انسحاااااااااااااااب

اعزائى المحترمين

اللى كل انسان محترم فى مجال التدوين


انى انسحب

نعم الانسحاب ليس جبن

و لكن احترام للذات

صبرت على دخول بعض الناس المرضى فى وسط المدونين

صبرت على امل ان الناس حتتغير

حتتعلم الاحترام من غيرها

سبقتنى اختى و صديقتى العزيزة قوس قزح

بالانسحاب

ولكن انا قلت خليكي يا مفروسة لعل و عسى

الناس تتعلم الادب و تتغير

لاقيت الحال من سيىء الى اسوأ

و قرارى هذا نابع من دخولى الصبح على الريء

فى الريدر

ولاقيت موضوعين منشورين

فى مدونة

صاحبتها فى غاية الاحترام و محبوبة من الكل

وواضح انه تم القرصنة على مدونتها

يعنى صاحبة المدونة لا عمرها قالت كلام خارج

ولا عمرها شتمت

يعنى اللى عمل كده مريض...مريض

و انا خلااااااااص

ديه القشة اللى قسمت ضهر البعير

الانسحاب افضل بكثير

من الاحساس بالحزن اللذى اصابنى

انا مش ناقصة

الناس المحترمة الموجوده فى مجال التدوين

خدوا بالكم من المرضى

سلام


يوجد تهنئة هنا
لصديقتى العزيزة

49 زارونى......و اتفرسوا:

Anonymous said...

السلام عليكِ
ولمض الانسحاب
ابقِ في مكانك صامدة ولا يغرنك هذه الصغائر .. لا تعيريها انتباه
وامض في طريقك بكل عزم وقوة فلا أنت على الأرض ستسلمي من مقابلة الشرور ولا على النت ولا في أي مكان

هذا حال الدنيا فإن ضعفت وانسحبت من موقعة ستخسرين التالية وهكذا دواليك

المجتمع بحاجة لأن يستمر أصحاب الضمائر النقية فيه لكي يستمر الصلاح في المجتمع

فاتيما said...

صباح الخير علي الجميع

يا جماااااااعة
أنا بعتذرلكم بشدة
لأن حد ابن حلال
دخل مدونتى
و بعت لينكات
و نشر بوست بشع عليها
و أذى مشاعركم
و عيونكم


انا شيلت الحاجات
دى خلاص

و حطيت بوست جديد
عشان اشرح فيه اللى حصل
بس مش راضى يطلع ف الريدر


معرفش ليه؟؟


المدونة شكلها
فيها مشاكل فنية


انا غيرت الباس ورد القديمة
لأنها كانت سهلة
و غالبا ابن الحلال خمنها
و تخمينها نجح
أخويا عملى باسورد
جديدة معقدة
و عالله اللى دخل دا
ميعرفهاش هيا روخرا


و أختكم بخير
متقلقوش
ماما بس جالها حالة هلع
و عشان كدا
مش هفتح المدونة تانى
الا لما أعرف اصلح اللخبطات دى


الناس اللى إتبعتلها لينكات منى فيها سخافات
معلش .. بجد معلش


و عاوزة أشكر خيخة جدااااا
و علا صيدلانية طالعة نازلة
و بطوط حبوب و خالد همس
و د.ستيتة و وندا
و كل حد نبهنى و كلف خاطره يتصل
من الساعة اربعة الفجر
لحد كتابة التعليق دا

منحرمشى منكو

وأسفة للمرة التانية

فاتيما said...

مفروسة

انتى اول واحدة أحط عندها التعليق دا

عشان مش عارفة انشر بوست

لو كنت المقصودة بالبوست دا
فارجوووووووكى متخلينيش احس بإنى السبب

دا زى ما ولتى شخص مريض
و ربنا هيوقفه عند حده
و انا بعمل احتياطات اهو

لكن الناس المحترمة اللى زيك و زى داليا و غيركم لما يمشوا

يفضلنا مييييين؟؟!!

