوا في ميدان عام

ضحكوا علينا الناس الهي يتوكسوا

وحشاني يا جميل

MǿиY El-Shreef said...

يااه ع الرسايل دي بتفرسسسسسسسسسسني بجد

واي حاجه فيها اقسام كده بقفلها ع طول

وبعدين بقى بقيت اشوف التايتل واحذف عشان ماخدش ذنب القسم

بجد مابحبش كده :(

ليكي حق ف كلامك يا مفروسه هانم والله

وحشانا

Appy said...

دلييييييت مبقاش ليه طوله بال يا حبيبتى
انا متفقه مع داليا فى كلامها اولاالدعاء كمان والتسبيح لازم يكون بالقلب مش اللسان وبس

روح الفدا said...

بصى يا مفروسة انتى عندك حق

وتحليلك رائع

بس الاجمل من اللى قولتيه

انك تبعتى له ميل

توضحى له قصوره فى الدعوة

باسلوب غير هجومى

وبكدة نكون كلنا كسبنا

---------------------------

اما مسالة ان الشركات الاجنبية
بتكسب
طب ما تكسب
هما اجتهدوا واخترعوا ويستحقوا المكسيب

بس كتر خيرهم
عملولنا منظومة نقدر نكسب منها احنا كمان
واهى ادوات لازم نستخدمها ونتفوق فيها
عشان ندعو بالسلوك مش بس بالكلام
-------------------------------
واخيرا
سعدت بمرورى
واسال الله ان يذهب عنكى
فرستك
----------------------
مع تحياتى / حازم ربيع

قلم رصاص said...

لا إكراه في الدين

وبالفعل يجب ان يكون التسبيح والذكر بالقلب مع اللسان وليس بديلا له

حقيقي يامفروسة انتي انسانه نبيهه وذكية
وتصرفك صح الصح

لكن برضه مش عاوزين نظلم حد وكل واحد وليه أسلوبه في الدعوة ولكل مجتهد نصيب

احييكي على البوست المتميز

واتمنى ان يكون في ميزان حسناتك ان شاء الله

في حفظ الله

فاتيما said...

و الله يا فروستى
اختك بتكبر دماغها
و تعتمد على سياسة الانتقاء
و بقيت أدور على اللى أنا عاوزاه
مش اللى يبعتهولى حد
و عشان كده مبقتش أفتح أى ايميل مش شخصى و أريح بالى
لكن على كل حال الناس لها مذاهب و طرق غريبة احياناً فى عرض أفكارهم
و كمان فى نشرها بين الناس
و دى طريقة منهم هتعمليلهم إيه ؟؟
بس ردك العلنى دا حركة ذكية
و احييكى عليها
و مفيش داعى تتفرسى و لا حاجة يا حبيبتى صحتك
طول الوقت اقولك صحتك

خمسة فضفضة said...

السلاك عليكم ورحمة الله وبركاته

هههههههههههه

انا كمان باتفرس من الحاجات دي
لدرجة ان عندي ميل علي ياهوو مش بافتحه خالص بسبب الرسايل اللي تخنق دي

صيدلانيه طالعه نازله said...

بصراحه يا مفروستى انا كمان بتغيظنى الرسايل دى قوى لان الثواب ممكن يكون بطرق تانى كتير و مش معنى انى ارفض ابعت الرسايل دى لناس تانيه انى اصاب بالويل و الثبور و عظائم الامور لا و كمان اروح النار و العياذ بالله
بصراحه الدين بقت ترتكب باسمه مهازل و عيب قوى اننا كمسلمين تصدر مننا مثل هذه الافعال

maiosha said...

ههههههههههههههه
والله عشرة على عشرة يا مفروسة

بس تصدقى بالله إنتى جيتى على الجرح

فكرتينى بقى قبل الإيميلات والحركات دى

اول ما جبت الموبايل خالص .. أيام ما كانت الرسالة بإتنين جنية
لاقيت واحدة بعتالى رسالة مكتوب فيها لا إله إلا الله أمانة فى رقبتك ليوم القيامة ترسلها لعشرة

انا ساعتها بقيت محتاسة .. وقعدت أقول يا هناكى يا شركة مناديل يا هناكى لما ابعت دول لعشرة والعشرة يبعتوا لعشرة .. ده غير إن رصيدى هيطير اصلا

أنا برضة إستذكيت عليه .. طلعت من الأوضة وروحت لماما ولبابا ولأمة لا إله إلا الله -مش عشرة بس- وكل ما ابص فو وش حد اقوله
لا إله إلا الله

حاسوباتيه said...

فعلا كتير قوي بيجيلي الحاجات دي بتكون كلام جميل جدا ويجي في الاخر يقول الكلام الي يغيظ ده وانا مابحبوش فعلا وبقوم ماسحه الكلام ده وباعتاه للناس

بنوته مصرية said...

ههههههههههههههههه

فعلا والله يا لولو حاجه تفرس

بيجيلي من الايميلات كتير والمضحك اني اللي بعته بعتهعلشان مجبور علشان اقسم بالله انا مش بشوفهم علشان انا عارفة اني مليش خلق افضل ابعته لكل اللي عندي


وفيه ايميل يقولك لو بعته لي 10 اشخاص هترزق بخير وهيتحقق احلامك هههههههههه

جالك الايميل ده ولا ابعتهولك انا وافرسك اكتر
وحشتيني يا قمر

طيف السودان said...

