:))))))) حعززززززززززل

ازيكم جميعا

ازيكم بعد شم الفسيخ؟؟؟؟

و أكل الرنجة و البصل؟؟؟؟؟

يارب تكونوا بخير

انا جاية النهاردة اقولكم انى نويت اعزل

اه حعزل لفترة اتمنى انها تدوم

و التعزيل المرة ديه من غير عفش

يعنى مش حاخد اي حاجة (ان شاء الله) من البيت القديم

و لا حتى الفرسة

بس حاخد اسمى بس

و هى مفروسة

و لعلمكم البيت اللى نويت اروح اعيش فيه شوية

انتو تعرفوه برضه

و جيتوا زورتوني فيه

و هي مدونتى التانية ارض الاحلام

اللى بدأت اكتب فيها شوية

و من كتر الفرسة و النكد

و المود الوحش

استقريت فى المدونة ديه

:(

هيه صحيح كانت مدونة لا تحتوي فقط على الفرسات

لكن لا تخلوا منها ابدا

حتى لو الموضوع خفيف و لطيف

المهم انا حعزل شوية

علشان ابدأ بالتغيير

مش بتقولوا ابدأ بنفسك

انا حبتدى

و حاخد معايا داليا قوس قزح

اللى بدأت التغيير بترك مدونتها

و لكن ان شاء الله تقتنع انها تيجي معايا ارض الاحلام

نكتب فيها بإيجابية

بموضوعية

بدون انحياز لا لدين

ولا للون( مع انها بتحب الالوان)

ولا جنسية

بس حنلتزم فيها بالاسلوب الراقى

المهذب

الخالى من التجريح

و الشتيمة

والنقد الغير بناء

اسيبكم بقا انا دلوقتى

علشان اجهز نفسي للعزال

واروح اوضب البيت الجديد

و ادعولى انى اقنع داليا قوس قزح

انها تيجي معايا

اهو نحس على الاقل اننا عايشين

مع بعض فى بيت واحد

تحياتي ليكم جميا

15 زارونى......و اتفرسوا:

قوس قزح said...

فى ناس فى حياة الواحد بيكونوا غاليين عليه اوى لدرجة ممكن هم يكونوا مش مخيلينها
موضوع التدوين لى انتهى و يمكن ناس كانت فاكرة انها فترة و هارجع لكن انا فعلا بقالى اكتر من شهر مدخلتش حتى على البلوج بتاعى

بس يوم ما انتى تيجى تقولى داليا عايزاكى معايا ..مقدرش اقول غير حاضر
لانك من الناس الغالية اللى كنت باقول عليهم
هم اغلى من ان يتقال لهم لا


خدينا فى ايدك بقى و انتى بتعزلى :)

فاتيما said...

مين قال يا داليا
انى مصدقتش

انا مصدقة لدرجة انى قولت لخالد همس الاحباب انى مش هشوفك يوم ابو الريش و انك تقريبا مش هتيجى

بس لما قالى انك جاية
قولت خلاص

بس برضو مش هصدق غير لما اشوفك

و اظنك مش هتيجى
و الا مكنتيش قسميتها على اربعة تانين بغض النظر عن رأيك فيهم الحنية و الحماس و الحاجات اللى قولتيها دى


اتمنى البيت الجديد
اللى هتاخدك فيه مفروسة
يكون حاجة تانية

تغيير العتبة اصله فال حلو

و اصلا أرض الاحلام
ارض جميلة
و من زمااااان
مليانة حب و فرحة حقيقة
و يكفى انها خالية من الفرسات


انا عاوزة اتشكرلك يا فروستى
على العزال و التخلص من الفرسات و لو مؤقتاً و انا حاسة ان رياح التغيير مش بتطول المدونات بس دى هتطول الدنيا كلها بس للأسوأ مع الأسف الشديد ..لكن ادينا بنعيشها و نحاول نتفاءل حتى لو انعدمت اسباب التفاءول يكفينا الامل بالله و فقط

بويات و حضونات
و خلو من الفرسات
و قفل مدونات
و عزال و شد رحال على ارض الاحلام
ورااااااااكم
وراكم


و بحبكم

صيدلانيه طالعه نازله said...

جميل قوى يا روسه انك اقنعتى داليا بالرجوع
و بصراحه مكنش فى غيرك يقدر يقنعها
ربنا يوفقكم يارب و نشوفكم بتقدمولنا كلام جميل
كعادتكم دائما

قوس قزح said...

و الله يا طمطم ما فى نيتى انى مش اجى اليوم ده
ان شاء الله ربنا يسهل و اكون موجودة

و بعدين انتى بالذات ممكن تصدقى انى مشيت لانك نفس البرج
بس بردو هتكونى عارفة ان الحاجة اللى فيها اطفال مش هاقدر اتاخر عنها

اشوفك على خير بكرة يا طمطم

واحدة مفروسة said...