الوحش بس ؟

ارجوكى متزعليش نفسك

ان شاء الله الحكاية هتتحل بسرعة
أنا مش هفتحها دلوقتى لحد ما اطمن انه مش هيعرف الباسورد الجديدة
و ماما تهدى و هتخلص على خير

إن شاء الله

انا اسفة لو كنت سبب و لو غصب عنى
فى عكننتك ع الصبح و ف القرار دا

ارجوكى متنسحبيش

عاشقه الرومانسيه said...

يعنى الحل ان كل الناس المحترمه تنسحب ويبقى الحيوانات اصحاب القلوب المريضه؟
لأ طبعا
راجعى نفسك
والمفروض اننا نقف ايد واحده جنب بعض علشان اى مريض يعرف اننا باحترامنا وحبنا لبعض اقوى منه
منتظره عودتك

عاشقه الرومانسيه said...

بعد اذنك يامفروسه

فاتيما
الانسان المحترم مش بيختلف عليه اتنين
وكل الناس عارفين مين فاتيما ام يوسف
ظبطى مدونتك
واحنا فى انتظارك
بس مش تغيبى لانها شئ اساسى عندى
بـــحـــبــك

صيدلانيه طالعه نازله said...

اما انتى تنسحبى يا روسه
مين اللى حيفضل يا حبيبتى
انتى من الناس القدام اللى المدونين الجد بيحترموها و يقدروها
انا عارفه انك بتاخدى المواضيع على اعصابك و املى انك اما تهدى تراجعى نفسك و ترجعيلنا تانى

Mafrousa said...

احمد شريف
----------------
و عليكم السلام و رحمة الله و بركاته
انا معاك ان الناس الكويسة المفروض انها تفرض نفسها
علشان الناس المريضة تختشي على دمها
يا اما ينعدل حالها
يا اما تمشي
بس المواضيع زادت
و القرصنة زادت
و سرقة الباسوورد و ارسال رسايل باسماء الناس زادت
وده يدل على ان المرض بيتفشى
ولا ينحصر
انساحبي مش ضعف
ولكن كما قلت احترام للذات
ليه افضل قلقانة من ان ممكن يجي عليا الدور؟؟؟
دخولى العالم ده كان للاستفادة.. و الإفادة
يمكن تحقق منهم القليل..و لكن الاذى النفسي و السمعي و البصري كان اكتر
فليه كل ده؟؟؟؟
المثل بيقولك الباب اللى يجيلك منه الريح سده و استريح
و انا بسد الباب اللى بتيجي منه رياح تفرس
و انت عارف انا لوحدى مفروسة مش ناقصة اتفرس بألم
كفاية اتفرس بدون الم او زعل على الناس المحترمة
اللى تفاعلت معاها و شاركتها الامها..و افراحها
تحياتي ليك
و مرسي على تعليقك

Mafrousa said...

فاتيما
--------
زي ما قلت
الموضوع بتاع مدونتك هو القشة اللى قصمت ضهر البعير

انتى و انا و غيرنا شاف من ده كتير
بس شافه فى مدونات ساعات بتتجاوز بالالفاظ
و ده اللى كان مخليني شوية مقتنعة ان المرضى بيجدوا منفذ فيها للتنفيس عن مرضهم

لكن لما يوصل الحال لمدونات محترمة
ما تخرجشي منها العيبة
يبقى ستوب
لان كده تبقى زادت اوي

اللى قدر و سرق الباسوورد القديم سهل عليه انه يسرق الجديد
الموضوع مش باسوورد و اتغير
الموضوع ان الواحد كان حاسس ان المدونة زي بيته
مقفوله عليه و حاسس بإطمئنان
دلوقتى لأ
حبقى قاعدة قلقانة من ان حد يدخل عليا يفرسنى اكتر من انى مفروسة
و الفرسة حتكون بوجع
و انا مش عاوزة اتوجع
لا عليكي و لا على اي حد و لا على نفسي
حزور مدونات و حعلق
بس بيتي مقفول
يمكن اغير رأي الله اعلم
بس اكيد مش دلوقتى
انتى مالكيش ذنب
انتى ضحية عملية قرصنة من حد مريض
ربنا يكفيكي و يكفينا الناس المرضى دول
تحياتي ليكي

Mafrousa said...

