وحشتونىىىىىىىىىىى

تصدقوا انتوا بجد و حشتونى
و اللى وحشنى اكتر المدونة ديه
اللى بفرغ فيها الفرسة..علشان اعرف اشحن من تاني
انا بقالى فترة لا بأس بها متغيبة عن المدونة
و ده لأنى ماليش مزاج..و ده طبعا العادى بتاعي
انا واحدة مووودية
كل شوية بحال
و يمكن ده اللى فارسنى
المهم
ان واحدة من اصدقائي كانت كاتبة موضوع
حتلاقوه هنا
و انا حبيت اعلق
و افتكرت انى كنت كتبت بوست قبل كده عن نفس موضوعها
و ده اللى خلاني ادخل ادور على الموضوع
ياااااااه
اول لما دخلت حسيت قد ايه المدونة و حشتنى
ووحشنى تعليقات الناس
ووحشنى انى ارد على التعليقات
أو ما اردش و افرس اللى زارني و ساب تعليق
المهم وحشتوني جداااا
و اللى وحشنى اكتر الناس اللى انا عارفاهم
اللى بقالى معاهم سنتين او اكتر
لأن دلوقتى الدنيا اتزحمت اوي
اه و الله
فيه جيل جديد
لسة ما اعرفشي اتجاهاته

المهم و حشتونى
و اوعدكم انى ازور كل واحد فى مدونتة ان شاء الله
تحياتي ليكم جميعا

على فكرة شم الفسيخ قرب
و بما انكم عارفين انى انا ليا فى الرنجة بس
فا اللى حيجي يزورني يجيب معاه رنجاية معتبرة كده
و بيض ملون
تحياتي ليكوا


21 زارونى......و اتفرسوا:

صيدلانيه طالعه نازله said...

انتى كمان وحشتينى قوى
و مفتقده وجودك جدا
بس المهم انك كويسه و بخير



معلش بقى مجبتش الرنجه معايا و انا جايه اصلها لو عندى اصلا كنت اكلتها حتى لو على الفطار
ادمااان بقى يا امى

كل سنه و انت طيبه

واحدة مفروسة said...

صيدلانية طالعة نازلة
----------------------------
مرسي يا علا
فعلا المدونة ليها وحشة
و زيارة الاصدقاء كمان فى مدوناتهم
معلش المرة الجاية هاتي معاكي حتة رنجاية لمفروسة
بلاش تفرسيها
^_^

Wanda said...

:-)
انا قولت انعدام ظهور مفروسة
يدل على انعدام فرسة مفروسة
و ديه فى حد ذاتها بشائر خير :-))

عموما حمد الله على سلامتك بدون فرسات
الا انت بقى اسكندرية يا مفروسة ؟؟

و لا قاهرية مفروسة :-) ماصلة

انا فى راى اسكندرية مسكها محافظ شكمها و نظفها
القاهرة عايزة من الرجالة ديه

Wanda said...

الرنجة عندى برطمان مخلل اجيبلك ؟؟:-) و الله ما يغلى عليكى
انا بيعملى املاح :-))

بس علشان تعرفى كرمى بس :-)))

و كل ربيع و انت طيبة

واحدة مفروسة said...

Wanda
----------
حبيبتى و الله و حشتيني
لأ يا قمرة عدم ظهوري
معناه ان الفرسات استفحلت و اتمكنت منى جدااااااااااااااااااا
يا بنتى انا مفروسة يبقى قاهرية طبعاااااااا

اه فعلا الاسكندرية ماسكها محافظ شاكمها فعلا
بس تفتكري لو هذا الاخ المواطن المحافظ
جه و مسك القاهرة حتتحسن و تبقى حلوة؟؟؟؟
ياسلاااااااااااااااام لو عمل فيها كمان بحر


مممممممم
انا متهيألى الراجل حيقعد بعد شهر على شط الترعة ناكش شعرة و بيكلم نفسة...و مفرووووووووووووس
ههههه
تحياتي

واحدة مفروسة said...

wanda
-----------
معلش بدون ما تتفرسي
يعنى ايه رنجة مخللة ؟؟؟!!!!
انا اعرفها مدخنة خللوها امتى ديه؟؟؟؟؟؟
يظهرالواحد بيفقد الذاكرة مع نوبة الفرسة
:D

موناليزا said...

وانتِ كمان يا مفروستى وحشتينا جدا
وهنستناكى دايما تكونى منورة بينا

esraa said...

حمدالله علي السلامه
انت كمان وحشتينا ووحشتي المدونه اوييييييي

عاشقة القمر said...

ازيك وحشتبنا
حمدلله على السلامه
مش تغيب تاني عقبالي رحع اكتب زي زمان

سبايدرمان said...

يا ويلكم يا ويلكم
نورتينا من تاني

عصـــــــــــام الــــديــن said...

