رجعنا

كل سنة و انتم طيبين

و بعد الكحك و اللذي منه

و بعد رمضان و ايامه الجميلة

و لياليه الاجمل

رجعنا للتدوين

و رجنا للحاجات اللى تفرس

و اللى طبعا لم تخلوا الايام السابقة منها خااااااااااااااااالص

بس كنت بشيلها فى ارفف الذاكرة الى ان يؤون الآوان و افرسكم بيها

نيجي لأول فرسة

و هيه المسلسلات

اه و الله

صحيح انا مش تابعت غير مسلسل واحد بس

و الباقيين كنت بشوف لقطات بالصدفة ، فى اوقات الفطار والسحور.

يعنى ساعة لما بحط الاكل و اشيله

غير كده كنت بحاول ابعد، آمله ان الفرسة تهدأ شوية.

ايه بقا الكم المهول من المسلسلات اللى اتحفونا بيها ديه؟؟؟

كأنه كان مخطط مرسوم بدقة ما بين الممثلين و المخرجين و المنتجين و اعداء الدين و اصحاب القنوات الفاضائية فى الهاء الناس بشتى الطرق.

يعنى لو الواحد و هو صايم شاف مسلسل زهرة و ازواجها الخمسة، يفطر و الحمد لله و ذنبه يكون فى رقبة المخرج على المنتج على غادة عبد الرازق، اللى اتمنى من الله ان ينور بصيرتها، و يستر عليها دنيا و آخرة بالملابس

حاجة تفرس

ولا هند صبري بقا و الأفورة فى الآداء.

ده عيب مخرج اكيد

لأن الورق اللى كاتباه غادة عبد العال جميل

و كلنا دخلنا و قريناه ووقعنا على روحنا من الضحك.

و حتى لما هيه زودت حلقاته بعرسانه

اكيد كملت بنفس اسلوبها

بس ايه اللى عملته هند ده!!!! افورة، أفورة بالجامد جدااااا

مافيش اي نوع من الطبيعية فى الآداء خاااالص

فرستنى الصراحة..

مسلسل الجماعة: الكل اجمع على انه متميز جداااااا من كل الجوانب

ححاول اتابعه لما يتعاد

خصوصا انه حيتعمل اجزاء

يعنى لسة فيه جزء تاني و الله اعلم باجزاءه.

الباقي بقا من اللى لمحت لقطات منهم

مسلسل يسرا و ليلي علوى

مش حقدر احكم غير لما اتفرج على كله علشان اشوف مقدار الفرسة اللى حتصيبنى

المهم اتمنى من الله انكم تكونوا بخير

اشوفكم فى فرسات قادمة

تحياتي ليكم

6 زارونى......و اتفرسوا:

MR.PRESIDENT said...

حمدا الله علي السلامة

ياراجع من السفر

مع السلام عليكو

اخوكي الريس

شمس النهار said...

حمد الله علي السلامة

كل سنه وانتي طيبه

انا بقا اتفرجت علي نهايات المسلسلات في الساحل ماانا حبيست الكرسي وماما قاعده مدياها نهايات

علشان اتفرس اكتر واكتر

تحياتي

همس الاحباب said...

كل سنة وانتى طيبة
وحمدلله على سلامتك
الحمد لله ربنا عافانى من تلك الفرسة ولا شفت حاجة فى رمضان

مجداوية said...


السلام عليكم
أنا جاية بس أقول كل سنة وانت طيبة وكل أحبائك بخير وسعادة وحابقى آجي تاني اعلق رغم إني لم أشاهد والحمد لله ولا مسلسل لكن شفت حلقة بعد رمضان من عايزة أتجوز وأنت قلت الخلاصة

WhItE HeArT said...

حمد لله على السلامه

حسيت فعلا ان المسلسلات هدفها انها تبعد الناس عن عملهم الطبيعي في رمضان وهو العبادة

بصراحه مكنتش بتفرج غير على مسلسل محمد فؤاد بعد الفطار على طول لإني حسيت في بروح الاسرة اللي تقريبا غابت عنا تماما في ظل الطوفان اللي احنا عايشين فيه

تحياتي ليكي

عمرو يسرى said...

مدونه لذيذه عجبنتى من اول فرسه عفوا من اول مره
واكيد مش الاخيره