عاشقة الرومانسية
--------------------------
حبيبتى دودو
اصحاب القلوب المريضة ما بتفرقشي بين الناس
و وقفتنا جنب بعض مش حتعمل حاجة لواحد بيسرق باسوورد
نبقى ايد واحده فى اصلاح انسان ماشي
لكن واحد حرامي
بيسيء لناس انا و انتى عارفينهم
حتعمليله ايه؟؟؟
انسحب من المكان لكن صلتى بالناس تفضل زي ماهيه
و بعدين انتى و انا عارفين
ان الإسائة ديه طالت ناس باساليب مختلفة
ليه بقا افضل ؟؟
لغاية لما تطولنى؟؟؟
لأ
انا مش ناقصة

Mafrousa said...

صيدلانية طالعة نازلة
----------------------------
حكاية انى اهدأ ديه حتاخد وقت
و انى اراجع نفسي برضه حتاخد تفكير منى شوية
بس انتى فكري كده و راجعي انتى نفسك
فاتيما بنقولك مامتها جالها حالة هلع من الموضوع ده
تقدري تقوليل لو حصل الموضوع ده معاكي
جوزك حيعمل ايه؟؟؟؟
حسيبك انتى تفكري فى الاجابة على مهلك
تحياتي ليكي

safa7_karmooz said...

:( :( :(

ومين هيتفرسلنا وهنتفرس معاه دلوقتى لما انتى تمشى؟؟

مؤنس فرحان said...

مفروسة

لو كل واحد اتفرس قام انسحب .. كده يبقى انتهينا وحيفضل بس البجحين لكن المفروض يحصل العكس نتفرس ونتشحن
ونواجههم لحد مايخلصو هما
------------------------------
فى مجال النيت الواااااسع الكبييييييير اوىىى لازم وطبيعى ومتوقع اننا نقابل كل العينات والأصناف من البشر

فمعلش اهدى وروقى وفكرى كويس

هي وظروفها said...

مساء الخير

ايه يا عم اهدي شويه

هننسحب واحد ورا التاني وبعدين

الناس دي هتتغير

مش هيحصل

العالم اللي احنا حبيناه

وعرفنا ناس احترمناها ومعاليكي منهم

مش لازم ندي فرصه لاي حد

انه يبوظ شكل الموده والاحترام والاخوه

اللي حاصله دي

يعني مثلا لو وانا رايح لاخويا ليه جار مجنون

فتح باب شقته وشتمني باهلي

مش هروح لاخويا واقاطعه

عشان حد مجنون

لا مش هيحصل

اللي هيحصل انك هتروحي وتتجنبي المجنون ده وتتجاهلي وجوده وهو مع القت هيزهق

فاتيما مش محل اي شيء غير اخت وقريبه وغاليه

ووشرفي لوحط صوره ايه مهياثر بشعره فينا تجاه ام يوسف

يا مفروسه

اللي عالم دي لو ركزتي غاويه قبح

متساعدهمس

كده هنخلص واحد ورا التاني

فكك من الناس دي

وربنا ليهديهم لياخدهم

Mafrousa said...

safa7_karmooz
----------------------------
هههههههههههه
و الله ضحكتنى
ربنا يسعد ايامك
انت اصلا بقيت مفروس ..من غير ما مفروسة تفرسك
ربنا يحميك و يفرح قلبك...و يبعد عنك المرضى
خصوصا المرضى النفسيين
تحياتي ليك

Mafrousa said...

مؤنس فرحان
----------------------
ربنا يسهل
انا ههدى و افكر

Mafrousa said...

هي وظروفها
-----------------
فاتيما مالهاش ذنب فى حاجة خالص
و انا قلت حقفل بابي و بس
يمكن اروح ازور ناس و اعلق عندهم
تحياتي ليكي

موناليزا said...