هيييييييييييه
داليا ردت
مين دول اللى غاليين؟؟؟
انا؟؟؟!!!!!
يا بنتى الله يكرمك بيعينى و هاتي تمنى نتقاسمة احنا الاتنين احسن
ههههههههههههههه
بصي يا دودو ارض الاحلام
كلامها كله امل
كله ملون
و انتى بتحبي الالوان
و انتى اقدر واحدة على الكتابة فيها
هههههههههههههههههه
و بعدين انا شريرة و افرس عادى
فالمدونة كانت مهجورة
و انا حأأجرهالك بفلوس
ههههههههههههههههههه
فرستك صح؟؟؟
ما هو لازم اللى فيه طبع يا بنتى
ههههههههههه
و النبي يا دودو و انتى رايحة
ابقى هاتى حاجات نملا التلاجة
ولا حتيجي و ايدك فاضية؟؟؟
هههههههه
انا اللى بستفاد منك يا جميل و الله
حيح انا اكبر منك
احم احم احم
اقصد بكام ساعة
بس بتعلم منك حاجات حلوة
تحياتي ليكي

واحدة مفروسة said...

فاتيما
-------------
هو احنا نقدر نعزل من غير ما تزورينا يا قمرة
ده انتى اساسي و اول تعليق ان شاء الله
بس مش عارفة على ايه
هههههههههههههه
تمتم
داليا فيها حاجات حلوة كتير
بعيدة خاااالص عن الجو الغريب اللى بدأ يسود
من شتايم و تجريح
و نقد غير بناء
و كلام و خلاص
و شعللة و خلاص
خلاص زهقنا من الاسلوب ده
و بقالنا فترة شايفين بيؤدى لإيه
قلة قيمة و بس

ليه ما نقولشي راينا باسلوب محترم
لينا قبل غيرنا؟؟؟؟
يالله ربنا يوفقنا
و انت طبعا يا جميل لو عاوز تبعت حاجة ليوسف من ارض الاحلام
اديهانى و انا ابعتهالك
متهيألى حتوصل اسرع
تحياتي ليكي
و منى كل الحب

قوس قزح said...

هههههههههههههه من اولها استغلال كده ؟
اومال ايه بس حكاية الامل و الحياة البمبى اللى رسمتيها فى الاول ؟

و بعدين تلاجة ايه ؟؟
هو انا رايحة ارض الاحلام و لا ارض الاموات
انتى هتخوفينى ايه ؟؟

واحدة مفروسة said...

صيدلانيه طالعه نازله
------------------
مرسي يا علا
و يا ريت تبقى تيجي تزورينا

AHMED SAMIR said...

هنا او هناك
اكيد هتفضلي مفروسة
بالتوفيق دائما

nour shahen said...

يعنى مش هتكتبى هنا تانى
طيب خليها زيارات متقطعه بين هنا وهناك
هو الاستقرار حلو فى مكان واحد
بس التنوع حلو برضو
بعدين سواء نقلتى هنا ولا هناك افكارك هتفضل واحده علي ما اعتقد يعنى
متألقه دايما
اتمنالك التوفيق فلى بتفكرى فيه

واحدة مفروسة said...

Ahmed samir
-------------------
تدق انا حاسة انى حجر فرستى ورايا منين ما اروح
ههههههههههههههه
ديه تبقى فرسة لازقة بغرا
تحياتي ليك يا احمد
و شكرا على مرورك

واحدة مفروسة said...

nour shahen
----------------
ان شاء الله حكتب يا قمرة
و حكاية انى مش استرسلت و كتبت حكايات للأطفال
ده لأنى ببساطة خفت افرسهم
ههههههههه
و همه لسة صغنين
تحياتي ليكي
و مرسي لمرورك

م/محمود فوزى said...

السلام عليكم
معلش جيت متاخر لمشاغل كده

كويس الاجازه من الفرسه
لكن المشكله انك صعب تهربي من الفرسه وانتى فى بلدنا بظروفها الحاليه
اكيد فيها حاجات كويسه
لكن برضه فيها حاجات كتييييييييييييير تفرس

يارب يكون الانتقال سعيد ومرحله جميله لكى ولقوس قزح
ربنا يكرمكم ويسعدكم

Wanda said...

انا مش فاهمة حاجة
المهم
يعنى اضيف المدونة الثانية على الرادير علشان نطمن عليكى ؟؟ و حتغيرى الاسم ؟؟
يبقى مسهمة :-) او حالمة :-))

المهم مبروكك عليكى العتبة الجديدة القديمة

و يارب بالخير

واحدة مفروسة said...

م/محمود فوزى
-----------------
حمدا لله على السلامة
و الله ليكم وحشة جميعا
شكلى حيسيبها تروح لوحدها
انا الفرسة بقت فى دمي
هههههههه
تحياتي