يامراحب يامراحب
والله انت وحشتينى كمان وربنا يسترها وماتفرسناش وتمشى
يارب كده تكونى تخلصتى من جارة السوء والدنيا بقت حلوه والجو جميل وشم النسيم وفجل وجرجير وفسيخ كتير واحنا طراطير
خد بالك من نفسك بيمسكوا المفروسين
تحياتى

star in the sky said...

حمد لله على السلااااااااااااااااامة

مرحتش القاهرة ولا الكس الحمد لله

بس الكس اتوقع انها حاجة جميلة بشكل فوق ما اتصور بس مكنتش اعرف انها نظيفة كده برده
القاهرة فعلا ممللة جداااا وزحمة اوووى ومش نظيفة خااااالص

كل سنة وانتى طيبة بمناسبة عيد شم الرنجة بقى هههههههههه

أحمد شريف said...

السلام عليك

أتمنى منك دعوة للتفاؤل
كما أتمنى لك حياة بشوشة متفاءلة
دمتِ بكل ود

said elmasry said...

فعلا مدونهم تمزه دجا
الوكا
اوك
وكا
hi
حقيقه الامر موقك رائع جدا
وان من اكثر المحبين لموقعك
واعرض عليك صديقى العزيز تبادل روابط ببينا
اترك لك المواقع
cheap car insurance for 20 year olds
real madrid football club news
موقع اخبار النادى الاهلى المصرى اليوم
cheap car insurance 17 year old male
cheap car insurance for 17 year old boys
cheap car insurance for 17 year olds female
car insurance for 17 year olds female
موقع اخبار النادى الاسماعيلى اليوم,دراويش مصر
17 year old car insurance
cheap car insurance for new drivers uk

cheap car insurance for teenage drivers
17 year old car insurance
cheap young driver car insurance,auto insurance

Young Persons Car Insurance online

cheap auto insurance oline,chap car insurance
short term auto insurance online

car insurance quotes young drivers online
cheap young drivers insurance
cheap young driver insurance
cheapest insurance

carinsuranceonline

car insurance online

17 year old car insurance

موقع نادى الزمالك
موقع جوجو الشامل
18 year old car insurance
تعليم الفوركس , دروس تعليم فوركس ,فيديو تعلم فوركس
موقع تعليم الفوركس,دورات فوركس ,دوره تعليم الفوركس
موقع شركات الوساطه فى الفوركس ,تعليم الفوركس
average car insurance for 18 year old
موقع تعليم الفوركس للمبتدئين 2010
موقع تعليم الفوركس للمبتدئين اون لاين

انى انتظر رايك
i wait you
اوك

واحدة مفروسة said...

موناليزا

esraa

عاشقة القمر


سبايدرمان


عصام الدين



كلكم و حشتوني ووحشنى انى ازوركم و افرسكم
تحياتي ليكوا
و يارب دايما تكونوا بخير

واحدة مفروسة said...

star in the sky
--------------------
يا هلا بأهل قنا
الوجهه القبلى
بصي يا قمرة
اسكندرية تحفة و تجنن و كل الكلام الحلو حقوله فيهاو عليها
القاهرة برضه حلوة جداااااا
بس بلليل
الصبح الناس اللى فى الاقاليم بتلاقيها تيجي تشتغل فى القاهرة
ده غير الطلبة العرب اللى موجودين بيدرسوا فى القاهرة
و ده اللى بيخلى القاهرة زحمة الصبح جداااااا
و مليانة زبالة
بس القاهريين الاصلين نضاف
متهيألى و الله أعلم
ههههه
المهم نورينا يا قمرة و تعالى و انا اوديكي الاماكن النضيفة بس
تحياتي ليكي

واحدة مفروسة said...

أحمد شريف
=========
حلو الدعاء بتاعك ليا
بس انا مفروسة على طول يا أحمد
منين تيجي بشاشة الوجهه بس
تحياتي ليكي و شكرا لمرورك

واحدة مفروسة said...

سعيد المصري
----------
واضح ان الزائر روبوت
آلى يعنى و ده شيء يفرسنى
و انا مش بعرف اتكلم مع الآليين
بحس انى فى فيلم روبوتي
و ايه كل المواقع ديه
ده انا اتفرست من كترها

أحمد شريف said...

السلام عليكِ
طالعت ردك في مدونة : بنت خيخة وأي كلام
فوددت أن أعاود طرق باب مدونتك لأقول لكِ : حفظكِ الله وبارك لكِ في أسرتك وزوجك وكامل أهلكِ

الشنكوتي الكبير said...

وعندك واحد رنجه كبيييييره
وبطارخ خشنه كمان ولمون وبصل وعيش سخن كمان

واحلى تحيه

سلاااااااااااااااااااااااام

اه صح حمدا لله على سلامتك
اخوكي ايهاب

Ahmed Mubarak said...

حمدلله على السلامه عودا حميداااااا