يعنى انسحابك هو الحل؟؟
هو اللى هيخلى المرضى يخفوا
لو كل الكويسين انسحبوا طيب بيسيبوا الساحة لمين؟؟؟

Me7'o said...

لا حول ولا قوة إلا بالله العلى العظيم

ما إنتى كنتى مفروسة وكويسة

جنّي said...

السلام عليكم

اضم صوتي لكل من قالوا لا للانسحاب ..

لان لو انسحبنا من عالم التدوين لمثل هذه الحادثة التي لم تغير رأينا في فاتيما ولا قيد انملة .. فهل سننسحب من كل اوجه الحياة بسبب ما نراه كل يوم ويدخل بيوتنا حتى من خلال قنوات الرياضة ..

التدوين عالم افتراضي ولا يجعلنا ننفتح على كل من هب ودب والباسورد سواء للمدونةاو الميل سر عسكري لا يعرفه حتى اقرب الاقرباء ..

تحيتي

مجداوية said...

السلام عليكم

اسأل مجرب ولا تسأل طبيب
من منسحبة سابقة وأكثر من مرة وجدت ما يلي :

أن من له مدونة هادفة لا يستطيع التوقف أو الانسحاب حتى لو غاب لفترة فإنه يعود لأن قرار الكتابة الأول يعكس طبيعة المدون ولماذا أنشأ المدونة ويعكس حاجته للتدوين ونجاح ما يكتب في أن يوصله للآخرين حتى وإن اختلف معهم في الرأى يجعل لديه هدف ورسالة ومنفعة له ولغيره
وأن الكتابة علاج والتعبير عن مكنوناتنا علاج والتواصل مع الناس علاج
علاج من ضغوط المجتمع والحياة عموما
فحاجتنا للكتابة قد تفوق نفعنا للناس

وكل ما جاء في التعليقات صحيح من عدم ترك نشوة الانتصار للمخربين بانسحابنا ولكن يبقى ما هو أهم وهو لماذا نكتب ؟
وكما أرى فأنت واحدة مفروسة والمفروس يحتاج دائما لتنفيث وإلا حينفجر

ينفع بقى تنسحبي وتنفجري في الآخر
:)

أظن أن الانسحاب في حالتك حل غير مطروح أصلا
وبعدين أناكف في مين لو انسحبتي يعني
:)

هؤلاء المخربون مضحكون والله
وليس على المريض حرج
ولا على المجنون حرج

وممكن تحلي ده بوضع تحكم واشراف على التعليقات رغم إني مش بحب ده لكنه حل عملي وفعال
صلي على النبي واتفرسي وافرسينا معاكي واكتبي

بدل ما تنفجري
وقد أعذر من أنذر

:)

Mafrousa said...

موناليزا
-----------
انسحابي مش حيخلى المرضى يخفوا
بس حيخلينى انا بعيدة عن المرض
تحياتي ليكي

Mafrousa said...

Me7'o
-------
:D
ما انا لسة مفروسة برضه

Mafrousa said...

جنى
-----
و عليكم السلام و رحمة الله و بركاته
مرسي لتعليقك و حفكر فى كلامك
تحياتي

Mafrousa said...

مجداوية
----------
حتناكفى فيا انا طبعا
هو انا اقدر مش ازورك
و بعدين انا بحب الاختلاف معكي
هههههههههه
بيفرسنى ساعات
بس ما تنكريش انى بفرسك برضه

و بعدين ما تخافيش عليا
لما احب انفث عن فرستى
حاجى انفثها فى مدونتك و مدونات الصحاب كلهم
:)

يمكن آخد وقت لإعادة التفكير
وربنا يعمل الصالح
تحياتي

shimaa elkholy said...