نحنا كانوا في الجامعه بيزعوا علينا يقول لنا طباعه وزاعوها انا كنت برفضو اخذوا
وبعادين وهم مش عارفين انو
انو قسم داه انو احد مش قسم باشي
لانها عند ربنا حاجه كبير
علي فكرهاانا سالتها قول لي لا مفيش في حاجه انو مش نفذتي من ساعتها انا مرتاحه عشان عارفه انو مفيش في حاجه

رورو الشخبوطه said...

السلام..

انا قاريه انه حرام هالسوالف خو مو اجر بالعافيه..

2 شي انا اول لاني اكون قسمت فعشلن حلفي اطرش الايميل بس قبله امسح عبارة القسم ..

ومشكوره خيتوو..

همس said...

يوه بتتبعتلى كتير


لا انا فيا دماغ


انا بنفض خالص من الحوارت دى

وبعدين انا مش فاهمه

هو حد قالو احنا من قريش


يلا ربنا يهدى الجميع

سيف said...

على فكره بقى انا سبحان الله قرأت البوست كله معاده الحته بتاعت القسم دى مقرأ تهاش زى ميكون قلبىحاسس اصلانا كدا كدا مكنتش هبعتها فا مصلحه بقىوهو فعلا موضوع مهم ومبيخدش وقت
(اتمنى تزورو مدونتى المتواضعه عايز حد يفرسنى)

بحب الحكومة said...

انا جاى اشارك فى الفرسة وكمان مفروس منك لأنك نشرتيه كما هو وخلتينى احلف وتوصلنى نفس الحالة اللى وصلتك
لكن احب اقولك ان فيه مواضيع اكتر من كدة
وربنا يستره علينا



تقبلى مرورى

سندس وأمل said...

ههههههههههههه

هما مستقصدينك وزلا ايه:)

كان الله فى العون

سندس

مدحت محمد said...

هههههههههههههههه

لا اكراه فى الدين

ممكن تتبعت بس مش لازم تقسم والكلام ده لانه رخم فعلا

كيــــــــــــارا said...

ياعيني ليكي حق تتفرسي

ابو صهيب ( الجمعاوي الاصيل)سابقاً said...

السلام عليكم ورحمة الله وبركاته

ان هذه النوعية من الايملات

لاانظر اليها مطلقاً

لاني اشعر اني اجبر من يقرأها على شئ قد لا يحبه

انا ممكن ابعت رسالة زي دي للتذكير فقط مش لازم احلف القارئ 900 يمين واشيله وزر انهلازم يبعتها لكل الناس اللي في الاميل بتاعه

هو لوعاوز خلاص مش فاضي مش عاوز لازم نضع هذا في الاعتبار
وبعدين في نوعية تاني على شاكلة مش عارف مين جاللي فيالمنام ووصاني بايه ولازم اللي يقرأ الرسالة دي يبعاتها لمية على الاقل والا يصاب بالعمى
بصراحة حاجة تفرس وتجيب الضغط

دمتم بخير

الجواز و سنينه said...

هههههههههههههههههه
و الله انا لسه حالا مبعوتلى اوف لاين ماسج بالمعنى ده
بس ايه بقى
فى آخرها الوعد و الوعيد لكل من لا يبعت الماسج دى
و انه مش عارفه هايحصله ايه
و ان واحد حلم بالرسول و ان آل الرسول قاله ان اللى مش هايبعت الرساله دى هايحصله ايه
و ان اللى هايبعتها هايحصله ايه
قمه التخولوف الصراحه
انا طبعا الصراحه
قفلتها لانى ما حبتش اشارك فى التخلف
لو عايزه ابعت دعاء مش هابعته بالطريقه دى
اسلوبه كان ينرفز و يفرس
ادينى اتفرست معاكى عاجبك كده ؟

سماء said...

هههههههه

هى فعلا حاجة تفرس

ماشى اقرء كلام فية تذكرة ليا

بس مش بالشكل انى لازم اقسم واحلف

وان لو مأرسلتش الكلام هيجرالى حاجة

وانت مش الة

وان علشان اعمل خير او اخذ ثواب حاجة لازم اقسم

بس كويس انك فرستيةوطلعتى اذكى منة يامفروسة

Dr Ibrahim said...

كلامك تمام يا فندم

بس أحب أعلق على شىء

صانع الرسالة الأصلىهو شخص من إثنين

إما إنسان طيب زى حضرتك وعايز يكسب ثواب عن طريق نشرها وهذا نادراً

اما الشخص الثانى بيكون صاحب جروب أو منتدى أو موقع ويريد أن ينشرهم فيقوم بإرسالة الرسالة هكذا ويرسلها حتى ينتشر موقعه بأسهل الطرق وبواسطة الناس دون تكلفة
وقد يمسح الناس الموقع لتصل للآخرين بدون إعلانه او تصل بالإعلان

والنوع دا هو غالباً اللى بيرسل مثل هذه الرسائل

إما من تقولى عليهم- قاطع وأضرب - لهم طرق أخرى لكسب الحسنات

تحياتى لك

H. Weiss said...

اولا احب اعبر عن اعجابي بالمدونة بجد انا من زمان متابع بس مكنتش برد من كامل يوم قررت احس على دمي وأبدا ارد على اي حاجة تعجبني
....
عادي ده طبيعي وانا طبيعي ليا صحاب معينين هما اللي برد عليهم غير كدة يبقي بيباي ولو حد من صحابي بعت الحاجات دي يبقي بالسلامة .. بلوك الي الأبد

الف شكر وياريت تدخلوا على مدونتي وتقولوا رأيكم