مفروسه
هاتضربي على فكره

معقوله كده يعنى
هاتسبوني لوحدي يا خونه

بصي مني ليكى خشي نامي وانتى مطمنه وراكي حريم ياكله الزلط

لو فى حاجه هانقولك زي ما قلنا لفاتيما

وبعدين يا ستى المؤمن مصاب

انا زيك قلت فاتيما ؟؟؟ لييييييه

طب ربنا يستر علينا

انما هانعمل ايه عقول مريضه يا مفروسه

هايطفشونا وياخدوا مكانا ؟

انا باقولك الكلام ده وانا عارفه ياما قلته قبل كده

وانا واحده من الناس هربت برضه وغيرت مدونتي رغم رفضي للفكره
وباقول لا مش هاستخبى انا ما باعملش حاجه غلط

لكن حقيقى ما قدرتش احارب اكتر من كده

فكري تاني يا سوسه يا مفروسه والبت داليا دي ليا كلام تاني هى كمان احترموا نفسكوا بقى هاتسبوني لوحدي ولا ايه

كيكى عوووووو said...

كبرررررررررررى دماغك وفكك
يعنى لو حد ضايقك فى حياتك الطبيعيه
هتنسحبى بسهولة!!!!

عبده الرايق said...

طبعا انا مش عارف المشكله
لكن من خلال التعليقات عرفت ان المشكله عند الرائعه صاحبه اجمل احساس واخت الجميع ام يوسف
شوفى يا مفروسه انا هقول كلمتين بس
احنا مش موظفين فى شركه علشان ننسحب
لا احنا موظفين لموهبتنا
موظفين لحريه قلمنا
موظفين لاحساسنا
موظفين لفكرنا
ولن يستطيع مخبول اى كان ان يبعدنا عن طريق اخترناه لانفسنا نفرغ فيه طاقتنا وابداعاتنا وحتى مشاكلنا وهمومنا
لن ندع مخبول اى كان ينتصر علينا
الهروب ليس هو الحل
ولا اقول المواجهه
لا فتلك النوعيه من الناس لايجب مواجهتها ولا يجب الهروب منها
فقط يجب اهمالها
بالطبع انا لم اعرف تفاصيل المشكله ولكن لعلكى تتذكرين اننى وفرنسا قد تلقينا وابل من افزع الشتائم التى عرفتها فى حياتى بسبب مخبول ايضا
ولكن
نحن فقط لا ندون لغيرنا
تذكرى هذا جيدا اختى العزيزه وبنتى الغاليه مفروسه
نحن لا ندون لغيرنا
نحن ندون لانفسنا

أع ـقل مـ ج ـنـونــة said...

لما كل المحترمين ينسحبو !
هايكون التدوين للمرضي بس

راجعي نفسك يا مفروسة

بلاش تفرسينا معاكي

عاوزين نقوي نفسنا مش نضعف

وبعدين الانسحاب دا سلبية

معتقدش ان مفروسة سلبية ابدا

دا انتي صيتك واصل للفراعنة يابنتي

بلاش تفرسيني بئة

مستنية بوست يفرس منك قريبا ^_^

تقبلي مرووووووووووري

عبده الرايق said...

معلشى تصحيح
افظع بدل من افزع
اسف على الخطأ

Haytham Alsayes said...

السلام عليكم

انا مش فاهم المشكلة بس انا قريت عند فاتيما ان فيه حد عمل قرصنة او حاجة كدة
انا اول مرة ادخل مدونتك ومش عاوزها اخر مرة ومتنسحبيش خلي في مكانك وربنا يصلح الاحوال

تحياتي لكي

Asmaa mahaba said...

استهدى بالله بقى براحه ما فاتيما قالت اللى حصل مفيش انسحاب بس هى عليا البقدونس والكسبرا مفيش انسحاب

bastokka طهقانة said...

ايه اللي بيحصل ده؟
يعني ايه تنسحبي
من امتى الحاجات دي بتاثر فينا
ياما دقت على الراس طبول
و بنفضل نغلس عادي جدا اللي بيفرس بيفرس و اللي بيطهق بيطهق و محدش بيتزحزح عن مطاريحه

يلا شيلي البوست ده و اهبدينا موضوع يفرسنا اكتر ما احنا

تحياتي

فاتيما said...

فروستى

عاملة ايه يا حبيبتى ؟؟

وحشتيناااااااااااااااا

انا قولت اعدى اشوف
الفرسة خلصت و لا لسه ليها توابع

وحشنى تعليقاتك
و بوستاتك
و فرساتك

طيب

آجى تانى تكونى أروق

بحبك قوى

Anonymous said...

السلام عليكم
ازيك
انا اسف للتاخر الكبير ده
لكنى فوجئت بموضوع الانسحاب ده
اى مجال هانلاقى فيه الكويس والزباله
فمش معنى كده اننا نسيب المجال بسببهم
انتى طبعا حره
لكن فى رايي المتواضع ان لو تركنا كل حاجه عشان فيها ناس وحشه يبقى كده هانسيب لهم الدنيا يبرطعوا فيها

فكرى تاني
ربنا يكرمك ويوفقك

Dr Gad said...

ايه ده يعني انا ارجع الاقي ناس جميله كتير انسحبت من التدوين ولا ايه لا مينفعش كده

شهد الكلمات said...

اية الصدمة الجامدة دي
لا طبعا انسحاب اية
واحد مريض زي ماقولتي نعمل عقلنا بعقله لية علشان اية
ماتديش سعر للي مالوش سعر
اللي زي ده لازم يتوقفله مش نهرب منه

كبري دماغك يا بنتي و بعدين لو انتي عملتي كدة هايفرح و يطفش بقية الناس الكويسة

و لازم على فاتيما انها ماتكتفيش بتغير الباسورد لو تقدر تقدمي شكوة في البلوجر نفسه قدمي يمكن يقفشوا المخرب ده

تحياتي ليكوا
و يارب قريب الاقي بوست العودة

Anonymous said...

ناااااااااااعااااام؟؟؟ ايه يا دفروستي
وافرضي يعني
ما انا اتشتمت قبل كده بأفظع الشتائم
هل ده معناه نقف وما نكملش؟؟ هو التدوين كان بالنسبة لك إيه؟
عادي كده.. تجربة وخلصت
مفروستي
فكري تاني

مها ميهوووو

Anonymous said...

ناااااااااااعااااام؟؟؟ ايه يا دفروستي
وافرضي يعني
ما انا اتشتمت قبل كده بأفظع الشتائم
هل ده معناه نقف وما نكملش؟؟ هو التدوين كان بالنسبة لك إيه؟
عادي كده.. تجربة وخلصت
مفروستي
فكري تاني

مها ميهوووو

Anonymous said...

حبيبتى مفروسه
انا اول مره ادخل مدونتك
بس مش اول مره اقرأ الموضوع ده
قرأته قبل كده فى مدونات كتير مع اختلاف اسباب الانسحابات
احب اقولك حاجه صغيره
انتى لو كنتى هملتى مدونه عشان عايزاها تتشهر وناس كتير تدخل وتكتب تعليقات
ففعلا افضلك الانسحاب
اما لو كنتى عملتيها عشان تطلعى اللى جواكى وتحاولى تغيرى بجد
فنصيحه منى
جددى نيتك وادعى ربنا يثبتك
وتخليش حد او حاجه تهزك لانك بجد هتلاقى من ده كتير
اتمنى ادخل المره الجايه والاقى مواضيع جديده
تحياتى لكى
تقبلينى صديقه لمدونتك

حاجات جوايا said...

ياااااااااااااه يا مفروسة
البوست ده من 11 مايو
يعنى مش شهر بحاله
ولسه مرجعتيش
ليه كده
كبرى من الناس المريضة دى ربنا يشفيهم
وارجعى افرسينا بقى يلا
طيب مشوفتيش اللى حصل لخالد بتاع اسكندرية
بذمتك دى مش حاجة تفرس
ارجعى يلا التدويين فااااااااااااضى
وده هدف الناس المريضة دى
كله يتضايق ويبعد ويفضالهم عشان يبثوا سمومهم فى الناس

مستنينك يا قمر كفاية شهر اوووووى
سلام يا سكره

فاتيما said...

وحشتينا قوووووى
انتى فيييين بقى
انا كرهتنى على فكرة
و حاسة انى السبب
و لو بشكل غير مباشر
احنا بخير اهو و النبى
ارجوكى
يلا ارجعى


بوسات
و حضونات
مفتقدة جدا
الفرسات
بتاعت فروستى
ست المفروسات

مها البنا said...

خساره انى اول ما ادخل مدونه جميله زى دى ويعجبنى موضوعاتها ألاقى صاحبتها استسلمت لأول تيار هوا وخافت تاخد برد

بصى يا مفروسه أنا معرفكيش فعلا

بس كتابتك بتدل على شخصيتك

ومش باين من كتابتك انك من النوع اللى بيستسلم بسهوله

يارب تكون لحظة غضب وتروح لحالها لما تهدى

لكن خلى بالك

الوحش واللى يفرس فى كل مكان

مينفعش نسيبهم يحبسونا ويكتموا على انفاسنا

مع احتراامى ليكى ولكل الردود الرائعه عليكى

وتقديرى لفاتيما ولو كنت برده معرفهاش

عبده الرايق said...

هو انتى لسه منسحبه ؟؟؟؟؟؟؟
نو
نو
نو
هو انا ماليش كلمه ولا ايه ؟؟
تعرفى يا بت يا مفروسه انا بسرق القله القليله من الدقائق كل فتره لاطالع هذا العالم الجميل وانتى بجد من الناس اللى فعلا بدور عليهم اول ما بدخل النت
شكلك كده هتخلينى افقد ماتبقى لى من رونق هذا العالم الافتراضى

Me7'o said...

كان فيه زماااااااان إعلان بييجى فى التلفزيون

عبارة عن حملة فرنسية وواحد بيبص فى منظار وبيقول

أوو جينيرال جى فو آ ميساجيه

وواحد بقى ييجى يفتح العلبة يلاقى جواها

"بونبون سيما فقش"

وأول ما الجنرال ياخد واحدة منها يورح مشاور للجيش بتاعه ويقولهم

آسييفووووووووه

أول مرة أعرف إنى بتكلم فرنساوى

فاتيما said...

لسه؟؟

طيب

بوسات و حضونات
و مش هرغى
و لا اقول حاجة

غير
انك وحشتينا
بس كدا

أنا - الريس said...

بعد السلام
إذا انسحب المقاتلين من المعركة
فلا اذن الله بالربح
لوجود بعض الجبناء
اتمني ان تعودي
لكي أتعرف علي تدويناتك
أكثر
ولكي تكوني أكثر ثقة فإني سوف اضيف سيادتكم في
واكون من المتابعين

momken said...

خساره

الى بتعمليه تحقيق لنظريه )(دائما يطفو الروث )

لوكل حد ساب المدونه وقفلها علشان حد تانى

هيفضل بس الاخرون واصحاب النفوس الضعيفه

على العموم لو ده قرارك
مضطرين نحترمه

وندعى ربنا يهدى الجميع


تحياتى

♥ ♥ Amira Samy ♥ ♥ said...

ياااااااا
لية انا حظى وحش كدة
كان نفسى اكون من متابعين مدونتك
لك انا مستغربة لو كل الناس الكويسة
سابت التدوين يبقة مش حيبقى
غير التانين دول و مش حيبقى فى أمل
الى لية هدف بيسعى لتحقيقة
مفيش مستحيل يا ريت تفكرى تانى
ولو دى قرارك الأخير فأنا
سعيدة جداً بدخولى على مدونتك

تحياتى لك
و أرجوا ان تقيلى مرورى

موجة said...

انسحابك من عالم التدوين
كإنسحاب الشمس من كبد السماء
عودي فوراًَ
فكلنا بانتظارك
عودي ولا تسمحي لوغد بان يكونه سببا وراء انسحابك
كوني الاقوى
ففي عالمنا لامكان للضعيف
خالص تحياتي
موجة